Аліс Ба Кунке (шведск.: Alice Bah Kuhnke; нар. 21 снежня1971, Мальмё) — шведскі тэлежурналіст і палітык. Міністр культуры і дэмакратыі Швецыі ў чырвона-зялёным кабінеце міністраў Лёвена з кастрычніка 2014 года па студзень 2019 года.
Нарадзілася ў сям’і бацькі-гамбійца і маці-шведкі. Вучылася ў школе ў Векшэ, была адной з лепшых дзяўчат-спрынтараў краіны. У 2003 годзе скончыла факультэт паліталогіі ў Стакгольмскім універсітэце.
З дзевяностых гадоў працавала ў СМІ, у 1992—1997 гадах была звязана з грамадскім тэлебачаннем Sveriges Television, дзе пачынала з перадачы «Disney Club», з 1998 года — з TV4, дзе вяла сваё ўласнае ток-шоў.
З 2001 па 2004 яна працавала на пасадзе дырэктара дэпартамента ў страхавой кампаніі Skandia. З 2007 года была генеральным сакратаром арганізацыі Rättvisemärkt3. У верасні 2009 года яна пачала адказваць за пытанні аховы навакольнага асяроддзя і сацыяльнай адказнасці ў кампаніі ÅF.
У 2013 годзе прызначаная генеральным дырэктарам MUCF — дзяржаўнага агенцтва па справах моладзі. Яна займала розныя пасады ў няўрадавых арганізацыях і кансультатыўных саветах, у тым ліку ў сінодзе шведскіх цэркваў (2006—2010) і была віцэ-прэзідэнтам шведскага аддзялення юнацкай хрысціянскай асацыяцыі (YMCA-YWCA).
3 кастрычніка 2014 года, праз тры дні пасля ўступлення ў Партыю зялёных яе прызначылі міністрам культуры ў левацэнтрысцкім урадзе Лёвена.
Медыяфайлы на Вікісховішчы
