Orgyia antiqua — від матылькоў падсямейства ваўнянкі (Lymantriinae), шырока распаўсюджаны ў Еўропе і Канадзе. У прадстаўнікоў гэтага віду вельмі ярка выяўлены палавы дымарфізм.
Здольнасць да палёту ў гэтых матылькоў назіраецца толькі ў мужчынскіх асобін. Размах крылаў самцоў ад 2,5 да 3,5 см; крылы жаўтлява-карычневага колеру з белымі плямамі. Самкі не маюць здольнасці да палёту, але ў іх захоўваюцца маленькія крылцы (як рудыменты) белага колеру. Самі самкі буйней самцоў, шэрага колеру і пакрытыя белымі валасінкамі.
У перыяд размнажэння самка адкладае 200—400 яек, і гіне адразу пасля кладкі. Вусені цёмнага колеру, з чырвонымі плямамі; маюць 4 жоўтых чубка на спіне, і адзін рыжаватага колеру на галаве. Знешні выгляд вусеняў адпужвае патэнцыйных драпежнікаў, папярэджваючы іх аб уласнай неядомасці. Звычайна самцы ў гэты перыяд дасягаюць даўжыні да 3 см, самкі — да 4,5.
Першапачаткова від быў шырока распаўсюджаны па ўсёй Еўропе, аднак у наш час калоніі гэтых матылькоў былі выяўленыя ў Паўночнай Афрыцы, Сібіры і Канадзе.
Практычна не маюць ворагаў у жывой прыродзе.
Паколькі гусеніцы гэтых насякомых сілкуюцца лісцем дрэў, яны з'яўляюцца шкоднікамі раслін. Сродкамі барацьбы з'яўляецца ручны збор вусеняў і інсектыцыраванне.
Зноскі
Самец і самка
Вусень
