Big Cartoon DataBase

Big Cartoon DataBase
URL [1]
Тып сайта база даных
Рэгістрацыя Неабавязковая
Аўтар Dave Koch
Пачатак працы 1998
Бягучы статус Актыўная

Big Cartoon DataBase (BCDB) — адна з найбуйнейшых анлайн-баз даных аб мультыплікацыйных фільмах, анімацыйных навуковых фільмах, анімацыйных тэлешоу і кароткіх мультфільмах.

Праект BCDB стартаваў у 1996 годзе як спіс Дыснееўскіх мультфільмаў на камп’ютары стваральніка базы даных (Dave Koch)[1]. У 1998 годзе, у адказ на цікавасць да спісу, база даных стала даступнай у сетцы як пошукавы рэсурс, прызначаны для збору інфармацыі аб мультфільмах. У базе даных можна было знайсці інфармацыю пра такія дэталі вытворчасці канкрэтных карцін, як акцёры (тыя, хто агучваў мультыплікацыйныя ролі), прадзюсары і рэжысёры, а таксама кароткі змест сюжэта і рэцэнзіі наведвальнікаў[2]. У 2003 годзе BCDB стала 501(c) некамерцыйнай арганізацыяй[1]. А 24 чэрвеня 2009 года ў паведамленні ад аўтара праекта на яго форуме база даных пераадолела мяжу ў 100 000 артыкулаў[3].

Асаблівасці

[правіць | правіць зыходнік]

Адной з асаблівасцяў базы даных з’яўляецца яе старонка «Папулярнае», на якой паказаны 25 самых папулярных анімацыйных фільмаў на думку карыстальнікаў рэсурсу. Карыстальнікам прапануецца магчымасць ацаніць фільм ад 0 да 10 балаў. Сам рэйтынг паказвае мультфільмы, якія набралі найвышэйшы бал, а таксама мультфільмы, за якія была аддадзена найбольшая колькасць галасоў. У гэтай базе даных таксама ёсць рэйтынг 20 найгоршых карцін[4].

BCDB таксама змяшчае ўласны форум, на якім карыстальнікі могуць абменьвацца думкамі або распытваць што-небудзь аб мультыплікацыйных фільмах. Форум знаходзіцца ў адкрытым доступе і мадэруецца мадэратарамі і адміністратарамі.

Таксама ў базе даных ёсць блок навін, дзе публікуецца інфармацыя аб навінках мультфільмаў, а таксама нядаўна дададзеных у базу карцінах.

Big Comic Book Database

[правіць | правіць зыходнік]

Big Cartoon Database таксама запусціла аналагічны праект Big Comic Book Database (BCBDB) — анлайн базу даных аб коміксах. Да 2005 года ў ёй змяшчалася інфармацыя пра больш як 100 000 коміксаў і каля 35000 сканаў вокладак.

Гл. таксама

[правіць | правіць зыходнік]

Зноскі

  1. ↑ а б Koch, Dave.. About BCDB. BCDB. Архівавана з першакрыніцы 31 мая 2012. Праверана 12 лістапада 2009.
  2. ↑ "Best Free Reference Web Sites: Eighth Annual List". Reference & User Services Quarterly. Reference and User Services Association. May 1, 2006. ISSN 1094-9054. Архівавана з арыгінала 2011-07-21. Праверана 2009-11-12.
  3. ↑ Афіцыйны пост адміністрацыі на форуме Архівавана 2 студзеня 2013 года.
  4. ↑ Ratings. Big Cartoon Database. Архівавана з першакрыніцы 31 мая 2012. Праверана 12 лістапада 2009.

Спасылкі

[правіць | правіць зыходнік]