Сусветная ветэрынарная асацыяцыя

Сусветная ветэрынарная асацыяцыя
Краіна	Бельгія[1]
Адміністрацыйны цэнтр	Жэнева Будапешт
Заснаванне
Дата заснавання	1863 і 9 верасня 1905
Абарот	300 тыс. € (2020)[1]
worldvet.org

Сусве́тная ветэрына́рная асацыя́цыя (англ.: World Veterinary Association) — неўрадавая міжнародная ветэрынарная арганізацыя. Заснавана ў 1863 годзе. Штаб-кватэра знаходзіцца у Жэневе^[2][3]. Аб’ядноўвае 65 краін і 12 міжнародных асацыяцый ветэрынарных спецыялістаў. Супрацоўнічае з іншымі міжнароднымі арганізацыямі. Кіруючы орган — Пастаянны камітэт, які штогод збіраецца ў Парыжы на паседжанні, дзе вырашаюцца актуальныя пытанні, а таксама праходзіць падрыхтоўка да кангрэсу. У перыяд паміж паседжаннямі Пастаяннага камітэта кіраўніцтва СВА ажыццяўляе бюро.

1 раз на 4 гады праводзіць Сусветныя ветэрынарныя кангрэсы. Адбыўся 21 кангрэс, першы — ў 1863 годзе ў Гамбургу. На кангрэсах абмяркоўваюцца праблемы інфекцыйнай паталогіі, хірургіі, прафілактыкі і заагігіены, заатэхнічных навук і эканомікі жывёлагадоўлі. Разглядаюцца таксама пытанні стандартызацыі спецыяльнай наменклатуры, ветэрынарнай адукацыі, прапаганды ветэрынарных ведаў і распаўсюджвання фільмаў па ветэрынарыі.

Асноўныя задачы

• аб’яднанне асоб ветэрынарнай прафесіі ў свеце
• арганізацыя і правядзенне сусветных ветэрынарных кангрэсаў
• садзейнічанне развіццю ветэрынарнай навукі, усталяванне сувязяў з арганізацыямі, інтарэсы якіх звязаны з мэтамі асацыяцыі, аказанне дапамогі ў паляпшэнні ветэрынарнай адукацыі і станаўлення ветэрынарных прафесій

Зноскі

1. (unspecified title) Праверана 25 студзеня 2022.
2. ВВА (руск.). Энциклопедии, словари, справочники. Праверана 25 красавіка 2020.
3. Всемирная ветеринарная ассоциация (руск.). Академик. Праверана 25 красавіка 2020.

Літаратура

• «Ветеринария», 1979. № 6.

Спасылкі

• Всемирная ветеринарная ассоциация