Genshin Impact

Genshin Impact
Распрацоўшчык miHoYo[d]
Выдаўцы miHoYo[d] і COGNOSPHERE[d]
Дата анонсу чэрвень 2019
Дата выпуску 28 верасня 2020
Апошняя версія
  • 5.2 «Tapestry of Spirit and Flame» (20 лістапада 2024)[1]
Жанры камп’ютарная ролевая гульня[d], action/RPG, gacha game[d] і кааператыўны рэжым[d]
Тэхнічныя даныя
Платформы IOS, Android, Windows, PlayStation 4, PlayStation 5 і Xbox Series X/S[2]
Гульнявы рухавік Unity[d][3]
Рэжымы гульні аднакарыстальніцкая гульня і шматкарыстальніцкая гульня
Мовы інтэрфейсу англійская, спрошчаная кітайская[d], традыцыйная кітайская[d], карэйская, японская мова, інданезійская мова, тайская мова, в'етнамская мова, нямецкая, французская, партугальская мова, іспанская, руская, італьянская мова і турэцкая мова
Носьбіты лічбавая спампоўка[d] і лічбавае распаўсюджванне[d]
Кіраванне сэнсарны экран[d], камп’ютарная мыш, камп’ютарная клавіятура і геймпад
Афіцыйны сайт
Афіцыйны сайт (англ.)
Лагатып Вікісховішча Медыяфайлы на Вікісховішчы

Genshin Impact (кіт. 原神, піньінь: Yuánshén, яп. 原神 Гэнсін, літаральны пераклад Першапачатковае бажаство) — камп’ютарная гульня ў жанры Action-adventure з адкрытым светам і элементамі RPG, распрацаваная кітайскай кампаніяй MiHoYo Limited.[4]

Дзеянне гульні адбываецца ў магічным свеце. Галоўны герой або гераіня, у адпаведнасці з выбарам карыстальніка, падарожнічае паміж сусветамі, аднак у выніку канфлікту з безыменным бажаством страчвае брата або сястру і аказваецца зачынены ў Тэйваце.

Гульнявы працэс

[правіць | правіць зыходнік]

Genshin Impact — гульня з адкрытым светам, у жанры экшан-ролевай гульні, якая дазваляе гульцу кіраваць адным з чатырох узаемазаменных персанажаў у партыі.[5] Пераключэнне паміж персанажамі можа быць зроблена хутка падчас бою, дазваляючы гульцу выкарыстоўваць некалькі розных камбінацый навыкаў і нападаў.[6] Здольнасці персанажаў могуць паляпшацца рознымі спосабамі, галоўным чынам шляхам непасрэднага павышэння іх узроўню і паляпшэння артэфактаў і зброі, якія персанаж можа экіпіраваць.[7] У дадатак да даследаванняў, гулец можа паспрабаваць розныя выпрабаванні за ўзнагароды. Па ўсім Тэйваце раскіданыя босы і выпрабаванні, якія ўзнагароджваюць вельмі каштоўнымі рэсурсамі, але іх атрыманне патрабуе валюту пад назвай Original Resin, якая з часам павольна аднаўляецца.[8] Выкананне гэтых выпрабаванняў дае гульцу прагрэс да павышэння яго рангу прыгод, што, у сваю чаргу, адкрывае новыя квэсты, выпрабаванні і павышае сусветны ўзровень.[9] Сусветны ўзровень — мера моцы ворагаў у свеце, і рэдкасці узнагароды за перамогу над імі.[10]

Гулец можа кіраваць сваім персанажам і выконваць такія дзеянні, як бег, скалалажанне, плаванне і палёт на планеры, і ўсё гэта абмежавана трываласцю.[11][6] Некаторыя персанажы валодаюць здольнасцямі, якія могуць змяняць навакольнае асяроддзе, напрыклад, замярзанне вады для стварэння ледзянога шляху, які можа дапамагчы гульцу ў перасячэнні мясцовасці.[6] Па ўсім свеце існуе шмат вузлоў тэлепартацыі, да якіх гульцы могуць тэлепартавацца у якасці формы хуткага падарожжа; сярод іх ёсць славутасці, вядомыя як Статуі сямі, якія могуць вылечваць і ажыўляць персанажаў, а таксама забяспечваюць такія перавагі, як павышэнне трываласці гульца.[12] Прадметы, такія як ежа і руда, могуць быць здабыты з адкрытага свету, у той час як ворагі і скрыні са скарбамі выдаюць іншыя віды рэсурсаў, якія можна выкарыстоўваць для павышэння сілы персанажа. Гульцы могуць здабываць ежу, палюючы на жывёл, збіраючы садавіну і гародніну або купляючы іх у гульнявых крамах. Акрамя таго, існуюць спецыяльныя баявыя інстанцыі, якія называюцца «Даменамі», якія ўзнагароджваюць матэрыяламі, якія павялічваюць сілу персанажа і зброі.[13] Стравы, прыгатаваныя з інгрэдыентаў, сабраных у адкрытым свеце, таксама могуць даць жаданыя эфекты, такія як аднаўленне здароўя або павышэнне розных характарыстык.[14] Гульцы таксама могуць здабываць руду, якую можна ачышчаць, а затым выкарыстоўваць для стварэння зброі або павышэння яе сілы.[15][16]

Шматкарыстальніцкі рэжым даступны ў форме кааператыва. Да чатырох гульцоў могуць гуляць разам у адкрытым свеце і далучыцца да даменаў.[17] Спалучэнне гульцоў можа быць выканана шляхам запыту злучэння з іншым гульцом або з дапамогай аўтаматычнага пошуку.[17][18] У гульні ёсць кросплатформавы рэжым, таму гульцы на любой платформе могуць гуляць адзін з адным.[19]

Выконваючы пэўныя квэсты або ўдзельнічаючы ў выбраных абмежаваных па часе мерапрыемствах, гулец можа адкрыць дадатковых гульнявых персанажаў.[20] Большасць персанажаў, аднак, гульцы атрымліваюць праз банеры персанажаў  (англ.) (бел. гульнявой сістэмы гача  (англ.) (бел. пад назвай «Жаданні».[21][22][23] Для выцягвання  (англ.) (бел. на банерах гульні патрабуецца некалькі прэміумных гульнёвых валют, якія можна атрымаць праз пакупкі ў дадатку або ў якасці гульнявых узнагарод.[24] Сістэма шкадавання  (англ.) (бел. гарантуе, што гулец атрымае рэдкія прадметы пасля зададзенай колькасці выцягванняў.[25]

Элементальны бой

[правіць | правіць зыходнік]

Персанажы кантралююць адзін з сямі натуральных элементаў: Анема (паветра), Геа (глеба), Піра (агонь), Гідра (вада), Крыя (лёд), Электра (электрычнасць) і Дэндра (расліны).[26] Калі гэтыя элементы рэагуюць адзін з адным, яны вырабляюць розныя эфекты. Напрыклад, калі Гідра атака трапляе ў мішэнь, праціўнік атрымае «Мокры» эфект статусу, а калі ён атакуе з наступнай Крыя-атакай, гэтыя два эфекты стану аб’ядноўваюцца ў замарожванне праціўніка, часова не дазваляючы ім выконваць якія-небудзь дзеянні.[26]

Кожны персанаж таксама мае дзве унікальныя баявыя здольнасці: «Стыхійны навык» і «Стыхійны выбух». Стыхійны навык — гэта атака з усталяваным кулдаунам, які можна выкарыстоўваць у любы час, у той час як Стыхійны выбух — ультыматыўная атака, якая патрабуе энергіі.[27] Яна патрабуе ад гульца назапашвання дастатковай колькасці элементальнай энергіі, каб яе выкарыстоўваць.[28][26] Маніпуляванне элементамі, з дапамогай навыкаў і камандай з чатырох персанажаў для стварэння розных рэакцый, з’яўляецца асноўнай асаблівасцю гульнявога працэсу.[29] Пэўныя элементальныя здольнасці таксама патрабуюцца для разгадвання галаваломак у адкрытым свеце.[6]

Сюжэт

[правіць | правіць зыходнік]

У пачатку гульні паказваецца кат-сцэна, у якой ідзе бітва двух галоўных герояў (брат Ітэр і сястра Люмін) з нейкім бажаством. Пасля відэа гулец можа выбраць Падарожніка, ад асобы якога будзе праходзіць гульню.

Падзеі пачынаюцца праз два месяцы пасля абуджэння галоўнага героя, калі ён альбо яна сустракаюцца з Пайман, якая становіцца кампаньёнам у падарожжы. Мэта падарожжа — знайсці страчанага родзіча.

У Тэйваце ёсць сем розных краін: Мандшдадт, Лі Юэ, Інадзума, Сумеру, Фантэйн, Натлан і Снежная. Кожная краіна знаходзіцца ва ўладзе бажаства-архонта, якому адпавядае адзін з прыродных элементаў Тэйвата: Піра (агонь), Гідра (вада), Геа (зямля), Анэма (паветра), Крыа (лёд), Электра (электрычнасць) і Дэндра (раслінны свет).

Акрамя краін, у Тэйваце ёсць дзіўны лятаючы горад Селестыя, дзе жывуць божаствы і героі. Выбраным людзям Тэйвата жыхары Селестыі даруюць Вока Бажаства — камень, с дапамогай якога можна кантраляваць адпаведныя элементы.

Пралог: Мандшдат

[правіць | правіць зыходнік]

Першы горад, у які трапляе герой. Горад волі і песень, які знаходзіцца пад абаронай бажаства свабоды, Анэма Архонта Барбатаса. Мандштадт падобны на горад сярэднявечнай Галандыі.

Мандштат з’явіўся пасля звяржэння арыстакратычных дэспатаў. Шмат гадоў таму Венэса, рабыня ў зняволенні, атрымала блаславенне Архонта і падняла паўстанне супраць арыстакратаў. Затым для падтрымання парадку ў горадзе і абароны свабоды жыхароў яна стварыла ордэн Орда Фавоніўс, вышэйшае кіраўніцтва якога на чале з магістрам таксама займаецца дзяржаўнымі справамі.

Пайман і Падарожнік прыбываюць у Мандштат і сутыкаюцца з цмокам па імі Жах Буры, які атакуе горад. З дапамогай меснага музыкі Вэнці, падарожнік адбіваецца ад Жаху Буры і знаёміцца з Джын, якая выконвае абавязкі магістра рыцараў Фавонія. Падарожнік дапамагае рыцарам навесці парадак у рэгіёне, а затым зноў сустракае Вэнці, які расказвае, што Жах буры раней быў мірным бажаствам, і яго сапраўднае імя — Двалін. Вэнці просіць прынесці святую ліру, каб можна было супакоіць Дваліна з яе дапамогай. Пасля атрымання ліры Вэнці спрабуе супакоіць цмока, але разумее, што тым маніпулюе Ордэн Бездані. Раскрываецца, што на самой справе Вэнці гэта Барбатос, Анэма Архонт.

Вандроўнік з Джын і Вэнці праследуе Дваліна ў яго валоданні і вызваляе яго ад уплыву Ордэна Бездані. Вярнуўшыся ў Мондштат, Вэнці трапляе ў засаду Фатуі і Прадвесніцы Ла Сіньёры, якая крадзе яго гнозіс.

Высвятляецца, што Архонт Снежнай, Царыца, крадзе гнозісы Архонтаў дзеля невядомай мэты. Вэнці раіць Вандроўніку ісці сустрэцца з Геа Архонтам, які кожны год сыходзіць з нябёсаў і ладзіць суд у Лі Юэ, і спытаць, ці ведае ён бажаство, якое магло скрасці родзіча Падарожніка.

Том I: Лі Юэ

[правіць | правіць зыходнік]

Падарожнік адпраўляецца ў Лі Юэ на штогадовы рытуал з’яўлення Архонта Моракса, якога таксама называюць Рэкс Ляпіс. Рытуал ладзіць Нін Гуан, кіраўніца арганізацыі Цысінь, якая кантралюе ўсе гандлёвыя пагадненні Лі Юэ і фактычна з’яўляецца мясцовай уладай.

Аднак падчас рытуалу Рэкс Ляпіс аказваецца забіты, і Падарожнік з’яўляецца патэнцыйным падазроным. Падчас уцёкаў Падарожнік сустракае Фатуі Прадвесніка Чайлда, які раіць ім знайсці малых божастваў Лі Юэ, Адэптаў, каб ачысціць сваё імя. Каб расследаваць смерць, сам Чайлд працуе з Чжунлі, кансультантам пахавальнага бюро, якое назірае за пахаваннем Рэксу Ляпісу. Праз гэта Чайлд выяўляе месцазнаходжанне цела Архонта, якое было хутка схавана пасля сцэны смерці.

Падарожнік сутыкаецца з Чайлдам у Залатым Пакоі. Прадвеснік спрабуе забраць сэрца з цела, але не можа яго знайсці ў целе цмока і вырашае, што Рэкс Ляпіс яшчэ жывы.

Каб выклікаць Рэкса Ляпіса, Чайлд заклікае Асіяла, старажытнае бажаство, якое калісьці перамог Рэкс Ляпіс, і загадвае яму знішчыць горад Лі Юэ. Падарожнік, Цысінь і Адэпты аб’яднаюць сілы і перамагаюць яго. Пасля гэтага Падарожнік дазнаецца, што Чжунлі і ёсць Рэкс Ляпіс, які вырашыў спыніць сваю ахову Лі Юэ. Архонт перадае свой гнозіс Сіньёры ў рамках нейкага тайнага пагаднення з Царыцай. Чжунлі тлумачыць, што ён хацеў сысці са сваёй ролі Архонта, і што інсцэніроўка яго смерці была выпрабаваннем: калі б горад, Цысін і адэпты не змаглі спыніць Асіяла, ён бы ўмяшаўся. Чжунлі паведамляе Падарожніку, што наступны пункт прызначэння, Інадзума, зачыніў свае межы па загадзе Архонта Электра, сёгуна Райдэн.

Том II: Іназума

[правіць | правіць зыходнік]

Падарожнік і Пайман прыбываюць у ізаляцыянісцкую нацыю Іназума і даведаюцца, што яе архонт, сёгун Райдэн, канфіскавала Вочы Бажаствоў у жыхароў Іназумы. Ледзь выратаваўшыся ад войскаў сёгуна, Падарожнік і Пайман далучаюцца да групы сепаратыстаў на востраве Ватацумі ў Іназуме, перад тым як сустрэць Скарамуша, Шостага Прадвесніка Фатуі. Нягледзячы на тое, што ён збівае Падарожніка і Пайман да страты прытомнасці, Яэ Міка — фамільяр сёгуна — дае яму гнозіс Райдэн у абмен на іх жыццё. З дапамогай Міка Падарожнік змагаецца і перамагае сёгуна і пераконвае яе адмяніць абмежавальную палітыку. Пасля вяртання ў Лі Юэ Падарожнік уз’ядноўваецца з Дэйнслейфам у Разломе. Падарожнік адчувае бачанне блізнюка ў Кхаэнрыя, адчуваючы, што ён разрываецца паміж тым, каб далучыцца да іх і перамагчы Ордэн Бездані. Дэйнслейф кажа Падарожніку, што трэба выбраць паміж Тэйватам або блізнюком, перш чым адправіцца зноў.

Том III: Сумеру

[правіць | правіць зыходнік]

Падарожнік і Пайман адпраўляюцца ў Сумеру ў пошуках Меншага Лорда Кусаналі, Архонта Дэндра, але не могуць з ёй пагаварыць з-за таго, што яна знаходзіцца ў зняволенні ў Акадэміі. Падарожнік у рэшце рэшт сустракае яе чалавечую версію, Нахіду, у сне і выяўляе, што мудрацы Акадэміі ўступілі ў партнёрства з Датторэ, Другім Прадвеснікам Фатуі, каб скінуць Кусаналі і ўсталяваць Скарамуша як штучнага бога. З дапамогай ключавых людзей у Сумеру, Падарожнік зрывае змову мудрацоў. Затым Падарожнік сустракаецца з Кусаналі, якае дае каштоўную інфармацыю пра блізнюка і прапануе наведаць Фокалорс, архонта Фантэйна. Пасля гэтага Падарожнік сутыкаецца з Дайнслейфам, перш чым убачыць бачанне сустрэчы блізнюка з Кханрыянам па імені Хлотар Альберых, заснавальнікам Ордэна Бездані, а таксама з таямнічым «Грэшнікам».

На ліпень 2023 года тут канчаецца сюжэт гульні. Наступныя лакацыі і працяг сюжэту будуць даступныя з будучымі абнаўленнямі.

Распрацоўка

[правіць | правіць зыходнік]

miHoYo анансавалі распрацоўку новага праекта на рухавіку Unity у канцы студзеня 2017, праз 3 месяцы пасля выхаду папярэдняй гульні Honkai Impact 3rd. Кампанія заявіла, што мае намер зрабіць праект значна большага маштабу, чым Honkai Impact.[32]

Genshin Impact была анансаваная ў чэрвені 2019 года, і яе выхад быў намечаны на 2020 на платформы Windows і iOS.

Па словах распрацоўшчыкаў, на іх моцна паўплывалі гульні Grand Theft Auto і The Legend of Zelda: Breath of the Wild. Яны імкнуліся стварыць праект, які б моцна адрозніваўся ад Honka Impact 3rd з пункту гледжання баявой сістэмы, квэстаў, выпадковых падзей і рэжыму даследавання.

Папулярнасць

[правіць | правіць зыходнік]

Старт Genshin Impact стаў самым масавым сярод кітайскіх гульняў. Праз некалькі гадзін пасля запуску колькасць гледачоў трансляцый на Twitch перавысіла 110 тысяч[33] чалавек. Паводле інфармацыі кампаніі Sensor Tower, мабільныя версіі гульні за тыдзень зарабілі каля 60 мільёнаў долараў ЗША. Хутчэй чым за два тыдні гульня прынесла сваім распрацоўшчыкам больш за 100 мільёнаў долараў ЗША і акупілася.

Genshin Impact была прызнана гульнёй 2020 года па версіі Google Play і Apple[34]. Таксама гульня была намінантам у катэгорыях «Найлепшая ролевая гульня» і «Найлепшая мабільная гульня» на The Game Awards 2020.

Зноскі

  1. ↑ https://genshin.hoyoverse.com/m/en/news/detail/126992
  2. ↑ https://www.xbox.com/en-US/games/genshin-impact
  3. ↑ https://blog.unity.com/games/explore-the-immersive-world-of-genshin-impact-with-next-gen-performance-on-playstationr5
  4. ↑ Lai, Sam. Open-world ARPG Title Genshin Impact available for its Latest Closed Beta Tomorrow, March 19 (англ.). www.gamasutra.com
  5. ↑ Khullar, Kunal. 10+ Tips & Tricks for beginners to help you master Genshin Impact!. XDA Developers (4 студзеня 2021). Архівавана з першакрыніцы February 2, 2021. Праверана 25 January 2021.
  6. ↑ а б в г д Carter, Chris. Review: Genshin Impact. Destructoid (4 кастрычніка 2020). Архівавана з першакрыніцы November 29, 2020. Праверана 6 October 2020.
  7. ↑ Park, Gene (5 October 2020). "Analysis | Tips for 'Genshin Impact': How to get strong fast and early (for free)". The Washington Post. Архівавана з арыгінала December 25, 2020. Праверана 21 October 2020.
  8. ↑ Messner, Steven (20 November 2020). "Genshin Impact Resin guide: How it works and how to get more". PC Gamer. Архівавана з арыгінала December 25, 2020. Праверана 18 December 2020.
  9. ↑ How To Raise Your Adventure Rank Quickly In Genshin Impact - Genshin Impact Wiki Guide. IGN (8 кастрычніка 2020). Архівавана з першакрыніцы December 25, 2020. Праверана 21 October 2020.
  10. ↑ Hilmy Ramadhan Subari (7 September 2021). "Ini Penjelasan Tiap Adventure Rank Genshin Impact" [This Is Explanation About Every Genshin Impact Adventure Rank]. Dunia Games(індан.).
  11. ↑ а б Kemps, Heidi. Genshin Impact Review – Direct Hit. GameSpot (16 кастрычніка 2020). Праверана 16 October 2020.
  12. ↑ Lee, Julia. Genshin Impact guide: How to get more stamina. Polygon (13 кастрычніка 2020). Архівавана з першакрыніцы December 25, 2020. Праверана 31 October 2020.
  13. ↑ Genshin Impact: Every Domain and What Their Rewards Are. TheGamer (6 лютага 2021). Праверана 27 May 2022.
  14. ↑ Glennon, Jen. Everything you need to know about cooking in 'Genshin Impact'. Inverse (2 кастрычніка 2020). Архівавана з першакрыніцы December 25, 2020. Праверана 31 October 2020.
  15. ↑ Puleo, Anthony. Genshin Impact: Where to Farm White Iron Chunks. Game Rant (7 кастрычніка 2020). Архівавана з першакрыніцы December 25, 2020. Праверана 31 October 2020.
  16. ↑ Lunning, Just. 7 best places to farm White Iron and Crystal Chunks in 'Genshin Impact'. Inverse (22 кастрычніка 2020). Архівавана з першакрыніцы October 23, 2020. Праверана 31 October 2020.
  17. ↑ а б Messner, Steven (2 October 2020). "Genshin Impact co-op guide: How to adventure with other players". PC Gamer. Архівавана з арыгінала December 25, 2020. Праверана 31 October 2020.
  18. ↑ Messner, Steven (8 October 2020). "Genshin Impact's co-op multiplayer is too limited to be fun". PC Gamer. Архівавана з арыгінала December 25, 2020. Праверана 21 October 2020.
  19. ↑ Law, James (16 October 2020). "Does Genshin Impact have cross-platform play and cross-save?". Rock Paper Shotgun. Архівавана з арыгінала December 25, 2020. Праверана 31 October 2020.
  20. ↑ Gilliam, Ryan. Genshin Impact guide: How to unlock six free characters. Polygon (13 кастрычніка 2020). Архівавана з першакрыніцы December 25, 2020. Праверана 21 October 2020.
  21. ↑ Fenlon, Wes (September 28, 2020). "Genshin Impact, an ambitious Chinese RPG inspired by Breath of the Wild, is out today". PC Gamer. Архівавана з арыгінала December 25, 2020. Праверана 2020-09-29.
  22. ↑ Romano, Sal. Genshin Impact due out by October for PC, iOS, and Android; second closed beta test for PS4 begins July 30. Gematsu (22 ліпеня 2020). Архівавана з першакрыніцы September 28, 2020. Праверана 29 верасня 2020.
  23. ↑ Park, Gene (6 October 2020). "Analysis | I spent $130 in 'Genshin Impact.' If you might do this, maybe don't play it". The Washington Post. Архівавана з арыгінала December 25, 2020. Праверана 3 December 2020.
  24. ↑ Law, James (19 October 2020). "Genshin Impact – all currencies explained". Rock Paper Shotgun. Архівавана з арыгінала October 21, 2020. Праверана 21 October 2020.
  25. ↑ Parks, William. Genshin Impact: How the Pity System Works. Game Rant (19 кастрычніка 2020). Архівавана з першакрыніцы March 17, 2021. Праверана 29 студзеня 2021.
  26. ↑ а б в Spear, Rebecca. Genshin Impact Element guide: All Elements, Elemental Reactions, and Status Effects. Android Central (8 кастрычніка 2020). Архівавана з першакрыніцы December 25, 2020. Праверана 31 October 2020.
  27. ↑ Carpenter, Mark. Genshin Impact: What is Elemental Mastery, Elemental Skill and Elemental Burst?. Pro Game Guides (8 кастрычніка 2020). Архівавана з першакрыніцы December 25, 2020. Праверана 21 October 2020.
  28. ↑ 《原神》测试版试玩：国产手游离3A最近的一次 (кіт.). shouyou.gamersky.com (21 чэрвеня 2019). Архівавана з першакрыніцы June 22, 2019. Праверана 22 кастрычніка 2019.
  29. ↑ а б Northup, Travis. Genshin Impact Review. IGN (14 кастрычніка 2020). Архівавана з першакрыніцы January 18, 2021. Праверана 14 October 2020.
  30. ↑ Helm, Jordan. Review: Genshin Impact. Hardcore Gamer (6 кастрычніка 2020). Архівавана з першакрыніцы January 26, 2021. Праверана 10 October 2020.
  31. ↑ Tack, Daniel (2 October 2020). "Genshin Impact Review—Into The Great Wide Open". Game Informer. Архівавана з арыгінала December 25, 2020. Праверана 6 October 2020.
  32. ↑ Genshin Impact-Step into a Vast Magical World for Adventure (англ.). genshin.mihoyo.com.
  33. ↑ Bolding, Jonathan (October 3, 2020). «Genshin Impact may be biggest-ever global launch of a Chinese game». PC Gamer.
  34. ↑ Stenbuck, Kite (October 9, 2020). «TGS Media Awards 2020 Public Poll Won By Genshin Impact». Siliconera