Нацыянал-анархізм

Афіцыйны сімвал руху нацыянал-анархістаў і сцяг, паказаны тут як Чорны сцяг, які з'яўляецца традыцыйным сімвалам анархістаў.

Нацыянал-анархізм (таксама вядомы як анарха-нацыяналізм і лібертарыянскі нацыяналізм ) — радыкальная, антыкапіталістычная, антыдзяржаўная палітычная і культурная ідэалогія з элементамі анархізму і этнічнага нацыяналізму . Збольшага прыхільнікі таксама выступаюць за дэўрбанізацыю насельніцтва, прапагандуюць здаровы лад жыцця, моўна-культурны і расавы дыферэнцыялізм.

Тэрмін нацыянал-анархізм узыходзіць да 1920-х гадоў. Аднак яе выразна акрэсліў і папулярызаваў яго брытанскі ідэолаг Трой Саўтгейт у 1990-я гады. Ён аб'яднаў ідэі Кансерватыўнай рэвалюцыі, традыцыяналізму, Трэцяга шляху, новых правых і розных анархісцкіх школ^[1]. Нацыянал-анархісты сцвярджаюць, што яны прытрымліваюцца пазіцыі па-за левымі і правымі, бо палітычная сістэма левы-правы ўжо безнадзейна састарэла, таму яна павінна быць заменена на сістэму цэнтраліст-дэцэнтраліст^[2].

Ідэалогія

Нацыянал-анархісты лічаць штучную іерархію, якая ўласціва дзяржаве і капіталізму, прыгнятальнай і дэгенератыўнай. Яны бачаць асноўныя прычыны сацыяльнага заняпаду нацый і культурнай ідэнтычнасці ў мадэрне, лібералізме, спажывальніцтве, іміграцыі, мультырасавасці, мультыкультурнасці і глабалізацыі. Канцэпцыя Кансерватыўнай рэвалюцыі згодназ Юнгерам з'яўляецца цэнтральнай для анархізму^[3].

Крытыка

Фіялетавая зорка суверэнітэту

Рух крытыкуецца як левымі, так і правымі, абвінавачваецца ў маргінальнасці. Іх лічаць белымі нацыяналістамі, якія падтрымліваюць ідэалогію Трэцяга шляху, ісламскіх, камуністычных і анархісцкіх мысліцеляў^[4].

Іншыя плыні анархізму не прызнаюць за нацыянал-анархізмам права на існаванне, заяўляючы, што гэта толькі спроба фашыстаў маскіравацца пад анархістаў для паспяхоўвага прасоўвання сваіх ідэй. Так, калі нацыянал-анархісты спрабавалі прыняць удзел у Анархісцкім Ерэтычным Фестывалі ў 2000 годзе, ім перашкодзілі гэта зрабіць класічныя анархісты. Тое ж самае было ў 2001 годзе. Падчас дэмантрацыі антыглабалістаў у Сіднеі ў 2007 годзе нацыянал-анархісты праніклі ў калону анархістаў, у выніку чаго паліцыя была вымушана абараняць іх ад «класічных» анархістаў * [1].

У Беларусі

Асноўны артыкул: Беларускі нацыяналізм § Нацыянал-анархізм

Глядзіце таксама

Анархізм Нацыянал-бальшавізм Нацыянал-камунізм Нацыянал-сацыялізм

Нацыянал-сіндыкалізм

Зноскі

1. Інтэрв'ю з Троем Саўтгейтам (англ.) (нявызн.). Архівавана з першакрыніцы 9 красавіка 2010. Праверана 9 красавіка 2010.
2. Інтэрв'ю з Троем Саўтгейтам (англ.) (нявызн.). Архівавана з першакрыніцы 9 красавіка 2010. Праверана 27 лістапада 2010.
3. Co-opting the Counter Culture: Troy Southgate and the National Revolutionary Faction by Graham D. Macklin (англ.) (нявызн.)(недаступная спасылка). Архівавана з першакрыніцы 21 жніўня 2009. Праверана 27 лістапада 2010.
4. Rebranding Fascism: National-Anarchists By Spencer Sunshine (англ.)