Зволе

Горад Зволе нідэрл.: Zwolle Герб^[d] Сцяг^[d] Краіна  Нідэрланды Правінцыя Аверэйсел Каардынаты 52°30′ пн. ш. 6°05′ у. д.^HGЯO Бургамістр Генк Ян Меіер[1] Плошча 119,28[2] км² Вышыня цэнтра 4 м Водныя аб’екты Эйсел^[d], Thorbeckegracht^[d] і Zwarte Water^[d] Насельніцтва 113 000 чалавек (2006) Шчыльнасць 947 чал./км² Часавы пояс UTC+1, летам UTC+2 Тэлефонны код +31 38 Паштовыя індэксы 8000-8049 Афіцыйны сайт zwolle.nl Транспартныя артэрыі A28, A50, N35 Зволе на карце Нідэрландаў

Медыяфайлы на Вікісховішчы

Зволе (нідэрл.: Zwolle) — горад і муніцыпалітэт у Нідэрландах, сталіца правінцыі Аверэйсел. У мінулым — ганзейскі горад. Ляжыць на рэках Звартэ Ватэр і Эйсел. Па стане на 1 чэрвеня 2005 года насельніцтва складала 112 460 жыхароў. Плошча муніцыпалітэта — 119,28 км². Па стане на 1 студзеня 2003 года ў Зволе было 4336 розных прадпрыемстваў і фірмаў, сумарны лік працоўных месцаў складаў 75 049.

Гісторыя

Горад паўстаў на высокім месцы пасярод багністай мясцовасці. Такія месцы назваліся «soule»; гэтае слова стала назвай селішча і пазней трансфармавалася ў цяперашнюю форму. Першае пісьмовае згадванне селішча адносіцца да 1040 г. У 1230 годзе селішча атрымала гарадскія правы. У XV ст., падчас свайго росквіту, горад уступіў у Ганзу. З помнікаў даўніны найболей вядомыя вежа «перачніца» (нідэрл.: Peperbus), якая атрымала такую назву з-за сваёй формы, і гарадскія вароты Sassenpoort, а таксама рэшткі гарадской сцяны, царква Св. Міхаіла і шматлікія старадаўнія хаты.

Транспарт

Зволе — вузел аўтамабільных і чыгуначных дарог. Тут размешчаны другі па велічыні ў краіне (пасля Утрэхта) чыгуначны вузел. З усіх відаў гарадскога транспарту прадстаўленыя толькі аўтобус і таксі.

Зноскі

1. Член партыі VVD.
2. А таксама 7,17 км² вады.