Пуханос альпійскі

Пуханос альпійскі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Асаковыя Падсямейства:  Cyperoideae Трыба:  Scirpeae Род:  Пуханос Від:  Пуханос альпійскі
Міжнародная навуковая назва
Trichophorum alpinum (L.) Pers., 1805
Сінонімы
Baeothryon alpinum
Сістэматыка на Віківідах Выявы на Вікісховішчы ITIS   522802 NCBI   291103 EOL   524506 GRIN   t:465425 IPNI   315459-1 TPL   kew-270656

Пуханос альпійскі^[1][2] (Trichophorum alpinum ці Baeothryon alpinum) — від кветкавых раслін роду Пуханос (Trichophorum) сямейства Асаковыя (Cyperaceae).

Батанічнае апісанне

1. Trichophorum alpinum (L.) Pers. syn. Eriophorum alpinum L.
2. Eriophorum vaginatum L.
Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая травяністая расліна шэра-зялёнага колеру, вышынёй да 25 см. Утварае дзярніну. Сцяблы шматлікія, тонкія, трохгранныя. Ніжняе лісце лускападобнае. Верхні ліст з кароткай пласцінкай. Колас мае даўжыню 5—8 см. Каласкі складаюцца з 2—3 двухполых кветак у пазухах спіральна размешчаных лускавінак. Калякветнік з 6 падоўжаных звілістых валаскоў, утвараючых негустую пухоўку. Плод — трохгранны арэшак.

Распаўсюджанне і экалогія

Расце на сфагнавых балотах. Пры частковым асушэнні і на выпрацаваных тарфянішчах захоўваецца доўгі час і нават разрастаецца, асабліва пры паўторным забалачванні. Квітнее ў маі — чэрвені, пладаносіць ў жніўні. Размнажаюцца насеннем і вегетатыўна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 132. — 160 с. — 2 350 экз.
2. БелЭн 2001.

Літаратура

• Казлоўская Н. В. Пуханос // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 307—308. — 599 с., іл. — 10 000 экз.
• Прохараў В. М. Пуханос // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 133. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Пухонос альпийский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Выявы
• Пуханос альпійскі ў Чырвонай кнізе Беларусі(недаступная спасылка)

Гэты від занесены ў Чырвоную кнігу Беларусі і ахоўваецца законам. III катэгорыя (VU)