Natco Pharma

Natco Pharma Limited
Тып бізнес і публічная кампанія
Лістынг на біржы National Stock Exchange of India[d][1]
Заснаванне 1981
Ранейшыя назвы Natco Fine Pharmaceutical Ltd
Краіна
Размяшчэнне Хайдарабад, штат Тэлангана, Індыя
Адрас
Галіна Вытворчасць фармацэўтычных прэпаратаў
Падраздзяленні у Беларусі, Расіі, СНД прадстаўніцтваў і аддзяленняў не мае
Сайт natcopharma.co.in

Natco Pharma Ltd — індыйская фармацэўтычная кампанія, якая вырабляе актыўныя фармацэўтычныя інгрэдыенты[3].

Агульныя звесткі пра кампанію

[правіць | правіць зыходнік]

Асноўныя напрамкі работы — распрацоўка прэпаратаў для барацьбы з віруснымі (уключаючы гепатыт C) і анкалагічнымі захворваннямі.

Natco Pharma працуе ў Індыі, ЗША, Еўропе і Азіі. Даччыныя прадпрыемствы размяшчаюцца ў Паўночнай і Лацінскай Амерыцы, Азіяцка-Ціхаакіянскім рэгіёне, на Блізкім Усходзе і ў Паўднёва-Усходняй Азіі.

Першапачаткова кампанія называлася Natco Fine Pharmaceutical Ltd. Яна стала афіцыйна публічнай з ліпеня 1992 года. У лютым 1993 года змяніла сваю назву на Natco Pharma (NPL).[3]

Асартымент прадукцыі Natco Pharma Limited складае больш за 500 лекавых найменняў і пастаянна пашыраецца дзякуючы фундаментальных даследаванняў і супрацоўніцтве ў сферы тэхналогій[4].

NPL з’яўляецца вытворцам лекавых прэпаратаў для кампаній Ranbaxy і Parke Davis і ўладальнікам сертыфікацыі ISO 9002, якая дазваляе развіваць экспарт. Natco Pharma Ltd ініцыявала працэдуры рэгістрацыі прэпаратаў пад уласным брэндам больш чым у 20 краінах.

Для выхаду на амерыканскі рынак NPL сфармавала даччынае прадпрыемства Natco Pharma ў ЗША і ўступіла ў даследчае супрацоўніцтва з Рэгіянальнай даследчай лабараторыяй у Джаму, Цэнтрам клеткавай і малекулярнай біялогіі для сінтэтычных пептыдаў і Цэнтральным інстытутам даследаванняў скуры.

Natco Laboratories, Natco Parenterals і Karanth Pharmaceuticals аб’ядналіся з флагманскай кампаніяй NPL, каб забяспечыць вялікую базу актываў і павялічыць высокатэхналагічныя магчымасці[5].

Зарэгістраваны офіс знаходзіцца ў горадзе Хайдарабад, Індыя.

Кампанія пачала сваю дзейнасць у 1981 годзе. Сёння ў яе актыве ўласныя даследчыя цэнтры і больш за 4000 кваліфікаваных навукоўцаў. Прадукцыя NPL экспартуюцца ў ЗША, Аўстралію, Канаду, Бразілію, краіны Еўропы, краіны СНД, В’етнам, Ганконг, Кітай, Нідэрланды, Нігерыю, Танзанію і Кенію і інш.

Natco Pharma Limited мае сертыфікат Сусветнай арганізацыі аховы здароўя і вырабляе прадукцыю для кампаній Ranbaxy Laboratories Ltd., Eskayef Ltd., Parke Davis (I) Ltd., Fulford India Limited, Cadila Ltd., John Wyeth India Ltd., ICI Ltd. і SOL Pharmaceuticals Ltd.[6]

Natco Pharma Ltd вырабляе аналагі дарагіх вядомых, брэндавых лекавых сродкаў, робячы іх даступнымі для пацыентаў з нізкімі даходамі.

Зноскі

  1. ↑ Knowledge Graph — 2012. Праверана 25 студзеня 2021.
  2. ↑ Aligned ISNI and Ringgold identifiers for institutions // zenodo — 2017. — doi:10.5281/ZENODO.758080 Праверана 29 мая 2019.
  3. ↑ а б «Asia’s 200 Best Under A Billion 2017 RANKING». Інтэрнэт-выданне амерыканскага фінансава-эканамічнага часопіса «Forbes» («Форбс») (17.07.2017).
  4. ↑ «About Natco Pharma Ltd». Bloomberg.com - Афіцыйны сайт выдання фінансавай інфармацыі для прафесійных удзельнікаў фінансавых рынкаў.
  5. ↑ «NATCO PHARMA LTD. (NATCOPHARM) - COMPANY HISTORY». business-standard.com, афіцыйны сайт газеты Business Standard.
  6. ↑ «Company History — Natco Pharma Ltd». The Economic Times, афіцыйны сайт штодзённай газеты.

Спасылкі

[правіць | правіць зыходнік]