Ceratiomyxa — род грыбападобных арганізмаў, які адносіцца да класу Протастэліды (Protosteliomycetes).
Ceratiomyxa fruticulosa — адзін з найбольш шырока распаўсюджаных і часта сустракаемых міксаміцэтаў у свеце.
Споры ўтвараюцца экзагенна, кожная — на асобнай тонкай ножцы, раскіданыя па паверхні спарафора. Спарафоры звычайна прамыя, галінаваныя або пераплятаюцца, часам у выглядзе буйнапорыстай сетачкі, афарбоўка іх белая або жоўтая.
Пры прарастанні спор утвараюцца амебоідны чатырох’ядравы пратапласт, які пераходзіць у ніткападобную фазу, папярэднюю мітозу. Пасля мітозу ўтвараюцца восем гаплоідных клетак з доўгім (часам таксама з кароткім) жгуцікам.
Зноскі
- Martin G. W., Alexopoulos C. J., Farr M. L. The Genera of Myxomycetes. — 1983. — P. 38—39. — ISBN 0-87745-124-9.
- Olive L. S. The Mycetozoans. — 1975. — P. 29—32. — ISBN 0-12-526250-7.