Kepler-1649

Зорка
Сістэма зоркі Kepler-1649 ва ўяўленні мастака
Назіральныя даныя
(Эпоха J2000.0)
Тып адзіночная зорка
Прамое ўзыходжанне 19гадз 30мін 00,90с
Схіленне +41° 49′ 49,51″
Адлегласць 301.7 ± 1.6 св. гадоў (92.5 ± 0.5 пк)[1]
Сузор’е Лебедзь
Фізічныя характарыстыкі
Маса 0,1977 ± 0,0051[1] M☉
Радыус 0,2317 ± 0,0049[1] R☉
Тэмпература 3240 ± 61[1] K
Свяцільнасць 0,00516 ± 0,00020[1] L☉
Металічнасць [M/H] = −0,15 ± 0,11

Kepler-1649 (KOI-3138) — адзіночная зорка ў сузор'і Лебедзя. Знаходзіцца на адлегласці 302 светлавых гадоў ад Сонца.

Характарыстыкі

[правіць | правіць зыходнік]

Зорка з'яўляецца чырвоным карлікам з бачнай зорнай велічынёй каля 16м, пры гэтым у інфрачырвоным святле яна значна ярчэй: у фільтры J яе бляск роўны 13,38m, а ў фільтры K — 12,59m[2]. Яна належыць да спектральнага класу M5 V[3]. Маса зоркі складае 0,2 масы Сонца, радыус — 0,23 сонечнага радыусу[1]. Паверхневая тэмпература ацэньваецца ў 3240 Кельвінаў[1]. Яе свяцільнасць прыкладна ў 194 разы менш свяцільнасці Сонца[1].

Планетная сістэма

[правіць | правіць зыходнік]

У красавіку 2017 года міжнародная каманда астраномаў у часопісе «The Astronomical Journal» паведаміла аб адкрыцці экзопланеты Kepler-1649 b[3][4], якая прадстаўляе сабой аналаг Венеры па памеры і атрыманай ад зоркі энергіі[3]. Яе маса невядомая, але, верагодна, яна з’яўляецца скалістай планетай. Перыяд звароту вакол бацькоўскай зоркі складае каля 8,69 сутак. Раўнаважная тэмпература яе паверхні ацэньваецца ў 307 K (у Зямлі — 254 K, без уліку парніковага эфекту). Магчыма, што планета акружаная шчыльнай атмасферай, якая стварае на яе паверхні магутны парніковы эфект.

У красавіку 2020 года ў зоркі адкрыта другая планета — Kepler-1649 c[1], якая па сваіх уласцівасцях можа з’яўляцца аналагам Зямлі: яе радыус складае 1,06 радыусу Зямлі, і ад сваёй зоркі яна атрымлівае 0,75 той энергіі, што Зямля атрымлівае ад Сонца — яе раўнаважная тэмпература ацэньваецца ў 234 К. Арбітальны перыяд звароту складае каля 19,54 сутак.

З вялікай верагоднасцю абедзве планеты прыліўна сінхранізаваныя з бацькоўскай зоркай, то бок заўсёды звернутыя да яе адным бокам[1].

Планета



 Маса



(M⊕) 		Радыус



(R⊕) 		Перыяд звароту



(дзён) 		Вялікая паўвось



арбіты (а.е.) 		Эксцэнтрысытэт



арбіты 		Інсаляцыя



(S⊕) 		Раўнаважная тэмпература



(K)
b - 1,017 ± 0,051 8,689099 - 0 2,208 ± 0,094 307 ± 26
c - 1.06±0.15 19,53527 - 0 0,750 ± 0,032 234 ± 20

Зноскі

  1. ↑ а б в г д е ё ж з і A Habitable-zone Earth-sized Planet Rescued from False Positive Status, https://iopscience.iop.org/journal/2041-8205.
  2. ↑ а б KOI-3138 — High proper-motion Star. SIMBAD. Centre de Données astronomiques de Strasbourg.
  3. ↑ а б в Kepler-1649b: An Exo-Venus in the Solar Neighborhood, https://iopscience.iop.org/journal/1538-3881.
  4. ↑ Kepler-1649 b: транзитный аналог Венеры, http://www.allplanets.ru/index.htm.