Паслён

Паслён
Паслён чорны (Solanum nigrum)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Паслёнакветныя Сямейства:  Паслёнавыя Падсямейства:  Паслёнавыя Трыба:  Паслёнавыя Род:  Паслён
Міжнародная навуковая назва
Solanum L. 1753
Сістэматыка на Віківідах Выявы на Вікісховішчы ITIS   30412 NCBI   4107 EOL   590245 IPNI   99597-3 FW   319863

Паслён, Ліснік^[3] (Solanum) — род кветкавых раслін сямейства паслёнавых.

Апісанне

Адна- і шматгадовыя травы, кусты і паўкусты, часам невялікія дрэвы (у тропіках). Сцёблы прамастойныя, лазячыя ці павойныя. Лісце чаргаванае або супраціўнае, чаранковае, лопасцевае ці перыстае. Кветкі адзіночныя або ў завітках. Плод — ягада.

Пашырэнне

Налічваецца каля 1700 відаў. Пашыраны ў трапічных, субтрапічных і ўмераных паясах, большасць у Паўднёвай Амерыцы. На Беларусі сярод дзікарослых відаў найбольш вядомыя паслён жоўты (Solanum villosum), паслён салодка-горкі (Solanum dulcamara) (народныя назвы воўчыя ягады, гліснік), паслён чорны (Solanum nigrum); трапляюцца ў вільготных ярах, хмызняках, па берагах вадаёмаў. Культывуюць баклажан (Solanum melongena), бульбу (Solanum tuberosum).

Класіфікацыя

Асноўны артыкул: Віды роду Паслён

По данным сайта The Plant List род уключае больш 1000 відаў^[4].

Некаторыя віды

• Solanum aviculare
• Solanum dulcamara — Паслён салодка-горкі, ці Воўчыя ягады, ці Гліснік, ці Залознік, ці Грушаўнік, ці Зубнік, ці Ліснік, ці Мядзведжыя ягады
• Solanum incanum
• Solanum laciniatum Aiton
• Solanum lycopersicum
• Solanum mammosum
• Solanum melongena — Баклажан
• Solanum muricatum
• Solanum nigrum — Паслён чорны, ці Гузічнік, ці Залоцнік, ці Ліснік, ці Лістнік, ці Плісклён, ці Ягады воўчыя, ці Ягады сабачыя, ці Ягады свіныя, ці Гліснік
• Solanum pseudocapsicum
• Solanum quitoense
• Solanum retroflexum
• Solanum rostratum
• Solanum sessiliflorum
• Solanum tuberosum — Бульба, ці Паслён клубняносны, ці Канцадалы, ці Картопля, ці Картохля, ці Кунада, ці Курдопа, ці Кардока, ці Картошка, ці Картохі

Злева направа: Баклажан (Solanum melongena); Solanum sisymbriifolium; Solanum mammosum; Solanum marginatum; плод Solanum pseudocapsicum; кветкі Solanum rostratum

Выкарыстанне

Харчовыя, лекавыя, дэкаратыўныя, меданосныя і фарбавальныя расліны. Многія віды маюць алкалоіды (саланіны і інш.) і выкарыстоўваюцца ў якасці лекавых раслін (напрыклад, паслён салодка-горкі). Ёсць ядавітыя віды.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 123. — 160 с. — 2 350 экз.
4. Solanum: информация на сайте The Plant List

Літаратура

• Паслён // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш.. — Мн.: БелЭн, 2001. — Т. 11. — С. 164—165. — 560 с. — 10 000 экз. — ISBN 985-11-0198-2 (Т. 11).