Санталавае дрэва

Санталавае дрэва
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Santalales Сямейства:  Санталавыя Род:  Сантал Від:  Санталавае дрэва
Міжнародная навуковая назва
Santalum album L., Sp. Pl. 1: 349 (1753)
Сістэматыка на Віківідах Выявы на Вікісховішчы ITIS   195930 NCBI   35974 EOL   405012 IPNI   780592-1 TPL   kew-2581919

Санта́лавае дрэ́ва, сантал, сандалавае дрэва, белае, індыйскае^[3] (Santalum album) — кветкавая расліна роду Сантал (Santalum) сямейства Санталавыя (Santalaceae).

Апісанне

Дрэва вышынёй каля 10 м, вечназялёнае, з густой кронай. Належыць да раслін-паўпаразітаў. Лісце супраціўнае. Кветкі зеленаватыя, чырвоныя, часам жоўтыя. Плод — касцянка.

Драўніна цвёрдая, з жаўтавата-карычневым ядром і белай абалонай, пахучая, мае ў сабе эфірны алей (3—6 %).

Пашырэнне

Пашырана ў Індыі, на паўвостраве Малака і астравах Малайскага архіпелага. Здаўна культывуецца ў Індыі, Кітаі і інш.

Драўніна прыгожая, пахучая, цвёрдая, трывалая, устойлівая да тэрмітаў. Ідзе на мастацкія вырабы, курыльныя палачкі для рэлігійных цырымоній і інш. Алей выкарыстоўваецца ў парфумерыі і медыцыне.

Часам тэрмінам «сандалавае дрэва» называюць дрэвы (бафія, дэрыс і інш.), якія маюць прыгожую і духмяную драўніну.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. БелЭн 2002.

Літаратура

• Прохараў В. М. Санталавае дрэва // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 160. — 10 000 экз. — ISBN 985-11-0035-8. — ISBN 985-11-0238-5 (т. 14).