Яўген Лебедзеў

Яўген Лебедзеў
Пэрсанальная інфармацыя
Нарадзіўся 29 сьнежня 1994(1994-12-29)[1] (29 гадоў)
Рост 186 см
Вага 83 кг[2]
Пазыцыя нападнік
Клюбная інфармацыя
Клюб Мёры[d]
Нумар 21
Клюбы
Гады Клюб Гульні (галы)¹
2012 Віцебск-2[d] 23 (5)
2013—2016 Шахцёр Салігорск 0 (0)
2014 → Мікашэвічы 24 (3)
2015 → Віцебск 17 (1)
2016 → Нафтан 22 (4)
2017 Тарпэда Менск 21 (3)
2018 Ворша 9 (2)
2018 Славія Мазыр 3 (0)
2019 Ворша 13 (1)
2020 Вікторыя 8 (3)
2020 Хваля 10 (1)
2021 Слонім-2017 11 (2)
2022—4 Мёры[d] 37 (19)
Зборныя
2013—2016 Беларусь (да 21) 23 (5)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
10 кастрычніка 2024.

Яўге́н Ле́бедзеў (нар. 29 сьнежня 1994 году) — беларускі футбаліст, нападнік «Мёраў».

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

Выхаванец «Віцебску». Пачаў кар’еру ў фарм-клюбе «Віцебск-2», найлепшым бамбардзірам якога стаў у сэзоне 2012 году. Па заканчэньні сэзону 2012 году поруч з таварышам па камандзе Мікалаем Золатавым перайшоў у салігорскі «Шахцёр». У сэзоне 2013 году выступаў за дубль гарнякоў, якому дапамог атрымаць перамогу ў першынстве дублюючых складаў, а сам з 18 галамі стаў найлепшым бамбардзірам. Да сэзону 2014 году рыхтаваўся ўжо з асноўным складам «Шахцёра», але ў красавіку 2014 году дзеля здабыцьця практыкі быў аддадзены ў арэнду мікашэвіцкаму «Граніту» да канца сэзону[3]. Здолеў замацавацца ў асноўным складзе «Граніта», чым дапамог камандзе вярнуцца ў Найвышэйшую лігу.

У сьнежні 2014 году вярнуўся з арэнды ў «Шахцёр»[4]. Некаторы час рыхтаваўся да сэзону разам з гарнякамі, а ў лютым 2015 году разам зь Мікалаем Золатавым быў аддадзены ў арэнду «Віцебску» да канца сэзону[5]. У віцебскім клюбе адразу замацаваўся ў якасьці гульца асноўнага складу. Ужо ў першым сваім матчы па вяртаньні ў «Віцебск», 22 сакавіка 2015 году супраць менскага «Дынама» ў чвэрцьфінале Кубка Беларусі, адзначыўся голам (выніковы лік 2:1 на карысьць «Віцебску»). 11 красавіка 2015 году дэбютаваў у Найвышэйшай лізе ў матчы супраць мікашэвіцкага «Граніта», дзе на 34-й хвіліне ўсталяваў канчатковы лік (1:1). У жніўні адсутнічаў праз траўму, пазьней вярнуўся ў асноўны склад.

Па заканчэньні сэзону 2015 году вярнуўся ў «Шахцёр», разам зь якім пачаў падрыхтоўку да наступнага сэзону. Аднак, у лютым прыбыў на прагляд у наваполацкі «Нафтан» і ў сакавіку стаў гульцом гэтага клюбу[6]. Пачатак сэзону 2016 году прапусьціў праз пашкоджаньне, у траўні вярнуўся на поле і стаў гульцом першага складу навапалачанаў. У студзені 2017 году вярнуўся ў Салігорск[7]. У лютым 2017 году падпісаў трохгадовы кантракт зь менскім «Тарпэда»[8]. У сьнежні 2017 году паводле пагадненьня бакоў пакінуў сталічны клюб[9].

У першай палове 2018 году выступаў за клюб «Ворша»[10], а ў жніўні прыяднаўся да мазырскай «Славію»[11]. Да сканчэньня году, у якім «Славія» атрымала перамогу ў Першай лізе, згуляў за каманду ў трох матчах, пасьля чаго пакінуў клюб. У ліпені 2019 году зноў стаў гульцом да «Воршы»[12], гуляў там да канца сэзону. У красавіку 2020 году далучыўся да мар’інагорскай «Вікторыі», а ў жніўні таго ж году перайшоў у пінскую «Хвалю»[13], дзе чаргаваў выхады ў пачатковым складзе і на замену. У студзені 2021 году пачынаў трэнавацца з «Хваляй», але неўзабаве паводле пагадненьня бакоў пакінуў клюб[14]. У лютым 2021 году ўзмоцніў шыхты «Слоніму-2017»[15], дзе замацаваўся ў стартавым складзе. У ліпені 2021 году паводле пагадненьня бакоў пакінуў каманду[16]. У пачатку 2022 году далучыўся да «Мёраў».

Міжнародная

[рэдагаваць | рэдагаваць крыніцу]

Улетку 2013 году выступаў за малодшую моладзевую зборную Беларусі (да 20 гадоў) на міжнародным турніры ў Гішпаніі. 25 студзеня 2014 году дэбютаваў у моладзевай зборнай Беларусі ў матчы супраць зборнай Казахстану на Кубку Садружнасьці ў Санкт-Пецярбургу. У гэтым матчы адзначыўся голам і галявой перадачай.

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Віцебск 2015 Найвышэйшая ліга 17 1
Нафтан 2016 Найвышэйшая ліга 22 4
Тарпэда Менск 2017 Першая ліга 21 3
Ворша 2018 Першая ліга 9 2
Славія Мазыр 3 0

Крыніцы

[рэдагаваць | рэдагаваць крыніцу]
  1. ^ а б в Evgeni Lebedev // Transfermarkt (мн.) — 2000.
  2. ^ а б https://www.pressball.by/footballstat/evgeni_lebedev/
  3. ^ Евгений Лебедев продолжит карьеру в «Граните» на правах аренды
  4. ^ Футбол. У троих футболистов "Гранита" закончились арендные соглашения
  5. ^ «Витебск» взял у «Шахтера» в аренду Евгения Лебедева и Николая Золотова (рас.)
  6. ^ Роман Степанов и Евгений Лебедев стали игроками «Нафтана» (рас.)
  7. ^ "Шахтер" продлил контракт с Янушкевичем
  8. ^ Лебедев подписал трехлетний контракт с минским «Торпедо» (рас.)
  9. ^ Лебедев покинет столичное "Торпедо"
  10. ^ 1-я лига. Анонс сезона. «Локо» в Хойниках. Новополоцк и Мозырь: надолго? (рас.)
  11. ^ Нападающий Евгений Лебедев стал игроком «Славии» (рас.)
  12. ^ «Орша». Информация о команде — 29-й чемпионат Беларуси (2019) (рас.)
  13. ^ «Волна» подписала четырёх новичков
  14. ^ Мороз и солнце… и «Волна»
  15. ^ Евгений Лебедев перешел из "Волны" в "Слоним-2017"
  16. ^ Утюжников и Лебедев расторгли контракты со "Слонимом-2017"

Вонкавыя спасылкі

[рэдагаваць | рэдагаваць крыніцу]