H,s-дыяграма

h,s-дыяграма, i,s-дыяграма, h,s-дыяграма Малье́ – дыяграма цеплафізічных уласцівасцяў вадкасці і газа ў залежнасці ад параметраў стану.

Ужыццё атрымалі дыяграмы ўласцівасцяў вады і вадзяной пары, як найбольш выкарыстальныя ў цеплатэхніцы ў якасці рабочага цела субстанцыі (з прычыны распаўсюджанасці і таннасці).

Большая плошча дыяграмы адведзена пад частку з уласцівасцямі паравой фазы (вадкая фаза ў якасці цепланосьбіта мае абмежанні з прычыны несцісканасці вады).

Гісторыя і развіццё

У 1904 годзе нямецкі фізік Р.Малье (1863-1935) на базе табліц уласцівасцяў вады і вадзяной пары распрацаваў графічную дыяграму ў h-s каардынатах. У 1906 годзе у Берліне выйшла ягоная кніга “Новыя табліцы і дыяграмы для вадзяной пары”.

Па сутнасці, дыяграма – дакладны графічны аналаг цеплафізічных табліц уласцівасцяў вады і вадзяной пары, даныя якіх атрыманыя вопытным шляхам.

На сучасным этапе распаўсюджанне атрымліваюць электронныя версіі дыяграмы, якія больш зручныя ў скарыстанні і маюць меншую хібнасць.

Структура

Дыяграма змяшчае даныя пра велічынi такіх фізічных параметраў вады і вадзяной пары, як:

• ${\displaystyle h}$ — удзельная энтальпія [кДж/кг],
• ${\displaystyle s}$ — удзельная энтрапія [кДж/(кг∙К)],
• ${\displaystyle v}$ — удзельны аб’ём [м³/кг],
• ${\displaystyle p}$ — абсалютны ціск [бар],
• ${\displaystyle p}$ — тэмпература [°C],
• ${\displaystyle x}$ — ступень сухасці пары.

Велічыні, якія адносяцца да вадкай фазы абазначаюцца з апострафам; велічыні, якія адносяцца да паравой фазы — з двайным апострафам. Прыклад: ${\displaystyle s'}$ — удзельная энтрапія вады, ${\displaystyle s''}$ — удзельная энтрапія пары.

Гл. таксама

• i,d-дыяграма
• p,v-дыяграма
• T,s-дыяграма

Крыніцы

• Ривкин С. Л., Александров А. А. Теплофизические свойства воды и водяного пара — Москва: Энергоатомиздат, 1980, 424 с.