Упнінкай

Вёска Упнінкай літ.: Upninkai Герб Касцёл Краіна  Літва Павет Каўнаскі Раён Ёнаўскі Сянюнія Упнінкайская Каардынаты 55°05′00″ пн. ш. 24°32′00″ у. д.^HGЯO Ранейшыя назвы Упнікі Насельніцтва 786 чал. (2011) Часавы пояс UTC+2, летам UTC+3 Упнінкай на карце Літвы

Медыяфайлы на Вікісховішчы

У́пнінкай^[1] (літ.: Upninkai, традыцыйная беларуская назва — Упнікі) — вёска ва Ёнаўскім раёне Каўнаскага павета Літвы. Цэнтр Упнінкайскай сянюніі. Размешчана на левым беразе ракі Швянтоі. Насельніцтва на 2011 год — 786 чалавек.

Гісторыя

Вялікае Княства Літоўскае

Першы пісьмовы ўспамін пра Упнікі датуецца 1442 годам, калі яны ўваходзілі ў склад Віленскага павета Віленскага ваяводства.

У 1477 годзе ва Упніках быў пабудаваны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Упнікі апынуліся ў складзе Расійскай імперыі, у Вількамірскім павеце Віленскай губерні^[2].

У XIX стагоддзі ва Упніках існавала сядзіба.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Упнікі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XX стагоддзе: 1902 год — 154 чал.
• XXI стагоддзе: 2011 год — 786 чал.

Славутасці

• Касцёл Святога Міхаіла Арханёла (1845)

Зноскі

1. Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. Krzywicki J. Upniki // Słownik geograficzny Królestwa Polskiego i innych krajów słowiańskich. Tom XII: Szlurpkiszki — Warłynka (польск.). — Warszawa, 1892. S. 814.

Спасылкі

• На Вікісховішчы ёсць медыяфайлы па тэме Упнінкай