Mercedes-Benz W210

Mercedes-Benz W210, 1998

Mercedes-Benz W210 — аўтамабіль бізнес-класа ў вытворчай гаме Mercedes-Benz. Быў прадстаўлены ў якасці пераемніка серыі W124 у маі 1995 года, спачатку як седан, а ў чэрвені 1996 года і ў кузаве ўніверсал (S210).

На гэтай мадэлі, упершыню на аўтамабілях Mercedes-Benz, былі скарыстаныя падвойныя авальныя фары, якія вызначылі аблічча цэлага шэрагу мадэляў фірмы.

У 2002 годзе быў заменены на W211.

Было выраблена 1.653.437 адзінак гэтай серыі на зборачных лініях у Зіндэльфінгене, Раштатце і Грацы.

Тыпы кузава

Седан (W 210)

Седан (W 210)

У маі 1995 года быў прадстаўлены седан новага пакалення E-Klasse (унутранае пазначэнне W 210).

У залежнасці ад памеру паліўнага бака, ёмістасць багажнага адсека складае 500 літраў (65 літраў бак) або 520 л (80 л бак). Каб палегчыць транспарціроўку доўгіх прадметаў, за дадатковую плату мог быць усталяваны люк у заднім сядзенні.

Седаны былі 4818 мм у даўжыню, 1799 мм — у шырыню, і 1450 мм — у вышыню, колавая база — 2833 мм.

Было выраблена 1.374.199 аўтамабіляў.^[1]

Універсал (S 210)

Універсал (S 210)

У чэрвені 1996 года быў прадстаўлены ўніверсал (унутранае пазначэнне S210). Аб'ём багажніка складае 600 літраў, а пры складанні задняга сядзення і загрузцы да даху яго максімальны аб'ём можа быць павялічаны да 1975 літраў. Універсал меў даўжыню 4850 мм, шырыню — 1799 мм і вышыню — 1496 мм.

Выпуск універсалаў скончаны ў снежні 2002 года. Выпушчана 279.238 аўтамабіляў.

Шасі (VF 210)

Аўтамабіль хуткай дапамогі (на шасі VF 210)

Адначасова з універсалам з'явілася мадыфікацыя VF210 — шасі з колавай базай, павялічанай на 74 см. У адрозненне ад 124 серыі, версіі са стандартнай колавай базай не было. Першапачаткова выпускалася шасі E 290 Turbodiesel, пазней да шэрагу дадаліся E 250 Diesel (для італьянскага рынку), E 280 і E 220 CDI.

Шасі не будаваліся цалкам на Mercedes-Benz — кузавы ўніверсалаў пастаўляліся на завод Binz, дзе яго змянялі адпаведным чынам.

Шасі прызначалася для далейшага мантажу любога кузава ці пабудовы машын хуткай дапамогі непасрэдна ў кампаніі Binz. Асноўнымі заказчыкамі VF 210 былі трунары і транспартныя арганізацыі.

Падоўжаны седан (V 210)

падоўжаны седан (V 210)

Падоўжаны седан быў створаны па замове тайскай каралеўскай сям'і ў 1996 годзе, але ў сувязі з вялікім попытам, версія E-Klasse з доўгай колавай базай з канца 1996 года стала выпускацца серыйна. Гэты варыянт кузава таксама быў распрацаваны ў супрацоўніцтве з Binz.

E320 мае колавую базу падоўжаную на 97 см, шэсць дзвярэй і трэці шэраг сядзенняў. Кліенты маглі выбіраць паміж пяццю- і шасціцыліндравымі бензінавымі і дызельнымі рухавікамі. Акрамя згаданай мадэлі з шасцю дзвярыма і трыма радамі сядзенняў, быў пабудаваны і чатырохдзвярны варыянт з двума процілеглымі радамі задніх сядзенняў.

Камплектацыі

Classic

Камплектацыя Classic была базавай у мадэльным шэрагу.

Знешне вылучалася чорнымі дзвярнымі ручкамі, молдынгамі кантраснага колеру. Чорны колер мелі сярэдняя стойкі і дахавыя паласы вадастоку. У залежнасці ад рухавіка ставіліся 15"- ці 16"-цалёвыя сталёвыя колы з каўпакамі. На E 420 былі 16"-цалёвыя літыя дыскі з 10 адтулінамі, запазычаныя ў камплектацыі Elegance. У салоне — аздабленне панэлі з платану, вобад рулявога кола з чорнага ўспененага пластыку. Рычаг пераключэння перадач чорнага колеру, з надпісам Classic. Абабіўка сядзенняў мела малюнак «хваля» і мела чорны, сіні, "шампіньён" або шэры колер.

Пасля рэстайлінгу быў зменены дызайн колавых каўпакоў, дзвярныя ручкі сталі фарбавацца ў колер кузава. Акрамя таго, у аздабленні салона сталі ўжывацца тканіна ўзора "Cannes" і дрэва "Alameda".

• 
  Mercedes-Benz W210 Classic (1995–1999)
• 
  Mercedes-Benz W210 Classic (1995–1999)
  Выгляд ззаду
• 
  Mercedes-Benz S210 Classic (1999–2003)
• 
  Mercedes-Benz S210 Classic (1999–2003)
  Выгляд ззаду

Elegance

За дадатковую плату была даступная каплектацыя Elegance.

Знешне вылуалася храмаваным аздабленнем бампераў, бакавых молдзінгаў і дзвярных ручак. Дахавыя паласы вадастоку фарбаваліся ў колер кузава. Колы мелі 16"-цалёвыя літыя дыскі з 10 адтулінамі. У салоне з'явіліся антыблікавае ўнутранае люстэрка задняга выгляду; сонцаахоўныя брылі з люстэркам, якія маюць падсвятленне. У спінках пярэдніх сядзенняў меліся кішэні, падлакотнік са скрыняй, ліхтары ў дзвярах. Была палепшана вентыляцыя задняй частцы салона. Рычаг пераключэння перадач і рулявое кола абцягнутыя скурай пад колер панэлі. Сядзенні маюць дызайн тканіны "Прэстыж" і аздабленне панэлі выканана з каштоўных парод дрэва.

Пасля мадэрнізацыі ў залежнасці ад рухавіка сталі ўсталёўвацца 16"- ці 17"-цалёвыя літыя дыскі з адзінаццаццю адтулінамі. Да абсталявання інтэр'еру быў дададзены пакет асвятлення і алюмініевыя пласціны з надпісам "Mercedes-Benz" на парогах.

• 
  Mercedes-Benz W210 Elegance (1995–1999)
• 
  Mercedes-Benz W210 Elegance (1995–1999)
  Выгляд ззаду
• 
  Mercedes-Benz W210 Elegance (1999–2002)
• 
  Mercedes-Benz W210 Elegance (1999–2002)
  Выгляд ззаду

Avantgarde

Камплектацыя Avantgarde мае падкрэслена вытанчаны і спартыўны кірунак.

Як і камплектацыя Elegance, вылучаецца храмаваным аздабленнем і фарбаваннем молдынгаў на даху ў колер кузава. Акрамя таго, былі афарбаваныя ў колер кузава і бакавыя молдынгі. У адрозненне ад іншых камплектацый, шкленне падфарбоўвалі сінім колерам замест зялёнага. Сярэднія стойкі былі абклееныя градыентнай плёнкай ў колер кузава. Рашотка мае ламелі з глянцавай чорнай устаўкай. Avantgarde дадаткова мелі спецыяльна ўведзеныя колеры: "Violan" і "Amazonit".

Шасі нязначна зніжана ва ўсіх заднепрывадных мадэлях. 16"-цалёвыя літыя дыскі з 5 адтулінамі.

Былі ксенонавыя фары, якія дадаткова абсталёўваліся ачышчальнікамі і аўтаматычным рэгуляваннем далёкасці святла.

У салоне Avantgarde мае тыя ж дадаткі, што і Elegance. Матэрыял абіўкі сядзенняў меў малюнак "Tiffany". Аздабленне панэлі выканана з цёмнага клёну. Рычаг каробкі перадач, скураны руль і рамяні бяспекі ў гэтай камплектацыі заўсёды мелі чорны колер.

Пасля рэстайлінгу дыяпазон абсталявання быў пашыраны.

• 
  Mercedes-Benz W210 Avantgarde (1995–1999)
• 
  Mercedes-Benz W210 Avantgarde (1995–1999)
  Выгляд ззаду
• 
  Mercedes-Benz W210 Avantgarde (1999–2002)
• 
  Mercedes-Benz W210 Avantgarde (1999–2002)
  Выгляд ззаду

4MATIC

Як і на папярэдняй мадэлі, з 1997 года ў якасці опцыі стала даступнай паўнапрывадная сістэма 4MATIC. Распрацоўка і пабудова вялася ў супрацоўніцтве са Steyr-Daimler-Puch GmbH у Грацы. Запуск новых 4MATIC мадэляў ажыццяўляўся ў два этапы: E280 4MATIC — у снежні 1996 года, варыянт з 3,2-літровым рухавіком E320 4MATIC — у чэрвені 1997 года, а пазней і E 430 4MATIC. Поўным прывадам маглі абсталёўвацца як седаны, так і ўніверсалы.

У параўнанні з сістэмай папярэдняга пакалення, канцэпцыя прывада атрымала прынцыпова далейшае развіццё. Сталы прывад на ўсе колы спалучаецца з сістэмай курсавай устойлівасці ETS, якая замяняе блакаванне дыферэнцыялаў. ETS аўтаматычна ўключыцца, калі прынамсі адно кола круціцца на склізкай паверхні.

На базе E 430 4MATIC фірмай AMG быў зроблены E 55 AMG 4MATIC^[2].

• 
  E 320 4MATIC T (1997–1999)
• 
  E 320 4MATIC T (1999–2003)

Guard

З красавіка 1995 года на заводзе ў Зіндэльфінгене вырабляліся браніраваныя седаны серыі 210.

На працягу ўсяго перыяду будаўніцтва седаны былі даступныя з высокай ступенню браніравання В6. Высокая вага датаковых элементаў браніравання патрабавала павышанай магутнасці, таму браніраванне прапаноўвалася для мадэлі E420 (з верасня 1997-га — E430) з васьміцыліндравым рухавіком.

У сакавіку 1997 года была таксама прапанаваная мадыфікацыя, якая мела ўзровень B4, што забяспечвае абарону ад найбольш распаўсюджаных пісталетаў. Гэты варыянт браніравання быў палегчаным, таму з восені 1997 года быў таксама даступны і для мадэлі з шасціцыліндравым рухавіком (мадэль E 320).

Асаблівасцю браніравання з'яўляецца поўная інтэграцыя ахоўных элементаў у канструкцыю кузава.

AMG

E 55 AMG (1999–2002)

Атэлье Mercedes-AMG на аснове серыйных мадэляў Mercedes-Benz E-класа (камплектацыя Avantgarde) вырабляла мадыфікаваныя версіі аўтамабіляў. Пакет абсталявання ўключаў у сябе мадыфікаваныя бамперы і бакавыя спадніцы, сістэму выпуску, спартыўную падвеску, лёгкасплаўныя дыскі памерам 8Jx18 ET31 (спераду) і 9Jx18 ET35 (ззаду), шыны 235/40 R18 (пярэднія) і 265/35 R18 (заднія).

У мадэлях W210, даведзеных AMG, выкарыстоўваліся 4 рухавіка. У 1996 годзе з'явілася першая мадэль — E36 AMG, абсталяваная рухавіком M104.995. Потым з'явілася E50 AMG з рухавіком M119.985, якая выраблялася толькі адзін год. У 1998 з'явілася мадэль E55 AMG з рухавіком M113 аб'ёмам 5,5 л V8 SOHC 24V магутнасцю 354 к. с. E55 AMG па замове былі даступныя таксама з прывадам на ўсе колы 4MATIC. На вяршыні мадэльнага шэрагу стаяла мадэль E60 AMG з 6,0 літровым V8 M119 магутнасцю 381 к. с. (1996–1998).

Рухавікі

Для серыі 210 быў шырокі выбар аўтамабіляў з бензінавымі і дызельнымі рухавікамі. Першапачаткова мадэльны шэраг складаўся з рухавікоў, што стаялі на апошніх аўтамабілях яго папярэдніка, якія былі паступова заменены больш сучаснымі.

Гама рухавікоў уключала 4-, 6- і 8-цыліндравыя рухавікі, як бензінавыя (атмасферныя і з нагнятальнікамі), так і дызельныя. W210 — апошняе пакаленне Е-класа, на якое ўсталёўваліся дызельныя рухавікі без наддзімання, а таксама радныя 6-цыліндравыя бензінавыя (замененыя рухавікамі V6 у 1997 годзе).

Бензінавыя

Чатырохцыліндравыя

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (l/100 км)	Тэрмін вытворчасці
Седаны (W210)
E 200	210.035	M 111 E 20 (111.942HFM)	1998	I4	100 кВт (136 к.с.) пры 5500	190 Н·м пры 4000	1440	205	11,4	9,1	05/95–05/96
						190 Н·м пры 3700-4500					06/96–07/99
							1510	209	10,8	9,3	07/99–06/00
E 200 Kompressor^1	210.045	M 111 E 20 ML (111.947ME)			132 кВт (180 к.с.) пры 5400	250 Н·м пры 2500-4800	1495	?	?	?	06/95–07/96
					137 кВт (186 к.с.) пры 5300	260 Н·м пры 2500-4800	1510	231	8,9	9,9	08/97–07/99
							1580	232	9,5	9,6	07/99–06/00
					141 кВт (192 к.с.) пры 5300	270 Н·м пры 2500-4800	1510	231	8,9	9,9	08/97–07/99
							1580	232	9,5	9,6	07/99–06/00
E 200 Kompressor	210.048	M 111 E 20 EVO ML (111.957)			120 кВт (163 к.с.) пры 5300	270 Н·м пры 2500-4800	1540	222	9,7	8,9	05/00–03/02
E 230	210.037	M 111 E 23 (111.970HFM)	2295		110 кВт (150 к.с.) пры 5400	220 Н·м пры 3700-4500	1450	215	10,5	8.3	05/95–06/98
Універсалы (S210)
E 200 T	210.235	M 111 E 20 (111.942HFM)	1998	I4	100 кВт (136 к.с.) пры 5500	190 Н·м пры 3700-4500	1560	198	12,2	9,4	06/96–07/99
							1610	198	11	9,6	07/99–06/00
E 200 Kompressor T ^1	210.245	M 111 E 20 ML (111.947ME)			137 кВт (186 к.с.) пры 5300	260 Н·м пры 2500-4800	1620	225	9,1	10	08/97–07/99
								223	9,9		07/99–06/00
					141 кВт (192 к.с.) пры 5300	270 Н·м пры 2500-4800	1620	225	9,1	10	08/97–07/99
								223	9,9		07/99–06/00
E 200 Kompressor T	210.248	M 111 E 20 EVO ML (111.957)			120 кВт (163 к.с.) пры 5300	270 Н·м пры 2500-4800	1640	218	10,2	9,3	05/00–12/02
E 230 T	210.237	M 111 E 23 (111.970HFM)	2295		110 кВт (150 к.с.) пры 5400	220 Н·м пры 3700-4500	1570	208	11,2	9,5	04/96–06/98
* Дадзеныя аб магутнасці прыведзены са стандартнай скрынкай перадач. ^1 толькі ў Грэцыі, Італіі, Партугаліі, Турцыі, Балгарыі, Харватыі, Македоніі, Венгрыі

Шасціцыліндравыя

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (l/100 км)	Тэрмін вытворчасці
Седаны (W210)
E 240	210.061	M 112 E 24 (112.911ME)	2398	V6	125 кВт (170 к.с.) ^1 пры 5900	225 Н·м пры 3000-5000	1500	223	9,6	10,3	08/97–07/99
							1580	224	9,8	10,8	07/99–05/00
	210.062	M 112 E 26 (112.914)	2597		125 кВт (170 к.с.) пры 5500	240 Н·м пры 4500	1590	229	9,3	10,8	05/00–03/02
E 280	210.053	M 104 E 28 (104.945HFM)	2799	I6	142 кВт (193 к.с.) пры 5500	270 Н·м пры 3750	1570	230	8,6	10,4	12/95–03/97
E 36 AMG		M 104 E 36 (104.945HFM)	3606		206 кВт (280 к.с.) пры 5750	385 Н·м пры 4000-4750	1610	250 ^2	6,7	?
E 280	210.063	M 112 E 28 (112.921ME)	2799	V6	150 кВт (204 к.с.) пры 5700	270 Н·м пры 3000-5000	1540	234	8,5	10,6	03/97–07/99
							1540	230	8,9	10,8	07/99–03/02
E 280 4MATIC	210.081						1650	223	9,1	11	02/97–07/99
							1720	223	9,4	11,2	07/99–03/02
E 320	210.055	M 104 E 32 (104.995HFM)	3199	I6	162 кВт (220 к.с.) пры 5500	315 Н·м пры 3850	1600	235	7,8	10,4	12/95–03/97
	210.065	M 112 E 32 (112.921ME)		V6	165 кВт (224 к.с.) пры 5600	315 Н·м пры 3000-4800	1580	238	7,7	10,3	03/97–07/99
							1630	238	7,9	10,3	07/99–03/02
E 320 4MATIC	210.082						1670	234	8	11,1	02/97–07/99
							1720	234	8,3	11,1	07/99–03/02
Універсалы (S210)
E 240 T	210.261	M 112 E 24 (112.911ME)	2398	V6	125 кВт (170 к.с.) ^1 пры 5900	225 Н·м пры 3000-5000	1590	216	10,5	10,7	08/97–07/99
							1670	215	10,7	11,2	07/99–05/00
	210.262	M 112 E 26 (112.914)	2597		125 кВт (170 к.с.) пры 5500	240 Н·м пры 4500	1680	219	9,5	11,8	05/00–12/02
E 280 T	210.263	M 112 E 28 (112.921ME)	2799		150 кВт (204 к.с.) пры 5700	270 Н·м пры 3000-5000	1700	225	9,5	11,3	07/99–06/00
								223	9,2	11,5	06/00–12/02
E 280 4MATIC T	210.281						1740	210	9,9	11,2	02/97–07/99
							1810	217	10,2	11,5	07/99–12/02
E 320 T	210.265	M 112 E 32 (112.921ME)	3199		165 кВт (224 к.с.) пры 5600	315 Н·м пры 3000-4800	1670	230	8,5	10,6	02/97–07/99
							1810	230	8,7	10,6	07/99–12/02
E 320 4MATIC T	210.282						1685	228	8,8	11,3	06/97–07/99
							1810	225	9,2	11,5	07/99–12/02
* Дадзеныя аб магутнасці прыведзены са стандартнай скрынкай перадач. ^1 на рынку Бельгіі E 240 (1997–2000 гг) меў магутнасць паменшаную да 120 кВт / 163 к.с. ^2 абмежаваная электронікай

Васьміцыліндравыя

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (l/100 км)	Тэрмін вытворчасці
Седаны (W210)
E 420	210.072	M 119 E 42 (119.985)	4196	V8	205 кВт (279 к.с.) пры 5700	400 Н·м пры 3900	1615	250 ^1	7	10,6	02/96–02/98
E 50 AMG		M 119 E 50 (119.985)	4973		255 кВт (347 к.с.) пры 5750	480 Н·м пры 3750-4250	1675		6,2	11,6	01/96–08/97
E 60 AMG		M 119 E 60 (119.985)	5956		280 кВт (381 к.с.) пры 5500	580 Н·м пры 3750	1715		5,1	?	96–98
E 60 AMG 6.3		M 119 E 60 (119.985)	6298		298 кВт (405 к.с.) пры 5500	616 Н·м пры 3600	1715		5	?	96–98
E430	210.070	M 113 E 43 (113.940ME)	4266		205 кВт (279 к.с.) пры 5750	400 Н·м пры 3000-4000	1650		6,6	11,3	08/97–07/99
							1680			10,8	07/99–03/02
E 430 4MATIC	210.083						1770		6,8	12,3	07/99–03/02
E 55 AMG	210.074	M 113 E 55 (113.980ME)	5439		260 кВт (354 к.с.)/5500	530 Н·м пры 3000	1710		5,7	12,1	10/97–03/02
E 55 AMG 4MATIC	210.083						1800		5,8	?	07/99–03/02
Універсалы (S210)
E 420 T	210.272	M 119 E 42 (119.985)	4196	V8	205 кВт (279 к.с.) пры 5700	400 Н·м пры 3900	1740	250 ^1	7	10,6	04/96–09/97
E 50 AMG T		M 119 E 50 (119.985)	4973		255 кВт (347 к.с.) пры 5750	480 Н·м пры 3750-4250	1775		6,2	?	04/96–09/97
E 60 AMG T		M 119 E 60 (119.985)	5956		280 кВт (381 к.с.) пры 5500	580 Н·м пры 3750	1815		5,6	?	96–98
E 430 T	210.270	M 113 E 43 (113.940ME)	4266		205 кВт (279 к.с.) пры 5750	400 Н·м пры 3000-4000	1730	243	6,9	12,1	08/97–07/99
							1770			11,4	07/99–12/02
E 430 4MATIC T	210.283						1860	243	7,2	12,9	07/99–12/02
E 55 AMG T	210.074	M 113 E 55 (113.980ME)	5439		260 кВт (354 к.с.) пры 5500	530 Н·м пры 3000	1810	250 ^1	5,9	12,1	10/97–12/02
E 55 AMG 4MATIC T	210.284						1910		6,1	13,2	07/99–12/02
* Дадзеныя аб магутнасці прыведзены са стандартнай скрынкай перадач. ^1 абмежаваная электронікай

Дызельныя

Чатырохцыліндравыя

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (л/100 км)	Тэрмін вытворчасці
Седаны (W210)
E 200 Diesel ^1	210.003	OM 604 D 20 (604.917)	1997	I4	65 кВт (88 к.с.) пры 5000	135 Н·м пры 2000-4650	1460	177	17,6	7,6	06/96–07/98
E 200 CDI	210.007	OM 611 DE 22 LA red. (611.961 red.)	2151		75 кВт (102 к.с.) пры 4200	235 Н·м пры 1500-2600	1540	187	13,7	6,3	06/98–07/99
			2148		85 кВт (115 к.с.) пры 4200	250 Н·м пры 1400-2600	1590	199	12,5	6,2	07/99–03/02
E 220 Diesel	210.004	OM 604 D 22 (604.912EVE)	2155		70 кВт (95 к.с.) пры 5000	150 Н·м пры 3100	1460	180	17	6,6	05/95–07/99
E 220 CDI	210.006	OM 611 DE 22 LA (611.961)	2151		92 кВт (125 к.с.) пры 4200	300 Н·м пры 1800-2600	1540	200	11,2	6,3	06/98–07/99
			2148		105 кВт (143 к.с.)^2 пры 4200	315 Н·м пры 1800-2600	1590	213	10,4	6,2	07/99–03/02
Універсалы (S210)
E 220 CDI T	210.206	OM 611 DE 22 LA (611.961)	2151	I4	92 кВт (125 к.с.) пры 4200	300 Н·м пры 1800-2600	1650	193	11,7	6,7	06/98–07/99
			2148		105 кВт (143 к.с.) ^2 пры 4200	315 Н·м пры 1800-2600	1690	205	10,9	6,2	07/99–12/02
* Дадзеныя аб магутнасці прыведзены са стандартнай скрынкай перадач. ^1 толькі ў Партугаліі ^2 на рынку Бельгіі E 220 CDI і E 220 CDI T (1999–2002 гг) меў магутнасць паменшаную да 100 кВт / 136 к.с.

Пяціцыліндравыя

Рухавік OM 602.982 (Мадэль E 290 Turbodiesel)

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (л/100 км)	Тэрмін вытворчасці
Седаны (W210)
E 250 Diesel ^1	210.010	OM 605 D 25 (605.912ERE)	2497	I5	83 кВт (113 к.с.) пры 5000	170 Н·м пры 3200	1510	193	15,3	7	06/95–07/99
E 250 Turbodiesel ^2	210.015	OM 605 D 25 LA (605.962ERE)			110 кВт (150 к.с.) пры 4400	280 Н·м пры 1800-3600	1560	206	10,4	8	06/96–07/99
E 270 CDI	210.016	OM 612 DE 27 LA (612.961)	2685		125 кВт (170 к.с.) пры 4200	370 Н·м пры 1600-2800 (400 Н·м пры 1800-2600) ^4	1630	225	9	6,9	07/99–03/02
E 290 Turbodiesel	210.017	OM 602 DE 29 LA (602.982EVE)	2874		95 кВт (129 к.с.) пры 4000	300 Н·м пры 1800	1540	195	11,5	6,8	03/96–06/99
Універсалы (S210)
E 250 Diesel T ^3	210.210	OM 605 D 25 (605.912ERE)	2497	I5	83 кВт (113 к.с.) пры 5000	170 Н·м пры 3200	1630	185	16,2	8,6	05/96–07/99
E 250 Turbodiesel T ^3	210.215	OM 605 D 25 LA (605.962ERE)			110 кВт (150 к.с.) пры 4400	280 Н·м пры 1800-3600	1680	203	11,3	8,3	09/97–07/99
E 270 CDI T	210.216	OM 612 DE 27 LA (612.961)	2685		125 кВт (170 к.с.) пры 4200	370 Н·м пры 1600-2800 (400 Н·м пры 1800-2600) ^4	1730	213	9,5	7,1	07/99–12/02
E 290 Turbodiesel T	210.217	OM 602 DE 29 LA (602.982EVE)	2874		95 кВт (129 к.с.) пры 4000	300 Н·м пры 1800	1650	190	12,2	7,2	04/96–06/99
* Дадзеныя аб магутнасці прыведзены са стандартнай скрынкай перадач. ^1 толькі ў Грэцыі, Італіі, Партугаліі, Турцыі, Балгарыі, Харватыі, Македоніі, Венгрыі ^2 толькі ў Італіі ^3 толькі ў Італіі, Бельгіі і на поўдні Еўропы. ^4 з аўтаматычнай каробкай перадач

Шасціцыліндравыя

Мадэль		Рухавік (Код)	Аб'ём   (см³)	Тып	Магутнасць пры аб/хв	Макс. крутоўны момант пры аб/хв	Вага (кг)	Макс. хуткасць (км/г)	Паскарэнне 0–100 км/г (с.)	Расход паліва (л/100 км)	Тэрмін вытворчасці
Седаны (W210)
E 300 Diesel	210.020	OM 606 D 30 (606.912ERE)	2996	I6	100 кВт (136 к.с.) пры 5000	210 Н·м пры 2200	1560	205	12,9	7,4	05/95–03/97
E 300 Turbodiesel	210.025	OM 606 D30 LA (606.912ERE)			130 кВт (177 к.с.) пры 4400	330 Н·м пры 1600-3600	1630	220	8,9	7,9	04/97–07/99
E 320 CDI	210.026	OM 613 DE 32 LA (613.961)	3226		145 кВт (197 к.с.) пры 4200	470 Н·м пры 1800-2600	1660	230	8,3	7,8	08/99–03/02
Універсалы (S210)
E 300 Turbodiesel T	210.225	OM 606 D 30 LA (606.912ERE)	2996	I6	130 кВт (177 к.с.) пры 4400	330 Н·м пры 1600-3600	1730	215	9,4	8,6	04/97–07/99
E 320 CDI T	210.226	OM 613 DE 32 LA (613.961)	3226		145 кВт (197 к.с.) пры 4200	470 Н·м пры 1800-2600	1760	227	8,8	7,9	08/99–12/02

Сістэмы бяспекі

Стандартнае абсталяванне аўтамабіля ўключае дзве пярэднія і дзве бакавыя падушкі (абараняюць тулава і галаву), пярэднія рамяні з праднацягвальнікамі і абмежавальнікамі высілкаў. У ліпені 1998 года на аўтамабілях з'явілася бакавая падушка тыпу «заслона» для аховы галавы пры бакавым ўдары^[3]. З 1999 года яна ўвайшла ў стандартную камплектацыю.

Вынікі краш-тэстаў

Вынікі тэсту Euro NCAP, 1998[4]
Бяспека пасажыраў		26
Бяспека пешаходаў		17
Пратэставаны аўтамабіль: Mercedes-Benz E200 Classic

Пры першапачатковым тэставанні, праведзеным у 1998 годзе, аўтамабіль атрымаў толькі тры зоркі^[5]. Мела месца значная дэфармацыя кузава ў зоне ног кіроўцы, зварныя швы падлогі разышліся — прычынай было ўмятае ў глыбь аркі кола. Зніжэнне адзнакі таксама было выклікана значнымі нагрузкамі ад рамяня бяспекі на грудзі пасажыра, і вялікім — 23 сантыметры — змяшчэннем назад педалі тормазу.

Праз некаторы час у сістэму Euro NCAP быў уключаны «слупавы» тэст. Вытворца ўдасканаліў мадэль і былі праведзены паўторныя выпрабаванні. Палепшаны аўтамабіль атрымаў чатыры зоркі паводле абноўленай сістэмы тэставання^[6].

Канструкцыя

Е-клас W210 — аўтамабіль з апорным кузавам, класічнай кампаноўкі: рухавік спераду, прывад на заднія колы. З 1998 года выпускаліся таксама паўнапрывадныя версіі 4Matic.

Трансмісіі: 5-ступеньчатая механічная (з 2000 года — 6-ступеньчатая); аўтаматычныя: 4-дыяпазонавая з пачатку вытворчасці, 5-ступеньчатая з 1997 года, 5-ступеньчатая з ручным пераключэннем - з 2000 года. Падвескі - незалежныя, двухрычажная спераду і 5-рычажная ззаду, абедзве са стабілізатарамі папярочнай устойлівасці.

У 2000 годзе выходзіць ўдасканаленая мадэль W210 Millenium з рухавіком M112 і M114.

Трансмісія

W210 1996 абсталёўваўся 4 і 5-ступеньчатай (Avantgarde) аўтаматычнай каробкай ад W124. У 1997 годзе Mercedes ўсталявалі новую 5-ці ступеньчатую трансмісію з электронным кіраваннем. Гэтая АКПП ўпершыню з'явілася ў 1996 годзе на V8 W140. На сённяшні дзень гэтая мадэль трансмісіі (722.6) усталяваная на шматлікіх аўтамабілях Daimler AG. 4-х і 5-ці ступеньчатыя каробкі працуюць досыць устойліва, хоць першая служыць некалькі даўжэй. Mercedes-Benz таксама стварылі алей для КПП, які мусіць праслужыць усё жыццё каробкі. Многія ўладальнікі аўтамабіляў Mercedes не падзяляюць меркаванне што да тэрміна жыцця трансмісіі. Частата замены алею КПП напрамую звязана з тэрмінам жыцця трансмісіі. Многія ўладальнікі і станцыі ТО рэкамендуюць абнаўляць алей кожныя 100 000 — 180 000 км.

Зноскі

1. http://www.motor-talk.de/faq/mercedes-e-klasse-w210-q89.html#Q3594587 (ням.)
2. http://www.amg-owners-club.de — E 55 AMG Limousine und T-Modell 4MATIC W/S 210 (ням.)
3. http://wiki.mercedes-benz-classic.com/index.php/Chronik_1991_-_1998#1998 Архівавана 22 лістапада 2014. Chronik 1991–1998, 1998 год // wiki.mercedes-benz-classic.com (ням.)
4. https://www.euroncap.com/en/results/mercedes-benz/e-class/15486
5. Рейтинг безопасности: Mercedes Е-класса, "пятерка" BMW и другие... // Авторевю : часопіс. — 1999. — № 1. (руск.)
6. Краш- тест: автомобили оснащенные подушками защиты головы // Авторевю : часопіс. — 2000. — № 8. (руск.)

Спасылкі

• http://media.daimler.com/dcmedia/0-921-657475-49-1113004-1-0-0-1113173-0-1-12759-614216-0-0-0-0-0-0-0.html Архівавана 10 чэрвеня 2015.

Гл. таксама

• Mercedes-Benz E-Class