Ахнантэс

	Ахнантэс
	; Ахнантэс ланцэтны (Achnanthes lanceolata)
Навуковая класіфікацыя
Дамен:	Эўкарыёты
Царства:	Храмісты
Аддзел:	Bacillariophyta
Клас:	Дыятомавыя водарасці
Падклас:	Bacillariophycidae
Парадак:	Achnanthales
Сямейства:	Ахнантавыя
Род:	Ахнантэс
Міжнародная навуковая назва
	Achnanthes
ITIS	3429
EOL	11717
FW	83624

Ахнантэс^[1] (Achnanthes) — род дыятомавых водарасцей сямейства ахнантавых, які ўключае больш як 100 прэснаводных, саланаватаводных і марскіх відаў.

Апісанне

Клеткі адзінкавыя, або ў стужка- і кусцікападобных калоніях, дробныя аднаклеткавыя дыятомы даўжынёй менш 40 мкм. Асобныя клеткі маюць абалонку з двух створак, характэрных для дыятомаў. Створкі пераважна ланцэтныя, эліптычныя або лінейныя, з папярочнымі пункцірнымі або гладкімі штрыхамі. Ніжняя створка мае ніткападобнае або S-падобнае шво. Ракавіна выгнутая ў выглядзе збоку, на канцах часта сагнутая назад у процілеглым кірунку. У выглядзе абалонкі звычайна эліптычная. Клетка мацуецца да субстрату.

Размнажэнне бясполае, адбываецца праз тыповы падзел дыятомаў на два. Палавое размнажэнне адбываецца праз анігамію, у выніку чаго ў кожнай клетцы ўтвараюцца дзве гаметы. Затым адбываецца павелічэнне клетак падчас утварэнне ауксаспор.

Экалогія

Прадстаўнікі роду ў асноўным пасяляюцца на іншых раслінах (эпіфітызм) і сустракаецца ў прэсных, саланаватых і марскіх водах.

Віды

Зноскі

↑ Логінава Л. П. Ахнантэс // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

Літаратура

Логінава Л. П. Ахнантэс // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
Karl-Heinz Linne von Berg, Michael Melkonian u. a.: Der Kosmos-Algenführer. Die wichtigsten Süßwasseralgen im Mikroskop. Kosmos, Stuttgart 2004, ISBN 3-440-09719-6, S. 202.

Спасылкі

Ахнантэс на algaebase.org Архівавана 6 чэрвеня 2019.

[1] Логінава Л. П. Ахнантэс // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

[1]