Otokar Arma

Otokar Arma
Краіна паходжання
Вытворца Otokar[d]
Дызайнер Otokar[d]

Otokar Arma — турэцкі колавы модульны бронетранспарцёр[1].

Апісанне

[правіць | правіць зыходнік]

Распрацоўшчык і вытворца — кампанія «Otokar». Распрацоўка бронетранспарцёра была пачата ў 2007 годзе. У залежнасці ад мадыфікацыі, можа мець тры ці чатыры восі. Колавая формула: 6 × 6 і 8 × 8.

Платформа аўтамабіля з колавай формулай 6х6 была ўпершыню прадстаўлена на выставе Eurosatory 2010 у Парыжы ў чэрвені 2010 года. БТР можа перавозіць да 10 чалавек, уключаючы камандзіра, вадзіцеля і васьмярых салдат. Здольны ўплаў перасякаць рэкі.

Бронетранспарцёр валодае гнуткай мабільнасцю і забяспечвае высокі ўзровень супрацьміннай і балістычнай абароны. Корпус цалкам абаронены ад біялагічнай і хімічнай зброі. Унутры ўстаноўлены спецыяльныя сядзенні, якія разам з дарожным прасветам у 425 мм памяншаюць негатыўныя ўздзеянні на экіпаж і дэсант ад падрыву мін.

Arma можа перасоўвацца на спушчаных шынах і ў стандартнай камплектацыі таксама абсталяваны цэнтральнай сістэмай падпампоўкі колаў.

Бранявік распрацаваны па модульнай схеме, што дае магчымасць ствараць розныя мадыфікацыі, у залежнасці ад патрабаванняў ваенных розных краін свету. Напрыклад, УС Бахрэйна купілі Arma ў канфігурацыі 6 × 6, а не 8 × 8. Баявая машына пяхоты Rabdan арміі ААЭ — гэта адзін з варыянтаў, на якім устаноўлена вежа для расійскай БМП-3. Казахская мадыфікацыя атрымала дыстанцыйна кіраваны модуль з 30-мм гарматай 2А42 і 7.62-мм кулямётам.

Магчыма ўсталяванне СТКР. Узровень браніравання машыны таксама залежыць ад пажаданні заказчыкаў.

Тэхнічныя характарыстыкі

[правіць | правіць зыходнік]
  • Экіпаж (дэсант), чал. — 2 (8)
  • Баявая маса, кг — 18500
  • Габарытныя памеры, мм: даўжыня — 6428, шырыня — 2708, вышыня — 2223, дарожны прасвет — 425
  • Браніраванне, мм — 12,5
  • Узбраенне — 1 x 12,7-мм кулямёт
  • Рухавік — турбадызель з вадзяным астуджэннем, магутнасцю 450 к. с
  • Удзельную магутнасць, к. с./т — 24,3
  • Максімальная хуткасць па шашы, км/г — 105
  • Запас ходу па шашы, км — 700
  • Пераадольваюцца перашкоды: пад’ём, град. — 60; сценка, м — 0,6; роў, м — 1,2; брод, м — плавае[2]

Крыніцы

[правіць | правіць зыходнік]
  1. ↑ ОТОКАР АРМА (OTOKAR ARMA). Архівавана з першакрыніцы 11 мая 2021. Праверана 1 сакавіка 2021.
  2. ↑ Бронетранспортер Otokar ARMA. Архівавана з першакрыніцы 16 мая 2021. Праверана 1 сакавіка 2021.

Спасылкі

[правіць | правіць зыходнік]