Fabroniaceae — сямейства лістасцябловых імхоў парадку Hypnales.
Расліны вельмі маленькія, часта ўтвараюць шаўкавістыя маты, зялёныя, жоўта-зялёныя або шэра-зялёныя. Дзярновінкі шчыльныя, зялёныя.
Сцябло паўзучае, рэдка пакрыта лісцем, з пучкамі рызоідаў, разрэджана і няправільна разгалінаванае, з прамымі шчыльна пакрытымі лісцем галінамі.
Сухое лісце прылеглае, вільготнае — адстаўлена, яйкападобна-ланцэтнае, большай часткай доўга завостранае, гладкае. Пласцінкі плоскія, вышчарбленыя, зубчастыя або расніцава-зубчастыя, рэдка суцэльныя. Вяршыня вострая, завостраная або доўга-завостраная, рэдка тупая. Жылка простая або адсутнічае. Клеткі ліста танкасценныя, гладкія[1], у вуглах аснавання круглява-квадратныя.
Каробачка спарагону прамая, сіметрычная, яйкападобная або прадаўгаватая. Вечка з кароткай дзюбкай. Колца дыферэнцыравана, застаецца. Перыстом[2] просты ці двайны, прамы, увагнуты пры засыханні, загнуты пры ўвільгатненні. Экзастом[3] чырвона-карычневы, шырокаланцэтны, тупы.
Прадстаўнікі сямейства распаўсюджаныя галоўным чынам у цёплых і ўмераных зонах зямнога шара, на ствалах дрэў, радзей на скалах.
Зноскі
- ↑ клеткі, у якіх даўжыня нашмат (у 3 ці больш разоў) перавышае шырыню. Праводныя і механічныя тканкі складаюцца пераважна з празенхімных клетак
- ↑ У імхоў перыстам(а) — гэта спецыялізаваная структура ў спарангіі, якая дазваляе паступова вылучаць споры, а не выпускаць іх усё адразу
- ↑ Вонкавы шэраг зубцоў падвойнага перыстома імхоў (вонкавы перыстом) з 16 звычайна парных зубцоў
- Мельничук В. М. Определитель листостебельных мхов средней полосы и юга Европейской части СССР. — Киев: Наукова думка, 1970. — 441 с.
