Бруну Фурлан

Футбол
Бруну Фурлан
Нарадзіўся 9 ліпеня 1992(1992-07-09)[1] (32 гады)
Грамадзянства  Бразілія
Рост 175 см
Вага 74 кг
Пазіцыя нападнік
Клубная кар’ера[* 1]
2010—2017 Бразілія Атлетыку Паранаэнсі 8 (1)
2010—2011 →  Беларусь Дынама (Мінск) 32 (14)
2014 →  Бразілія Наўтыку (Рэсіфі) 16 (2)
2015 →  Бразілія Жайнвілі
2016 →  Бразілія АБС (Натал)
2017 →  Бразілія Амерыка (Натал)
2018 Беларусь Віцебск 18 (4)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 снежня 2018.

Бруну Фурлан[2] (нар. 9 ліпеня 1992, Кампу-Гранды, Бразілія) — бразільскі футбаліст, нападнік.

Клубная кар’ера

[правіць | правіць зыходнік]

З’яўляецца выхаванцам бразільскага клуба «Атлетыку Паранаэнсі» з Курытыбы. Улетку 2010 года разам з шэрагам іншых бразільскіх ігракоў быў арандаваны беларускім клубам «Дынама» з Мінска. У складзе мінчан здолеў замацавацца ў аснове. У сезоне 2011 стаў найлепшым бамбардзірам каманды ў чэмпіянаце Беларусі (11 галоў). Па заканчэнні сезона «Дынама» хацела падоўжыць супрацоўніцтва з нападнікам, аднак «Атлетыку Паранаэнсі» адклікала Фурлана з арэнды. У 2012—2014 гадах Бруну гуляў за гэты клуб у чэмпіянаце штата Парана і ў бразільскіх Серыі A і Серыі B.

З 2014 года пачаў зноў аддавацца ў арэнды. У сезоне 2014 выступаў за «Наўтыку» ў Серыі B, у 2015 годзе гуляў за «Жайнвілі» ў чэмпіянаце штата Санта-Катарына. У 2016—2017 быў у арэндах у клубах АБС і «Амерыка» з Натала (штат Рыу-Гранды-ду-Норты), аднак з-за траўм амаль не гуляў.

У студзені 2018 года, пакінуўшы «Атлетыку Паранаэнсі», прыбыў у беларускі клуб «Віцебск»[3], а ў лютым клуб афіцыйна абвясціў аб падпісанні кантракта з бразільскім нападнікам[4]. Пачатак сезона 2018 прапусціў, аднаўляючыся ад траўмы, ў чэрвені пачаў з’яўляцца на полі, чаргаваў выхады ў стартавым складзе і на замену. У снежні 2018 года па пагадненні бакоў пакінуў віцебскі клуб[5] і завяршыў прафесійную кар’еру.

Дасягненні

[правіць | правіць зыходнік]

Крыніцы

[правіць | правіць зыходнік]
  1. ↑ Bruno Furlan // Transfermarkt — 2000. Праверана 9 кастрычніка 2017.
  2. ↑ Напісанне ў адпаведнасці з партугальска-беларускай практычнай транскрыпцыяй
  3. ↑ Футбол. Бразильский нападающий Бруно Фурлан присоединился к "Витебску"(недаступная спасылка)
  4. ↑ "Витебск" объявил о подписании контрактов с Вандерсоном и Бруно Фурланом
  5. ↑ Третий бомбардир "Витебска" покинул клуб