Цімафей Лукашэвіч

Цімафей Лукашэвіч
Пэрсанальная інфармацыя
Нарадзіўся 21 сакавіка 1997(1997-03-21)[1] (27 гадоў)
Пазыцыя паўабаронца
Клюбная інфармацыя
Клюб Аўтазаводзец-Трактар[d]
Нумар 77
Клюбы
Гады Клюб Гульні (галы)¹
2015—2017 Дынама Менск 0 (0)
2017 → Дняпро Магілёў 29 (3)
2018 Дняпро Магілёў 15 (0)
2019 Дняпро Магілёў[d] 8 (0)
2019 → Мікашэвічы 10 (0)
2021—2023 Макслайн 30 (4)
2023—4 Аўтазаводзец-Трактар[d] 14 (2)
Зборныя
2017 Беларусь (да 21) 2 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
4 лістапада 2023.

Цімафе́й Лукашэ́віч (нар. 21 сакавіка 1997 году) — беларускі футбаліст, паўабаронца менскага «Аўтазаводзец-Трактара».

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

З 2015 году пачаў выступаць за дубль менскага «Дынама» і на наступны год трывала замацаваўся ў ягоным складзе. У студзені 2017 году падоўжыў кантракт з «Дынама»[2], а ў сакавіку быў аддадзены ў арэнду ў першалігавы «Прамень»[3]. Неўзабаве замацаваўся ў асноўным складзе, і першапачаткова разлічаная на паўгады арэнда была падоўжаная на ўвесь сэзон. Паводле вынікаў сэзону дапамог «Промню» выйсьці ў Найвышэйшую лігу.

У студзені 2018 году, пакінуўшы «Дынама», падпісаў паўнавартасны кантракт з «Промнем»[4]. Пачынаў сэзон 2018 году ў стартавым складзе, зь верасьня праз траўму страціў месца на полі. У пачатку 2019 году ў сувязі зь пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанай каманды, якая атрымала назву «Дняпро». У жніўні 2019 году на правах арэнды далучыўся да мікашэвіцкага «Граніта»[5], дзе часьцей выходзіў на замену. Па заканчэньні сэзону 2019 году пакінуў магілёўскі клюб.

У лютым 2021 году далучыўся да рагачоўскага «Макслайну». Паводле вынікаў сэзону 2021 году дапамог камандзе прабіцца ў Першую лігу. У лютым 2022 году падоўжыў пагадненьне з рагачоўскім клюбам[6]. Пачынаў сэзон 2022 году ў першай адзінаццатцы каманды, зь лета стаў часьцей выходзіць на замену. У лютым 2023 году стала вядома, што абаронца застаецца ў «Макслайне», які пераехаў у Віцебск, на сэзон 2023 году[7]. Аднак на полі не зьяўляўся. У ліпені 2023 году перайшоў у менскі «Трактар»[8].

Міжнародная

[рэдагаваць | рэдагаваць крыніцу]

26 сакавіка 2017 году дэбютаваў у зборнай Беларусі (да 21 году), выйшаўшы на замену ў другім тайме ў таварыскім матчы супраць зборнай Латвіі (3:4). У гэтай сустрэчы пасьпеў адзначыцца дублем.

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Прамень 2018 Найвышэйшая ліга 15 0

Крыніцы

[рэдагаваць | рэдагаваць крыніцу]
  1. ^ а б в Timofei Lukashevich // Transfermarkt (мн.) — 2000.
  2. ^ Футбол. Тимофей Лукашевич продлил контракт с минским "Динамо" (рас.) Архіўная копія ад 2022-07-07 г.
  3. ^ Лукашевич и Велько из минского "Динамо" отданы в аренду "Лучу" (рас.)
  4. ^ Тимофей Лукашевич стал игроком "Луча" (рас.)
  5. ^ "Гранит" объявил о переходе из "Дняпро" Лукашевича (рас.)
  6. ^ Трачинский и Лукашевич продлили контракты с "Макслайном" (рас.)
  7. ^ Баланович и еще четыре игрока продлили контракты с "Макслайном" (рас.)
  8. ^ "Трактор" подписал двух бывших игроков молодежной сборной Беларуси (рас.)

Вонкавыя спасылкі

[рэдагаваць | рэдагаваць крыніцу]