81-я заходнеафрыканская дывізія

81-я заходнеафрыканская дывізія
Гады існавання 1943—1945
Краіна  Вялікабрытанія
Тып воінскае фарміраванне і дывізія
Колькасць 15 000 чалавек
Удзел у Другая сусветная вайна
Камандзіры
Вядомыя камандзіры Крыстафер Вулнер і Фрэдэрык Джозеф Лафтус-Татэнхэм

81-я заходнеафрыканская дывізія[1] — каланіяльнае воінскае фарміраванне Узброеных сіл Вялікабрытаніі часоў Другой сусветнай вайны. Падраздзяленне ўдзельнічала ў Бірманскай кампаніі. Як адзначаў генерал-лейтэнант Уільям Слім, дывізія адзначылася выкарыстаннем насільшчыкаў для перакідання боепрыпасаў і цяжкага ўзбраення, а таксама вялікай колькасцю еўрапейцаў у асабістым складзе (50-60 чалавек на батальён)[2].

Гісторыя

[правіць | правіць зыходнік]

Ініцыятарам стварэння дадзенай дывізіі быў генерал Джордж Гіфард, начальнік заходнеафрыканскага камандавання брытанскай арміі. Ён меў вялікі досвед работы з афрыканскімі войскамі і вельмі хацеў, каб яны прынялі ўдзел у баявых дзеяннях. Афіцыйна падраздзяленне сфарміравана 1 сакавіка 1943 года. Асновай новай дывізіі паслужылі Каралеўскія пагранічныя сілы Заходняй Афрыкі. Адна з брыгад (3-я заходнеафрыканская) і некалькі дапаможных падраздзяленняў, якія ўваходзілі ў склад фармавання, ужо ўдзельнічалі ў баях супраць італьянцаў ва Усходняй Афрыцы.

Сімвалам дывізіі быў чорны павук на жоўтым фоне. Насякомае з’яўлялася адсылкай да Анансі, персанажу міфалогіі народа ашанці.

14 жніўня часці дывізіі прыбылі ў Брытанскую Індыю. Асноўныя сілы фарміравання прынялі ўдзел у другой Араканскай кампаніі з лютага па май 1944 года, дзейнічаючы ў даліне Каладан на флангу 15-га Індыйскага корпуса. У канцы сакавіка значныя японскія падмацаванні (у тым ліку частка войскаў Індыйскай нацыянальнай арміі) абышлі дывізію з флангу і вымусілі яе адступіць у даліну Калапанзін. У жніўні заходнеафрыканцы зноў увайшлі ў Каладан, прымусіўшы японцаў і калабарантаў адступіць. Затым часці дывізіі прасунулася ўніз па даліне і 28 студзеня 1945 года дасягнулі Мехаунга.

22 красавіка 1945 года заходнеафрыканцы выведзены ў тыл на адпачынак. 31 жніўня яны былі вернуты на радзіму, і 81-я дывізію расфармавалі.

Камандзіры

[правіць | правіць зыходнік]
  • Генерал-маёр Крыстафер Вулнер, з 3 сакавіка 1943 г.
  • Генерал-маёр Фрэдэрык Джозеф Лафтус-Татэнхэм, з 3 жніўня 1943 г. па 31 жніўня 1945 г.
    • за выключэннем:
      • 15—26 жніўня 1944 г., брыгадны генерал Э. Колінз.
      • 31 студзеня—2 сакавіка 1945 г., брыгадны генерал А. Крук.

Склад

[правіць | правіць зыходнік]
  • 3-я пяхотная брыгада[3][4][5]
  • 5-я пяхотная брыгада[5][4]
  • 6-я пяхотная брыгада[5][4]

Фотаздымкі

[правіць | правіць зыходнік]
  • Байцы 81-й дывізіі разам з індыйскімі салдатамі.
    Байцы 81-й дывізіі разам з індыйскімі салдатамі.
  • Лекары аперуюць параненага вайскоўца 81-й дывізіі ў Бірме, жнівень 1944 года.
    Лекары аперуюць параненага вайскоўца 81-й дывізіі ў Бірме, жнівень 1944 года.

Гл. таксама

[правіць | правіць зыходнік]

Заўвагі

[правіць | правіць зыходнік]
  1. ↑ Giffard, George (13 March 1951). "Operations in Burma and North-East India from 16th November, 1943 to 22nd June, 1944" (PDF). The London Gazette (Supplement). p. 1349. Праверана 21 December 2019.
  2. ↑ Defeat into Victory, William Slim, Cassell, 1956
  3. ↑ Joslen p. 436
  4. ↑ а б в Palmer. 81 (West africa) infantry division 1943 - 1945. British Military History. Праверана 29 April 2022.
  5. ↑ а б в Joslen 123-124

Літаратура

[правіць | правіць зыходнік]

Спасылкі

[правіць | правіць зыходнік]