Навучаўся ў Акадэміі АБФФ, пасля яе заканчэння ў 2017 годзе далучыўся да мінскага «Тарпеда», дзе ў сезоне 2017 правёў 5 матчаў у Першай лізе. У 2018—2019 гадах, калі «Тарпеда» выступала ў Вышэйшай лізе, гуляў за дубль клуба. У жніўні 2019 года, пасля таго як «Тарпеда» спыніла існаванне, перайшоў у «Энергетык-БДУ», дзе спачатку таксама гуляў за дубль. 8 жніўня 2020 года дэбютаваў у Вышэйшай лізе, адгуляўшы ўсе 90 хвілін у матчы супраць гродзенскага «Нёмана» (1:1). У 2020—2021 гадах чаргаваўся ў складзе з іншымі брамнікамі, а ў сезоне 2022 замацаваўся ў стартавым складзе і дапамог камандзе заняць другое месца ў чэмпіянаце Беларусі.
У снежні 2022 года падпісаў трохгадовы кантракт з мінскім «Дынама»[5]. Сезон 2023 амаль поўнасцю прапусціў з-за траўмы. У ліпені 2024 года быў аддадзены ў арэнду ў мазырскую «Славію»[6].
У 2020 годзе пачаў прыцягвацца да моладзевай зборнай Беларусі, але тады так і не згуляў за яе. 29 сакавіка 2021 года дэбютаваў у моладзевай зборнай, адгуляўшы ўсе 90 хвілін у таварыскім матчы супраць Грузіі (1:4).
Беларусь
Славія
