TeX
| TeX (Тэх) | |
|---|---|
 | |
| Тып | камп'ютарная вёрстка |
| Аўтар | Дональд Эрвін Кнут |
| Распрацоўшчык | Дональд Кнут |
| Напісана на | першапачаткова WEB |
| Аперацыйная сістэма | кросплатформавая |
| Першы выпуск | 1978 |
| Апошняя версія | 3.1415926 (сакавік 2008) |
| Стан | падтрымліваецца |
| Ліцэнзія | ліберальная |
| Сайт | tug.org |
 Медыяфайлы на Вікісховішчы | |
TeX (чытаецца як Тэх; ад грэч. τέχνη — «мастацтва», «майстэрства»)[1] — сістэма камп'ютарнай вёрсткі, задуманая і ў значнай ступені распрацаваная Дональдам Кнутам[2], выпушчаная ў 1978. Унутры самой сістэмы вёрсткі яе імя фарматуецца як ΤΕΧ.
Разам з мовай апісання шрыфтоў METAFONT і сямействам гарнітур Computer Modern, TeX распрацоўваўся з дзвюма галоўнымі мэтамі: каб кожны мог ствараць высакаякасныя кнігі, прыкладаючы разумны мінімальны аб'ём намаганняў, а таксама стварэнне сістэмы, вынік працы якой быў бы аднолькавы на ўсіх камп'ютарах, цяперашніх і будучых.[3]
TeX — распаўсюджаны сродак, з дапамогай якога набіраюцца складаныя матэматычныя формулы; TeX лічыцца адной з самых складаных лічбавых тыпаграфскіх сістэм у свеце.[4] TeX шырока выкарыстоўваецца ў навуковым свеце, асабліва ў матэматыцы, камп'ютарных навуках, фізіцы, статыстыцы, эканоміцы, тэхнічных навуках. TeX выкарыстоўваецца і для многіх іншых задач вёрсткі, часцей за ўсё ў выглядзе LaTeX'а і іншых пакетаў шаблонаў.
TeX — свабоднае праграмнае забеспячэнне.
Зноскі
- ↑ TeX Frequently Asked Questions — question label «TeXpronounce» Архівавана 3 сакавіка 2012.
- ↑ Пэр Бознер (памочнік Кнута) разважае аб аўтарстве (англ.).
- ↑ Gaudeul, Alexia (27 March 2006). "Do Open Source Developers Respond to Competition?: The (La)TeX Case Study". SSRN 908946.
{{cite journal}}: Шаблон цытавання journal патрабуе|journal=(даведка) - ↑ Yannis Haralambous. Fonts & Encodings (Translated by P. Scott Horne). Beijing; Sebastopol, Calif: O’Reilly Media, 2007, pp. 235.