8-я армія (Германская імперыя)

У паняцця ёсць і іншыя значэнні, гл. 8-я армія.

8. Armee 8 Армія
Сцяг штаба арміі (1871—1919)
Гады існавання	1914—1919
Краіна	Германская імперыя
Падпарадкаванне	Генеральны штаб Германскай імперыі
Уваходзіць у	Германская імперская армія
Тып	Пяхота
Дыслакацыя	Усходняя Прусія
Удзел у	Першая сусветная вайна Усходні фронт Першай сусветнай вайны Усходне-Пруская аперацыя Мазурская бітва Праснышская аперацыя
Камандзіры
Вядомыя камандзіры	Генерал-палкоўнікі Максіміліян фон Прытвіц, Паўль фон Гіндэнбург, генерал ад інфантэрыі Ота фон Белаў

8-я А́рмія (ням.: 8. Armee / Armeeoberkommando 8 / A.O.K. 8) — воінскае аб’яднанне армейскага узроўня імперскай Германскай Арміі падчас Першай сусветнай вайны.

Была сфармавана падчас мабілізацыі ў жніўні 1914 года на базе І Армейскай Інспекцыі. Удзельнічала ў баявых дзеяннях на тэрыторыі Усходняй Прусіі супраць войскаў Расійскай імперыі.

Гісторыя баявых дзеянняў

Згодна з планам Шліфена Германія разгарнула асноўныя сілы (7 армій) на Заходнім фронце, а на усходзе сканцэнтравала супраць Расіі толькі 8-ю армію, у склад якой увайшлі 4 вайсковых карпусы ^[1].

Войскі 8-й арміі, выкарыстоўваючы асаблівасці мясцовасці, не займалі суцэльнага фронту, а размяшчаліся асобнымі ачагамі (па корпусу) ва ўмацаваных раёнах на галоўных напрамках. Усяго 8-я армія на пачатку вайны складалася з 15 пяхотных і 1 кавалерыйскай дывізій, 1044 гармат (у тым ліку 156 цяжкіх), агульным лікам каля 200 тысяч чалавек, пад камандаваннем генерал-палкоўніка фон Прытвіца ^[1].

Галоўнай задачай 8-й арміі была абарона Усходняй Прусіі і дапамога аўстра-венгерскім войскам, якія, паводле плана германскага камандавання, павінны былі адыграць галоўную ролю ў барацьбе з Расіяй.

Баявы склад на 1914

• I Корпус (Генерал-лейтэнант Герман фон Франсуа), Кёнігсберг
• XVII Корпус (Генерал ад кавалерыі Аўгуст фон Макензен), Данцыг
• XX Корпус (Генерал ад інфантэрыі Фрыдрых фон Шольц), Аленштайн
• I Рэзервны корпус (Генерал-лейтэнант Ота фон Белаў), фарміраваўся падчас мабілізацыі
• 3-я Рэзервная дывізія (Генерал-лейтэнант Курт фон Морген), фарміравалася падчас мабілізацыі
• 1-я Кавалерыйская дывізія (Генерал-лейтэнант Герман Брэхт), фарміравалася падчас мабілізацыі
• Корпус Ландвера (Генерал ад інфантэрыі Рэмус фон Фойрш)

Камандуючыя

Штаб 8-й Арміі ў 1914 годзе

• Генерал-палкоўнік Максіміліян фон Прытвіц (1914)
• Генерал-палкоўнік Паўль фон Гіндэнбург (1914)
• Генерал ад артылерыі Рыхард фон Шуберт (1914)
• Генерал ад інфантэрыі Герман фон Франсуа (1914)
• Генерал ад інфантэрыі Ота фон Белаў (1914)
• Генерал ад артылерыі Фрыдрых фон Шольц (1915)
• Генерал ад інфантэрыі Ота фон Белаў (1915)
• Генерал ад інфантэрыі Макс фон Фабек (1916)
• Генерал ад інфантэрыі Бруна фон Мудра (1916)
• Генерал ад артылерыі Фрыдрых фон Шольц (1917)
• Генерал ад інфантэрыі Оскар фон Гуцьер (1917)
• Генерал ад інфантэрыі (пасля генерал-палкоўнік) Гюнтэр фон Кірхбах (1917)
• Генерал ад інфантэрыі Х'юга фон Катэн (1918)

Гл. таксама

• Баявы расклад Германскай імперскай арміі ў 1914 годзе

Літаратура

• Cron, Hermann (2002). Imperial German Army 1914-18: Organisation, Structure, Orders-of-Battle [first published: 1937]. Helion & Co. ISBN 1-874622-70-1.
• Ellis, John; Cox, Michael (1993). The World War I Databook. Aurum Press Ltd. ISBN 1-85410-766-6.

Зноскі

1. «Der Weltkrieg 1914 bis 1918», Bd. 2, S. 54-55 (ням.)