INDELA-I.N.SKY

INDELA-I.N.SKY
Тып беспілотны лятальны апарат
Распрацоўшчык ТАА «КБ Індэла»
Першы палёт 2011
Эксплуатанты Сцяг Беларусі Беларусь
Гады вытворчасці з 2014
Лагатып Вікісховішча Медыяфайлы на Вікісховішчы

INDELA-I. N. SKY — беларускі беспілотны лятальны апарат верталётнага тыпу, сярэдняга радыусу дзеяння, масай да 140 кг. Распрацаваны і выраблены ТАА «КБ Індэла». З 2014 года запушчаны ў серыйную вытворчасць.

Прызначаны для маніторынгу на далёкіх адлегласцях цяжкадаступных і працяглых аб’ектаў, для разведкі і назірання, дазваляе ажыццяўляць пошук і выяўленне аб’ектаў з вызначэннем дакладных геаграфічных каардынатаў, выконваць распазнаванне і суправаджэнне аб’ектаў, ажыццяўляць дастаўку грузаў і скід карыснай нагрузкі.

БПЛА «INDELA-I.N. SKY» уваходзіць у склад шматфункцыянальнага беспілотнага авіяцыйнага комплексу «INDELA-SKY». Кантралюецца з дапамогай наземнай станцыі кіравання.

Лётна-тэхнічныя характарыстыкі

[правіць | правіць зыходнік]

Тэхнічныя характарыстыкі

Даўжыня/вышыня 3052/1346 мм
Дыяметр апорнага ротара 3400 мм
База шасі 1180 мм
Узлётная вага 140 кг
Вага карыснай нагрузкі 25 кг
Стандартны запас паліва 29 кг
Узлётная магутнасць 26 кВТ
Выдатак паліва 5-8 кг/г
Рухавік Чатырохтактны ротарна-поршневага тыпу
Сістэма астуджэння Вадкасная

Лётныя характарыстыкі

Працягласць палёту 5 гадзін
Практычная далёкасць палёту 350 км
Крэйсерская хуткасць палёту ў зямлі 75 км/г
Статычны столь 1500 м
Максімальна дапушчальная хуткасць ветру пры ўзлёце 37 км/г
Рабочая тэмпература -40...+55 °С

Тэхнічныя магчымасці

[правіць | правіць зыходнік]

БПЛА «INDELA-I. N. SKY» ажыццяўляе аўтаматычны вертыкальны ўзлёт і пасадку, выконвае аўтаматычны палёт і аўтаматычнае вяртанне да месца старту ў выпадку страты сувязі.

Беспілотны верталёт працуе ва ўмовах адсутнасці падрыхтаванай узлётна-пасадачнай паласы, час разгортвання комплексу — да 15 хвілін.

Палёт БПЛА ажыццяўляецца ў адным з 4 рэжымаў:

  • аўтаномны
  • дыстанцыйна пілатуемы (ДПЛА)
  • рэжым «да кропкі» (БЛА накіроўваецца ў аўтаматычным рэжыме да зададзенай кропкі, пасля прылёту ў кропку ўключаецца рэжым ДПЛА)
  • рэжым «дадому» (незалежна ад пункту месца знаходжання БЛА ажыццяўляецца аўтаматычнае пілатавання ў кропку ўзлёту)

Палётнае заданне можа мець маршрут рознай канфігурацыі і складацца з больш за 2000 прамежкавых кропак. Маецца магчымасць аператыўнага рэдагавання палётнага задання ў працэсе яго выканання, у тым ліку змяненне вышыні і хуткасці палёту ад кропкі да кропкі.

Для вырашэння задач маніторынгу, назірання і разведкі беспілотнік абсталяваны гірастабілізаванай оптыка-электроннай сістэмай, якая ўключае цеплавізар, каляровую камеру, лазерны далямер, відэапрацэсар і інерцыяльны модуль.

Оптыка-электронная сістэма дазваляе ажыццяўляць аэраздымку, вызначаць адлегласць да аб’екта і атрымліваць на маніторы наземнай станцыі кіравання відэавыяву каляровага, чорна-белага і ў інфрачырвоным спектры ў рэжыме рэальнага часу. Сістэма дазваляе выяўляць рухомую мэту і аўтаматычна ажыццяўляць сачэнне за ёй. «Аўтасуправаджэнне» мэты вядзецца ў дзённы і начны час сутак.

Канструкцыя БПЛА «INDELA-I.N. SKY» дазваляе нарошчваць пілатажна-навігацыйнае абсталяванне і ўсталёўваць розныя іншыя варыянты карыснай нагрузкі.

Дрон здольны ажыццяўляць дастаўку грузаў па строга зададзеных каардынатах. Магчымы скід карыснай нагрузкі.

Беспілотны авіяцыйны комплекс

[правіць | правіць зыходнік]
Наземная станцыя «INDELA-GCS» у модулі тыпаразмеру ISO-кантэйнера (блок-кантэйнер).

«INDELA-I.N. SKY» з’яўляецца часткай беспілотнага комплексу «INDELA-SKY». У склад комплексу ўваходзяць два беспілотныя верталёты і наземная станцыя кіравання.

Архітэктура комплексу дазваляе ўключаць у яго склад БПЛА рознага класа, у тым ліку дроны іншых вытворцаў.

Маецца магчымасць аб’яднання некалькіх штук у адзіную інфармацыйную сетку, што дазваляе ажыццяўляць аўтаматычны абмен дадзенымі і каардынаваць дзеянні аператараў.

Наземная станцыя кіравання абсталяваная сістэмай жыццезабеспячэння. Час дзейнасці аўтаномнай станцыі — 24 гадзіны, у бясшумным рэжыме ад акумулятарных батарэй — 5 гадзін.

НСК з’яўляецца мабільнай, адаптавана для мантажу на любы шасі падвышанай праходнасці і прызначана для перавозкі любым відам транспарту.

Спасылкі

[правіць | правіць зыходнік]