Aegialitis

Aegialitis
Навуковая класіфікацыя
Міжнародная навуковая назва

Aegialitis Gaertn.

від

Выявы
на Вікісховішчы
ITIS  781330
NCBI  124971
EOL  3062577
GRIN  g:223
IPNI  92765

Aegialitis — род раслін падсямейства Staticoideae[1] сямейства Плюмбагавыя (Plumbaginaceae)[2]. Уключае ў сябе 2 віды — Aegialitis annulata[3] і Aegialitis rotundifolia[4].

Апісанне

[правіць | правіць зыходнік]

Невялікія (Aegialitis rotundifolia не вырастае вышэй за 2 м[5]) мангравыя лістападныя кусты-галафіты са сцебламі, пакрытымі лісцем. Простае скурыстае чарашковае лісце з паралельным жылкаваннем, без валасінак, лісты размяшчаюцца па чарзе, спіральна. Кветкі сабраны ў гронкападобныя суквецці, маюць 5 пялёсткаў і тычынак 5. Апыляюцца перапончатакрылымі, лускакрылымі і двухкрылыми насякомымі. Плод — вузкая цыліндрычная раскрывальная каробачка з сітаватым мезакарпіем, падзеленая на пяць сектараў. Насенне — крылаткі[6].

Месцы вырастання

[правіць | правіць зыходнік]

Растуць у мангравых балотах на адлогіх берагах Індыйскага і Ціхага акіянаў, якія перыядычна заліваюцца марской вадой, з засоленымі глебамі, у верхняй і сярэдняй зоне прыліўна-адліўнай паласы.

Арэал распасціраецца ад Бенгальскага заліва да Паўночнай Аўстраліі, захопліваючы Вялікі бар'ерны рыф. Aegialitis annulata распаўсюджаны ў Інданезіі, на паўночным захадзе і паўночным усходзе Аўстраліі і ў Папуа — Новай Гвінеі[7].

Aegialitis rotundifolia сустракаецца ў Бангладэш, у Індыі, дзе асноўны арэал знаходзіцца ў Сундарбане, а ў штаце Андхра-Прадэш, на Нікабарскіх і Андаманскіх астравах яна сустракаецца радзей. Акрамя таго, яе можна сустрэць у М'янме, Тайландзе, Інданезіі і асобныя ўчасткі на поўначы Суматры.

Зноскі

  1. ↑ Aegialitis: інфармацыя на сайце GRIN
  2. ↑ Plant Name Details for Aegialitis (англ.). інфармацыя на сайце IPNI. Праверана 10.09.2016.
  3. ↑ Aegialitis annulata R. Br.-1 Aegialitis: інфармацыя на сайце IPNI (англ.)
  4. ↑ Aegialitis rotundifolia Roxb.-1 Aegialitis: інфармацыя на сайце IPNI (англ.)
  5. ↑ Ellison, J., Koedam, N.E., Wang, Y., Primavera, J., Jin Eong, O., Wan-Hong Yong, J. & Ngoc Nam, V.. Aegialitis rotundifolia в Красном списке угрожаемых видов (англ.). The IUCN Red List of Threatened Species 2010. IUCN (17 снежня 2010). Праверана 10 верасня 2016.
  6. ↑ Aegialitis
  7. ↑ Ellison, J., Koedam, N.E., Wang, Y., Primavera, J., Jin Eong, O., Wan-Hong Yong, J. & Ngoc Nam, V.. Aegialitis annulata у Чырвоным спісе відаў пад пагрозай (англ.). The IUCN Red List of Threatened Species 2010. IUCN (17 снежня 2010). Праверана 11 кастрычніка 2016.

Літаратура

[правіць | правіць зыходнік]