Бакалажэва

Вёска Бакалажэва польск.: Bakałarzewo Герб Касцёл Святога Якуба Краіна  Польшча Ваяводства Падляскае Павет Сувальскі Гміна Бакалажэва Каардынаты 54°05′00″ пн. ш. 22°38′00″ у. д.^HGЯO Вышыня цэнтра 173 м і 174 м Насельніцтва 872 чалавекі (2019) Часавы пояс UTC+1, летам UTC+2 Тэлефонны код +48 87 Паштовыя індэксы 16-423 Аўтамабільны код BSU Афіцыйны сайт bakalarzewo.pl Бакалажэва на карце Польшчы ±

Медыяфайлы на Вікісховішчы

Бакалажэва^[1] (польск.: Bakałarzewo) — вёска ў Польшчы, за 19 км на захад ад Сувалак і за 114 км на поўнач ад Беластока, на рацэ Распудзе. Уваходзіць у склад Сувальскага павета Падляскага ваяводства, сядзіба вясковай гміны Бакалажэва.

Назва

Назва Бакаларава паходзіць ад мянушкі Мікалая Рачковіча «Бакалара», аднаго з заснавальнікаў паселішча.

Гісторыя

Вялікае Княства Літоўскае

Бакаларава на карце 1655 года

Мястэчка было заснавана ў пачатку XVI стагоддзя пад назвай Даўспруда Бакаралаўская або Бакалараўшчына. Яно ўваходзіла ў склад Гарадзенскага павета Троцкага ваяводства. У другой палове XVI стагоддзя мястэчка ўжо ўпамінаецца пад назвай Бакаларава.

Да 1558 года Бакаларава атрымала магдэбургскае права. У 1609 годзе Мікалай Вольскі фундаваў стварэнне касцельнага алтара (захоўваецца ў касцёле Святога Якуба).

У другой палове XVII стагоддзя Бакаларава перайшло ў валоданне Хлявінскіх^[2], у XVIII стагоддзі — да Цемналонскіх.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Бакаларава апынулася ў складзе Прусіі, у 1807 годзе згодна з Тыльзіцкім мірным дагаворам — у складзе Герцагства Варшаўскага, з 1815 года — у Царстве Польскім, залежным ад Расійскай імперыі, у Сейненскім павеце Аўгустоўскай губерні. У 1870 мястэчка было пазбаўлена гарадскіх правоў. Да 1880 колькасць будынкаў дасягнула 103.

Найноўшы час

Згодна з Рыжскім мірным дагаворам 1921 года Бакаларава апынулася ў складзе міжваеннай Польскай Рэспублікі.

У часы Другой сусветнай вайны з 4 верасня 1939 да 1945 года Бакалажэва знаходзілася пад акупацыяй Трэцяга Рэйха. У 1973 годзе вёска стала сядзібай вясковай гміны. У 1975—1998 гадах Бакалажэва ўваходзіла ў склад Сувальскага ваяводства.

Насельніцтва

• XIX стагоддзе: ~1880 год — 1554 чал.^[3]
• XX стагоддзе: 1929 год — 705 чал.
• XXI стагоддзе: 2019 год — 872 чал.

Славутасці

• Касцёл Святога Якуба (1936)
• Млын (XIX ст.)
• Могілкі: старыя каталіцкія, іўдзейскія

Крыніцы

1. Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.
2. Naruszewicz T. Miejscowości ziemi bakałarzewskiej. — Bakałarzewo, 2014. S. 20—24.
3. Chlebowski B. Bakałarzewo // Słownik geograficzny Królestwa Polskiego i innych krajów słowiańskich. Tom I: Aa — Dereneczna (польск.). — Warszawa, 1880. — S. 84.

Спасылкі

• На Вікісховішчы ёсць медыяфайлы па тэме Бакалажэва