Марчэла Бачарэлі

Марчэла Бачарэлі
Дата нараджэння	16 лютага 1731(1731-02-16)[1][2]^[…]
Месца нараджэння	Рым, Папская вобласць
Дата смерці	5 студзеня 1818(1818-01-05)[1][2]^[…] (86 гадоў)
Месца смерці	Варшава, Царства Польскае, Расійская імперыя
Месца пахавання	сабор Святога Яна Хрысціцеля ў Варшаве
Грамадзянства	Расійская імперыя Рэч Паспалітая
Жонка	Johanna Juliana Friederike Bacciarelli^[d]
Дзеці	Anna Bacciarelli^[d]
Род дзейнасці	мастак, дзеяч мастацтваў
Жанр	гістарычны жывапіс
Мастацкі кірунак	барока і класіцызм
Уплыў на	Anna Rajecka^[d], Jakub Lipski^[d], Jan Ścisło^[d] і Aleksander Majerski^[d]
Член у	Варшаўскае таварыства сяброў навук^[d]
Узнагароды
Подпіс
Медыяфайлы на Вікісховішчы

Марчэла Бачарэлі (Бачыярэлі, італ.: Marcello Bacciarelli; 16 лютага 1731, Рым — 5 студзеня 1818, Варшава) — італьянскі мастак-партрэтыст эпохі барока.

Біяграфія

М. Бачарэлі вучыўся жывапісу ў Рыме, затым жыў у Германіі. Першыя свае замовы былі ім выкананы для двара караля Саксоніі Фрыдрыха I Аўгуста, у Дрэздэне. У 1756 годзе мастак наведаў Варшаву, дзе пазнаёміўся са Станіславам Аўгустам Панятоўскім, будучым каралём Польшчы. У 1764 годзе ён здзяйсняе паездку ў Вену, дзе быў прадстаўлены імператрыцы Марыі Тэрэзіі і дзе ён таксама займаўся партрэтным жывапісам. Пачынаючы з 1766 года мастак увесь час жыве ў Польшчы. У 1768 годзе быў ганараваны шляхецтвам і ўласным гербам.

Творчасць

З 1776 па 1785 год М. Бачарэлі стварае мастацкую майстэрню ў Каралеўскім палацы ў Варшаве. Карціны Бачарэлі, якія і сёння захоўваюцца ў гэтым палацы, былі напісаны ў той перыяд. Яму таксама належыць аўтарства карцін, размешчаных у палацавых Рыцарскай зале і ў Мармуровым пакоі. У 1816 годзе майстру прысуджаецца ганаровае званне прафесара Каралеўскага ўніверсітэта Польшчы. М. Бачарэлі быў таксама ганаровым членам Акадэмій вытанчаных мастацтваў Дрэздэна, Вены і Берліна. У Варшаве меў вучняў, напр. Юзафа Касінскага, Юзафа Рэйхана, Антоні Альбертрандзі і інш.

У 1766 М. Бачарэлі па загадзе караля Станіслава Аўгуста распрацаваў праект стварэння ў Варшаве Акадэміі вытанчаных мастацтваў, яго структуру і праграму навучання.

Галерэя

• 
  Вялікая зала Каралеўскага замка Варшавы
• 
  Зала з карцінамі Каналета-Белота
• 
  Мармуровая зала
• 
  Малая капліца замка
• 
  Барбара Сангушка. 1757 год
• 
  Станіслаў Аўгуст Панятоўскі (1732 - 1798), каранацыйны партрэт
• 
  Прынцэса Курляндская Ганна Даратэя Бірон
• 
  Панятоўскі (1732 - 1798), партрэт у профіль

Зноскі

1. RKDartists Праверана 23 жніўня 2017.
   <a href="https://wikidata.org/wiki/Track:Q17299517"></a>
2. Marcello Bacciarelli — OUP, 2006. — ISBN 978-0-19-977378-7
   <a href="https://wikidata.org/wiki/Track:Q217595"></a><a href="https://wikidata.org/wiki/Track:Q24255573"></a><a href="https://wikidata.org/wiki/Track:Q1547776"></a>

Літаратура

• На Вікісховішчы ёсць медыяфайлы па тэме Марчэла Бачарэлі
• Баччарелли Марчелло // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.