Гірча кменалістая

Гірча кменалістая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Парасонакветныя Сямейства:  Парасонавыя Падсямейства:  Apioideae Трыба:  Selineae Род:  Гірча Від:  Гірча кменалістая
Міжнародная навуковая назва
Selinum carvifolia (L.) L., 1762
Сінонімы
Selinum tenuifolium Salisb. Selinum carvifolia (L.) L.
Сістэматыка на Віківідах Выявы на Вікісховішчы ITIS   507168 NCBI   223577 EOL   483080 GRIN   t:102142 IPNI   848204-1 TPL   kew-2479118

Гірча́ кменалістая^[3][4] (Selinum carvifolia) — від кветкавых травяністых раслін роду Гірча (Selinum) сямейства Парасонавыя (Umbelliferae).

Батанічнае апісанне

Шматгадовая расліна вышынёй 30—100 см. Сцябло баразнаватае, з вузкімі крылатымі рэбрамі, простае або галінастае ў верхняй частцы. Ніжняе і прыкаранёвае лісце шматразова перыста-рассечанае, на доўгіх чарашках. Верхняе лісце больш дробнае, менш рассечанае і амаль сядзячае. Кветкі белыя або чырванаватыя, у складаных парасоніках. Плод — віслаплоднік (пры высыханні распадаецца на дзве палавінкі).

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Арэал і экалогія

Расліна распаўсюджана на тэрыторыі Еўропы і Азіі. Заносны від на тэрыторыі Паўночнай Амерыкі. Расце на ўзлесках, на лугах, берагах вадаёмаў, у хмызняках. Цвіце ў чэрвені—жніўні, насенне выспявае ў верасні.

Ахоўны статус

Гірча кменалістая — даволі рэдкі від. Ахоўваецца на тэрыторыі ўсходняй Фенаскандыі, у Расіі (Рэспубліка Карэлія, Рэспубліка Татарстан, Растоўская, Курганская, Цюменская вобласці), на Украіне (Луганская вобласць)^[5].

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 120. — 160 с. — 2 350 экз.
4. ЭПБ 1983.
5. Гирча тминолистная — Selinum carvifolia: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

• Гірча // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 64. — 522 с. — 10 000 экз.

Спасылкі

• Гирча тминолистная — Selinum carvifolia: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Гирча тминолистная (Selinum carvifolia (L.) L.) // Праект «Архив природы России» Архівавана 17 чэрвеня 2018. (руск.)
• Selinum carvifolia в Красной книге Ростовской области // ИАС «ООПТ России» Архівавана 24 лістапада 2019. (руск.)
• Apiaceae Selinum carvifolia (L.) L. // Гербарий ЦБС НАН Беларуси MSKH