Яблыня ягадная

Яблыня ягадная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Яблыня Від:  Яблыня ягадная
Міжнародная навуковая назва
Malus baccata (L.) Borkh.
Сістэматыка на Віківідах Выявы на Вікісховішчы ITIS   25256 NCBI   106549 EOL   230643 IPNI   726243-1 TPL   rjp-5766

Яблыня ягадная^[3] (Malus baccata) — лістападныя дрэва, від роду Яблыня (Malus) сямейства Ружавыя (Rosaceae).

Батанічнае апісанне

Вельмі дробнаплодны від (плады да 1 см дыяметрам) з некалькімі разнавіднасцямі, якія маюць некаторыя марфалагічныя адрозненні і розныя арэалы. Самы зімаўстойлівы ў свеце від яблыні, вытрымлівае маразы да ${\displaystyle -56}$ градусаў, расце ў Бураціі^[4].

Разнавіднасці

Мае наступныя разнавіднасці^[5]:

• Malus baccata var. baccata (сінонімы: Malus baccata var. sibirica C. K. Schneid., Malus pallasiana Juz., Malus sibirica (Maxim.) Kom..). Раней лічылася асобным відам. У дзікім выглядзе расце ва Усходняй Сібіры і на Далёкім Усходзе, а таксама ў Манголіі, Кітаі і Карэі.
• Malus baccata var. daochengensis (C.L.Li) Ponomar. — расце ў Кітаі.
• Malus baccata var. himalaica (Maxim.) C.K.Schneid. (сінонім: Malus rockii Rehder) — раней вылучалася ў асобны від. Расце ў Кітаі, Бутане, Індыі, Непале.
• Malus baccata var. jinxianensis (J.Q.Deng & J.Y.Hong) Ponomar. — расце ў Кітаі.
• Malus baccata var. xiaojinensis (M.H.Cheng & N.G.Jiang) Ponomar. — расце ў Кітаі.

Значэнне і выкарыстанне

Некаторыя з разнавіднасцяў прымяняюцца ў азеляненні і полеахоўных лесапалосах. Асобнікі адрозніваюцца непераборлівасцю, высокай ураджайнасцю, нізкаросласцю, аднак гаспадарча-каштоўных сартоў на аснове аднаго толькі гэтага віду, без прыцягнення ў скрыжаванні буйнаплодных формаў іншых відаў, да гэтага часу не выдзелена.

Выкарыстоўваецца таксама ў селекцыі марозаўстойлівых дробнаплодных сартоў — крэбаў.

З гаспадарчага пункту гледжання формы гэтага віду знайшлі шырокае прымяненне як вегетатыўна размножвальныя прышчэпы для больш каштоўных сартоў яблыні, якія вырошчваюцца ў суровых кліматычных умовах.

Галоўнай прыкметай прыналежнасці якой-небудзь формы да гэтага віду, з’яўляецца ападальная па меры паспявання плоду чашачка, якая ва ўсіх астатніх шматлікіх відаў яблыні захоўваецца ў выглядзе чашалісцікаў^[6].

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 80. — 160 с. — 2 350 экз.
4. Венедикт Дадыкин Алтайская жар-птица // Наука и жизнь. — 2017. — № 3. — С. 106—111. — URL: http://www.nkj.ru/archive/articles/30846/
5. Дадзеныя пра разнавіднасці віду прыведзены паводле сайта Germplasm Resources Information Network (GRIN)
6. Воробьёв Б.. Райки, ранетки, китайки и другие (нявызн.)(недаступная спасылка). sadincentr.ru. Архівавана з першакрыніцы 14 ліпеня 2014. Праверана 4 ліпеня 2014.