Я крочу па Маскве

Я крочу па Маскве
Жанр	рамантычная камедыя^[d] і кінакамедыя
Рэжысёр	Георгій Мікалаевіч Данелія[2]
Сцэнарыст	Генадзь Фёдаравіч Шпалікаў
У галоўных ролях	Мікіта Сяргеевіч Міхалкоў[3] Галіна Аляксандраўна Польскіх[3] Evgeniy Steblov^[d] Іна Міхайлаўна Чурыкава[3] Ірына Пятроўна Мірашнічэнка[3] Ірына Канстанцінаўна Скобцава Любоў Сяргееўна Сакалова Ралан Антонавіч Быкаў[3] Уладзімір Паўлавіч Басаў[3] Aleksei Loktev^[d]
Аператар	Вадзім Іванавіч Юсаў
Кампазітар	Андрэй Паўлавіч Пятроў
Кінакампанія	Масфільм
Працягласць	74 хв.
Краіна	СССР
Мова	руская і англійская
Год	11 красавіка 1964[1]
IMDb	ID 0057694

«Я крочу па Маскве» (руск.: «Я шага́ю по Москве́») — савецкі мастацкі фільм, зняты на кінастудыі «Масфільм» рэжысёрам Георгіем Данеліяй паводле сцэнарыя Генадзя Шпалікава ў 1963—1964 гадах. Аснову кінаапавядання склалі падзеі, якія адбываліся на працягу аднаго дня з маладым метрабудаўцам Колькам і яго сябрамі — сібірскім мантажнікам Валодзем Ермаковым, прызыўніком і маладым Сашам, прадаўшчыцай аддзела грамкружэлак ГУМа Аленай. Фільм, які ўяўляе сабой ланцужок завершаных эпізодаў-навел, быў кінематаграфічным дэбютам для шэрагу выканаўцаў (Яўген Сцяблоў, Уладзімір Басаў, Ірына Мірашнічэнка); Мікіта Міхалкоў упершыню адыграў галоўную ролю ў кіно. Стужка, жанр якой вызначаны стваральнікамі як лірычная камедыя, знята аператарам Вадзімам Юсавым з выкарыстаннем даўгафокуснай оптыкі, якая дазволіла наблізіць фактуру выявы да эфекту сапраўднасці. У карціне гучыць песня Андрэя Пятрова на вершы Генадзя Шпалікава «А я іду, крочу па Маскве».

Водгукі і рэцэнзіі сучаснікаў Данеліі і Шпалікава былі неадназначнымі. У кіназнаўчых выданнях, нараўне з прызнаннем мяккага лірызму карціны і натуральнай гульні акцёраў, гучалі прэтэнзіі, звязаныя з «бесканфліктнасцю» дзеяння і адсутнасцю ў сюжэце складанай драматургіі. Фільм быў прадстаўлены на XVII Канскім кінафестывалі 1964 года, дзе Данелія быў удастоены спецыяльнай ганаровай згадкі журы ў ліку маладых кінематаграфістаў: «За індывідуальнасць і абяцанні, якія яны выказалі ў сваіх творах». Аператарская работа Вадзіма Юсава была адзначана ў гэтым жа годзе першымі прэміямі на Усесаюзным кінафестывалі і на Міжнародным тэхнічным конкурсе фільмаў у рамках VI кангрэса УНІАТЭК у Мілане.

Зноскі

1. Person Profile // Internet Movie Database — 1990.
   <a href="https://wikidata.org/wiki/Track:Q37312"></a>
2. http://www.imdb.com/title/tt0057694/ Праверана 8 красавіка 2016.
3. http://www.ofdb.de/film/51452,Zwischenlandung-in-Moskau Праверана 8 красавіка 2016.