Джон Нэш

У Вікіпедыі ёсць артыкулы пра іншых людзей з прозвішчам Нэш.
Гэта артыкул пра брытанскага архітэктара. Пра амерыканскі матэматыка гл. артыкул Джон Форбс Нэш
Джон Нэш
Дата нараджэння 18 студзеня 1752(1752-01-18)[1][2]
Месца нараджэння
Дата смерці 13 мая 1835(1835-05-13)[3][4][…] (83 гады)
Месца смерці
Месца пахавання
Грамадзянства
Уплыў Robert Taylor[d][5]
Лагатып Вікісховішча Медыяфайлы на Вікісховішчы

Джон Нэш (англ. John Nash; 18 студзеня 1752, Лондан — 13 мая 1835, Лондан) — брытанскі архітэктар, найбуйнейшы прадстаўнік брытанскага ампіру («рэгенцкі стыль»).

Біяграфія

[правіць | правіць зыходнік]

Нарадзіўся ў Лондане ў сям'і слесара. Вучыўся архітэктуры ў Роберта Тэйлара. Скончыўшы курс навучання, з'ехаў у Уэльс, дзе заняўся прадпрымальніцкай дзейнасцю, аднак у 1784 разарыўся. Пасля гэтага вярнуўся да архітэктарскай працы. Пасля некалькіх гадоў працы над загараднымі дамамі ў 1792 вярнуўся ў Лондан.

Банкетная зала Павільёна ў Брайтане. З альбома Джона Нэша

У 1811 годзе атрымаў ад прынца-рэгента (будучы кароль Георг IV) даручэнне распрацаваць план забудовы мясцовасці, якая пазней атрымала назву Мэрылбан-парку. Складзены Нэшам план быў рэалізаваны да 1818 годзе. Гэты праект, у прыватнасці, складаецца з планіроўкі і забудовы Рыджэнт-стрыт, Рыджэнтс-парка і прылеглых кварталаў.

Стаўшы прыдворным архітэктарам, Нэш спраектаваў яшчэ мноства будынкаў і збудаванняў. Па яго праектах створаны Сент-Джэймс-Парк, комплекс Трафальгарскай плошчы, тэатр Хэймаркет, Мармуровая арка. У 1815—1822 перабудаваў ва ўсходнім стылі Каралеўскі павільён у Брайтане. Нэш таксама кіраваў рэканструкцыяй Букінгемскага палаца, пасля якой гэты палац стаў рэзідэнцыяй каралеўскай сям'і.

Пасля смерці заступніка Нэша Георга IV у 1830 годзе яго праціўнікі, сярод якіх быў і герцаг Уэлінгтан, зрабілі ўсё, каб адхіліць яго ад дзейнасці ў камісіі па рэканструкцыі Букінгемскага палаца. Пасля чаго Нэш вымушаны быў выдаліцца ў сваё памесце, дзе і памёр у 1835 годзе.

Зноскі

  1. ↑ John Nash // European Theatre Architecture — Arts and Theatre Institute. Праверана 9 кастрычніка 2017.
  2. ↑ John Nash // Structurae — Ratingen: 1998. Праверана 9 кастрычніка 2017.
  3. ↑ John (architect) Nash // RKDartists Праверана 9 кастрычніка 2017.
  4. ↑ John Nash // Encyclopædia Britannica Праверана 9 кастрычніка 2017.
  5. ↑ а б Oxford Dictionary of National Biography / C. Matthew — Oxford: OUP, 2004.

Літаратура

[правіць | правіць зыходнік]
  • Davis, Terence, (1966) John Nash The Prince Regent's Architect, Country Life
  • Mansbridge, Michael (1991) John Nash A complete catalogue, Phaidon Press
  • Port M.H. (2006) Six Hundred New Churches: The Church Building Commission 1818—1856, 2nd Ed, Yale University Press, ISBN 978-1-904965-08-04
  • Suggett, Richard (1995) John Nash Architect in Wales, The Royal Commission on the Ancient and Historical Monuments of Wales, ISBN 1-871184-16-9
  • Summerson, John (1980) The Life and Work of John Nash Architect, George Allen & Unwin, ISBN 0-04-720021-9

Спасылкі

[правіць | правіць зыходнік]