Maps.me

Maps.me
Выява лагатыпа
Тып Афлайн картаграфія
Аўтар Юрый Мельнічак, Аляксандр Борсук, Віктар Гавака
Распрацоўшчык Daegu Limited
Напісана на C++[1], Objective-C і Java
Аперацыйная сістэма iOS 6.0 або навейшая,
Android 2.2 або навейшая,
Windows Phone 8.0 або навейшая
Першы выпуск 6 кастрычніка 2010 года
Апошняя версія 12.0.1
Ліцэнзія Freeware
Сайт maps.me
Лагатып Вікісховішча Медыяфайлы на Вікісховішчы

MAPS.ME (ранейшая назва — MapsWithMe, Карты са мной) — набор бясплатных праграм для мабільных прылад на аснове свабоднай геаграфічнай карты OpenStreetMap. З 2014 па 2020 г. MAPS.ME належаў VK і развіваўся ў межах яе міжнароднага праекта My.com[2]. У 2020 годзе MAPS.ME быў прададзены плацёжнаму сэрвісу Daegu Limited[3], што прывяло да значных змен у праграме. У выніку яго былыя заснавальнікі Аляксандр Борсук і Віктар Гавака стварылі Organic Maps - форк з адкрытым зыходным кодам без рэкламы і трэкінгу карыстальнікаў.

Функцыянальнасць

[правіць | правіць зыходнік]

Праграмы MAPS.ME даступныя на платформах iOS, Android (уключаючы зборкі для планшэтаў Amazon Kindle Fire) і Blackberry. Перад пачаткам працы праграма загружае карты горада ці краіны з усімі аб'ектамі ў памяць прылады і застаецца цалкам функцыянальнай без падключэння да інтэрнэту.

Праграма ўмее арыентавацца па GPS, будаваць маршруты для аўтамабіляў і пешаходаў (у тым ліку, паміж рознымі рэгіёнамі і краінамі), праводзіць пошук па аб'ектах, экспартаваць і імпартаваць даныя ў фармаце KML, а таксама прадастаўляць падрабязную інфармацыю аб установах на карце.

Магчымасць работы з картамі без падключэння да сеткі і высокая дакладнасць і падрабязнасць створаных карыстальнікамі карт забяспечылі MAPS.ME вялікую папулярнасць. Па выніках 2014 сэрвіс увайшоў у лік лепшых праграм крамы Google Play і топ-25 Hi-Tech@Mail.Ru. Сэрвіс адзначыўся ў рэйтынгах лепшых праграм для падарожнікаў Huffington Post і PC Magazine.

Гл. таксама

[правіць | правіць зыходнік]

Зноскі

  1. ↑ The maps_me Open Source Project on Open Hub: Languages Page — 2006. Праверана 20 верасня 2018.
  2. ↑ Lunden, Ingrid. Mail.ru Buys Maps.Me To Integrate Crowdsourced Maps Into Its My.com App Portal (англ.). TechCrunch (13 лістапада 2014). Праверана 9 кастрычніка 2024.
  3. ↑ VK / Mail.ru Group sells MAPS.ME (англ.)(недаступная спасылка). vk.company. Архівавана з першакрыніцы 6 снежня 2022. Праверана 9 кастрычніка 2024.

Спасылкі

[правіць | правіць зыходнік]