Хван Хі-Чхан

Хван Хі-Чхан
Пэрсанальная інфармацыя
Нарадзіўся 26 студзеня 1996(1996-01-26)[1][2][3] (28 гадоў)
Рост 177 см[4]
Пазыцыя нападнік
Клюбная інфармацыя
Клюб Ўулвэргэмптан Ўандэрэрз
Нумар 11
Клюбы
Гады Клюб Гульні (галы)¹
2015—2016
2016—2020
2018—2019
2020—2022
2021—2022
2022— 		Ліфэрынг
Рэд Бул
→ Гамбург (арэнда)
РБ Ляйпцыг
→ Ўулв. Ўанд. (арэнда)
Ўулвэргэмптан Ўандэрэрз 		31 (13)
86 (28)
20 (2)
20 (0)
30 (5)
60 (15)
Зборныя
2016— Рэспубліка Карэя 66 (14)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
15 верасьня 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
10 верасьня 2024.

Хван Хі-Чхан (па-карэйску: 황희찬; нар. 26 студзеня 1996 году) — карэйскі футбаліст, нападнік ангельскага клюбу «Ўулвэргэмптан Ўандэрэрз» і нацыянальнай зборнай Рэспублікі Карэі. Мае мянушку Хвансо, што з карэйскае мовы перакладаецца як «Хван-вол», бо мае агрэсіўны стыль гульні[5].

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Яшчэ маладым хлопцам быў заўважаны скаўтамі аўстрыйскага акадэміі «Рэд Булу»[6], да якой далучыўся ў сьнежні 2014 году. Таксама рана дэбютаваў за панянёны аўстрыйскі клюб. 3 лістапада 2016 году, зьявіўшыся на зьмену ў матчы Лігі Эўропы супраць францускай «Ніццы», двойчы ўлучыў мяч у браму супернікаў, чым здабыў перамогу свайму клюбу[7]. Добрым быў для гульца сэзон 2016—2017 году, калі ён у матчах аўстрыйскай Бундэсьлігі залічыў на свой рахунак 12 галоў, а ў наступным сэзоне дапамог свайму клюбу прасунуцца да паўфіналу Лігі Эўропы. Яшчэ адзін сэзон карэец правёў у арэндзе ў «Гамбургу».

Па вяртаньні склаў поруч з Эрлінгам Голянам і Такумі Мінаміна моцнае трыё[8], зрабіўшы «Рэд Бул» небясьпечным для супернікаў клюбам. Хван у Лізе чэмпіёнаў восем разоў улучыў мяч у брамы супернікаў. Ягоны стыль гульні вылучаўся энэргічнасьцю ў дадатак да дакладных перадачаў і выдатнага дрыблінгау[9]. Ува ўсіх аспэктах нападнік згуляў выдатны сэзон[10], праз што атрымаў запрашэньне ў «РБ Ляйпцыг». Бакі ўзгаднілі пяцігадовы кантракт 8 ліпеня 2020 году. Два гады былі ня вельмі ўдалымі для гульца. У жніўні 2021 году гулец далучыўся да ангельскага клюбу «Ўулвэргэмптан Ўандэрэрз» спачатку паводле дамовы арэнды, а потым склаўшы паўнавартасную ўгоду. Неблагім апынуўся сэзон 2022—2023 гадоў, калі гулец стала забіваў галы ў матчах Прэм’ер-лігі. Гэтак 27 сьнежня 2023 году Хван двойчы ўлучыў мяч у браму «Брэнтфарда», а ягоны клюб сьвяткаваў перамогу зь лікам 4:1.

Міжнародная

[рэдагаваць | рэдагаваць крыніцу]

Хван абараняў колеры нацыянальнай зборнай Рэспублікі Карэі на летніх Алімпійскіх гульнях 2016 году, дзе забіў гол у браму зборнай Нямеччыны. Нападнік адзначыўся голам у таварыскім матчы супраць зборнай Польшчы 28 сакавіка 2018 году, але Карэя ў той гульні зьведала паразу зь лікам 2:3[11]. Хван браў удзел у чэмпіянатах сьвету 2018 і 2022 году, у апошнім зь якіх улучыў важны мяч у браму зборнай Партугаліі, што дазволіла зборнай Рэспублікі Карэі прасунуцца ў плэй-оф[12].

Дасягненьні

[рэдагаваць | рэдагаваць крыніцу]

«Рэд Бул»:

Крыніцы

[рэдагаваць | рэдагаваць крыніцу]
  1. ^ а б в Hee-Chan Hwang // Transfermarkt (мн.) — 2000.
  2. ^ а б в Hwang Hee-chan // FBref.com (мн.)
  3. ^ а б в Hee-Chan Hwang // Salzburgwiki (ням.)
  4. ^ а б https://www.wolves.co.uk/teams/mens-first-team/hee-chan-hwang/
  5. ^ «1골·2도움…챔피언스리그 치받은 ‘성난 황소’ 황희찬». JoongAng Ilbo
  6. ^ «논란의 19살 황희찬, 실력만큼은 '진짜'였다». Mydaily.
  7. ^ «[VIDEO CUPLIKAN GOL Nice 0-2 FC Salzburg: Dua Gol Pemain Muda Korea Permalukan Balotelli Cs»]. Sepakbola.
  8. ^ Percy, John (11.12.2019). «Wolves prepare transfer swoop for Salzburg forward Hwang Hee-chan». The Daily Telegraph.
  9. ^ «Hee-Chan Hwang shining for Salzburg». UEFA.
  10. ^ «RB Leipzig sign Hwang Hee-chan from Red Bull Salzburg». Red Bull Salzburg.
  11. ^ «대표팀 뽑히고도 축구과외 받는다···'연습황소' 황희찬». JoongAng Ilbo.
  12. ^ «Last-gasp Hwang strike sends South Korea into World Cup last 16 with superb comeback win over Portugal». Eurosport.

Вонкавыя спасылкі

[рэдагаваць | рэдагаваць крыніцу]