Птушкамлечнік парасоністы

Птушкамлечнік парасоністы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Спаржакветныя Сямейства:  Спаржавыя Падсямейства:  Scilloideae Трыба:  Ornithogaleae Род:  Птушкамлечнік Від:  Птушкамлечнік парасоністы
Міжнародная навуковая назва
Ornithogalum umbellatum
Сістэматыка на Віківідах Выявы на Вікісховішчы ITIS   42754 NCBI   81785 EOL   1011905 IPNI   539600-1 TPL   kew-283298

Птушкамлечнік парасоністы, Вярбельнік^[3] (Ornithogalum umbellatum) — расліна сямейства Спаржавыя (Asparagaceae).

Батанічнае апісанне

Невялікая шматгадовая травяністая расліна з цыбулінай. Мае 4-6 прыкаранёвых лістоў вузкалінейнай формы. Лісце серабрыстае, з белай палоскай пасярэдзіне. Суквецце — шчыток з белых, даволі буйных кветак. Пялёсткаў і тычынак у кветцы па 6.

Жыццёвы цыкл

Квітнее ў маі. Пасля цвіцення ўтвараецца плод — каробачка. Цыбуліна штогод павялічваецца ў 2 разы і прадукуе атожылкі-цыбулінкі.^[4]

Распаўсюджанне і асяроддзе пражывання

Распаўсюджаная ў Еўразіі, на блізкім Усходзе і ў Паўночнай Афрыцы. Сустракаецца ў светлых лясах і на схілах.

Практычнае выкарыстанне

Культывуецца. Патрабуе перападаў тэмператур і не выжывае ў месцах, дзе пастаянна цяпло.^[5] Часам дзічэе.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 90. — 160 с. — 2 350 экз.
4. Ornithogalum umbellatum in Flora of North America @ efloras.org (нявызн.). Праверана 26 чэрвеня 2016.
5. Paghat's Garden: Ornithogalum umbellatum (нявызн.). Праверана 15 чэрвеня 2016.

Літаратура

• Гамуля Ю. Г. Рослини України / за ред. О. М. Утєвської. — Харків : Фактор, 2011. — 208 с. — (Україна. Вчора, сьогодні, завтра) — 3000 прим. — ISBN 978-966-312-720-0. — C.82