Cistus salvifolius — від кветкавых раслін сямейства Ладаннікавыя (Cistaceae). Назва роду Cistus паходзіць ад старажытнагрэчаскага слова κίσθος, што азначае «кошык», у той час як відавы эпітэт salviifolius ставіцца да зморшчанага лісця.
Гэты густы куст дасягае ў сярэднім 30-60 сантыметраў у вышыню, максімум да 100 см. Авальнае зялёнае лісце даўжынёй ад 1 да 4 см, лямцавае з двух бакоў, з кароткім хвосцікам (2-4 мм). Суквецце ўтрымлівае адну або некалькі круглых кветак на доўгіх кветаножках, размешчаных на пазухах лісця. Пяць белых пялёсткаў утрымліваюць жоўтую пляму ля аснавання, утвараючы вяночак дыяметрам 4-6 см. Тычынкі таксама жоўтыя, а пылавікі скідаюць багаты жоўты пылок. Апыляецца гэтая расліна насякомымі, асабліва пчоламі. Перыяд цвіцення працягваецца з красавіка па май. Плады — пяцігранныя капсулы, даўжынёй 5-7 мм.
Гэта расліна аддае перавагу сухім узгоркам, хмызнякам і рэдкалессю, на вышыні 0-1200 метраў над узроўнем мора. Расце вельмі хутка пасля пажару. Радзімай расліны з’яўляецца міжземнаморскі рэгіён, расце ў паўднёвай частцы Еўропы і ў некаторых раёнах Заходняй Азіі і ў Паўночнай Афрыцы.
Зноскі
- Encyclopedia of Life
- Dankwart Seidel: Blumen am Mittelmeer. Treffsicher bestimmen mit dem 3er-Check. BLV, München 2002
