Алег Аляксандравіч Чмырыкаў

Футбол
Алег Чмырыкаў
Поўнае імя Алег Аляксандравіч Чмырыкаў
Нарадзіўся 8 лютага 1996(1996-02-08)[1] (28 гадоў)
Грамадзянства  Беларусь
Рост 182 см
Вага 73 кг
Пазіцыя абаронца
Клубная кар’ера[* 1]
2013—2018 Беларусь Гомель 40 (1)
2017 →  Беларусь Белшына (Бабруйск) 15 (1)
2018 →  Беларусь Дняпро (Магілёў) 13 (0)
2019 Беларусь Слуцк 5 (0)
2019 Беларусь Хімік (Светлагорск) 12 (0)
2020—2021 Беларусь Дняпро (Магілёў) 42 (2)
Нацыянальная зборная[* 2]
2012—2013 Беларусь Беларусь (да 17) 4 (0)
2014 Беларусь Беларусь (да 19) 1 (0)
2017 Беларусь Беларусь (да 21) 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах

Алег Чмырыкаў (нар. 8 лютага 1996, Магілёў) — беларускі футбаліст, абаронца.

Клубная кар’ера

[правіць | правіць зыходнік]

Пачынаў займацца футболам у сістэме магілёўскага «Дняпра», аднак у маладым узросце трапіў у «Гомель», з 2013 года пачаў гуляць за дубль, дзе хутка замацаваўся ў складзе.

Улетку 2015 года, пасля таго як з-за фінансавых праблем «Гомель» пакінулі асноўныя ігракі, быў пераведзены ў першую каманду. 14 верасня 2015 года дэбютаваў у Вышэйшай лізе, адгуляўшы другі тайм матча супраць «Мінска» (0:1). Пазней замацаваўся ў асноўнай камандзе «Гомеля», але не здолеў выратаваць яе ад вылету ў Першую лігу. У сезоне 2016 ужо трывала гуляў у стартавым складзе, правёў усе 26 матчаў у Першай лізе і дапамог камандзе вярнуцца ў элітны дывізіён.

У Вышэйшай лізе страціў трывалае месца ў складзе. У маі 2017 года гуляў у стартавым складзе каманды, пазней зноў стаў заставацца на лаўцы запасных. У жніўні 2017 года быў аддадзены ў арэнду «Белшыне» да канца сезона[2]. У складзе бабруйскага клуба здолеў замацавацца ў аснове. Па заканчэнні сезона ў снежні 2017 года вярнуўся ў «Гомель».

У студзені 2018 года пачаў рыхтавацца да новага сезона з гомельскай камандай, а пазней далучыўся да магілёўскага «Дняпра», які ў сакавіку 2018 года ўзяў абаронцу ў арэнду на сезон[3]. Пачынаў сезон 2018 у стартавым складзе магіляўчан, аднак у маі атрымаў траўму, вярнуўся на поле ў жніўні і зноў стаў іграком стартавага складу.

У снежні 2018 года па заканчэнні арэнды пакінуў «Дняпро»[4] і неўзабаве падпісаў кантракт са «Слуцкам»[5]. Згуляў за каманду ў пяці матчах у пачатку сезона, пасля чаго страціў месца на полі. У ліпені 2019 года пакінуў «Слуцк»[6]. Неўзабаве накіраваўся на прагляд у «Віцебск», але не падышоў[7].

У жніўні 2019 года стаў іграком светлагорскага «Хіміка»[8], дзе быў трывалым іграком асновы. У студзені 2020 года пачаў трэніравацца з магілёўскім «Дняпром» і неўзабаве падпісаў кантракт[9]. Дапамог клубу па выніках сезона 2020 выйграць Другую лігу, у 2021 годзе гуляў за каманду ў Першай лізе, пераважна ў стартавым складзе. У снежні 2021 года па выніках паседжання Кантрольна-дысцыплінарнага камітэта АБФФ быў дыскваліфікаваны на адзін год і аштрафаны на 2900 рублёў за парушэнні Кодэкса паводзін і спартыўнай сумленнасці[10]. У студзені 2022 года пакінуў «Дняпро»[11].

Міжнародная кар’ера

[правіць | правіць зыходнік]

Гуляў за юнацкія зборныя Беларусі ў кваліфікацыі чэмпіянату Еўропы.

26 сакавіка 2017 года дэбютаваў у моладзевай зборнай Беларусі, выйшаўшы на замену ў другім тайме таварыскага матча супраць Латвіі (3:4).

Дасягненні

[правіць | правіць зыходнік]

Статыстыка выступленняў

[правіць | правіць зыходнік]
Сезон Дывізіён Клуб Краіна Матчы Галы
2013 дубль Гомель Беларусь 18 0
2014 дубль Гомель Беларусь 25 0
2015 Д1 Гомель Беларусь 8 0
2016 Д2 Гомель Беларусь 26 1
2017 (1) Д1 Гомель Беларусь 6 0
2017 (2) Д2 Белшына Беларусь 15 1
2018 Д1 Дняпро Беларусь 13 0
2019 (1) Д1 Слуцк Беларусь 5 0
2019 (2) Д2 Хімік Беларусь 12 0
2020 Д3 Дняпро Беларусь 21 1
2021 Д2 Дняпро Беларусь 21 1

Крыніцы

[правіць | правіць зыходнік]
  1. ↑ Oleg Chmyrikov // Transfermarkt — 2000. Праверана 9 кастрычніка 2017.
  2. ↑ Защитник "Гомеля" Чмыриков перешел в "Белшину" (руск.). football.by (3 жніўня 2017). Праверана 17 красавіка 2024.
  3. ↑ Чмыриков отдан в аренду "Днепру" (руск.). football.by (6 сакавіка 2018). Праверана 17 красавіка 2024.
  4. ↑ 11 футболистов покинули "Днепр" (руск.). football.by (4 снежня 2018). Праверана 17 красавіка 2024.
  5. ↑ Чмыриков стал игроком "Слуцка" (руск.). football.by (13 снежня 2018). Праверана 17 красавіка 2024.
  6. ↑ Савостьянов и Чмыриков покидают "Слуцк" (руск.). football.by (17 ліпеня 2019). Праверана 17 красавіка 2024.
  7. ↑ Печенин может покинуть "Витебск", Матеус и Чмыриков не подошли клубу (руск.). football.by (30 ліпеня 2019). Праверана 17 красавіка 2024.
  8. ↑ Чмыриков сменил "Слуцк" на "Химик" (руск.). football.by (21 жніўня 2019). Праверана 17 красавіка 2024.
  9. ↑ Чмыриков перешел в "Днепр-Могилев" (руск.). football.by (23 студзеня 2020). Праверана 17 красавіка 2024.
  10. ↑ КДК АБФФ дисквалифицировал Чмырикова на год, Штыгеля пожизненно (руск.). football.by (2 снежня 2021). Праверана 17 красавіка 2024.
  11. ↑ Чмыриков и Жесткин расстались с "Днепром", Гусев продлил контракт (руск.). football.by (4 студзеня 2022). Праверана 17 красавіка 2024.