Urbi et Orbi

Папа Бенедыкт XVI абвяшчае Urbi et Orbi на свята Нараджэння Хрыстова 2008 года

Urbi et Orbi — літаральна, «Гораду (Рыму) і Свету» — назва ўрачыстага папскага блаславення.

З выраза Urbi et Orbi пачыналіся важныя абвяшчэнні ў Старажытным Рыме[1]. Звычай урачыста прамаўляць папскае блаславенне з нагоды асабліва значных падзей сфарміраваўся да XIII стагоддзя.

У сучаснай практыцы Папа штогод абвяшчае Urbi et Orbi двойчы: на святы Нараджэння Хрыстова і Вялікдня. Апроч гэтага, Папа прамаўляе Urbi et Orbi падчас цырымоніі сваёй інтранізацыі пасля абрання, пры абвяшчэнні юбілейнага года і ў рэдкіх выпадках для блаславення паломнікаў[1].

На святы Раства і Вялікдня Папа Рымскі прамаўляе Urbi et Orbi з цэнтральнага балкона базілікі Святога Пятра. Уласна перад тэкстам блаславення абвяшчаецца папскага пасланне з нагоды свята, а таксама віншаванне вернікам ва ўсім свеце на розных мовах (у віншаваннях Яна Паўла II і Бенедыкта XVI колькасць моў магла перавышаць 60)[2].

Раней існавала практыка выкладаць папскае блаславенне «Гораду і Свету» ў дзень святых апосталаў Пятра і Паўла (у базіліцы Святога Пятра) і на святы Узнясення Гасподняга (у Латэранскай базіліцы) і Унебаўзяцця (у базіліцы Санта-Марыя-Маджорэ), аднак яна была спынена ў 1870 годзе пасля ліквідацыі Папскай дзяржавы[3]. Атрыманне папскага блаславення Urbi et Orbi можа даваць магчымасць для атрымання індульгенцыі[4].

Тэкст блаславення на латыні:

Sancti Apostoli Petrus et Paulus, de quorum potestate et auctoritate confidimus, ipsi intercedant pro nobis ad Dominum.

Amen.

Precibus et meritis beatæ Mariae semper Virginis, beati Michaelis Archangeli, beati Ioannis Baptistæ et sanctorum Apostolorum Petri et Pauli et omnium Sanctorum misereatur vestri omnipotens Deus et dimissis omnibus peccatis vestris, perducat vos Iesus Christus ad vitam æternam.

Amen.

Indulgentiam, absolutionem et remissionem omnium peccatorum vestrorum, spatium verae et fructuosae penitentiæ, cor semper penitens et emendationem vitae, gratiam et consultationem sancti Spiritus et finalem perseverantiam in bonis operibus, tribuat vobis omnipotens et misericors Dominus.

Amen.

Et benedictio Dei omnipotentis: Patris et Filii et Spiritus sancti descendat super vos et maneat semper.

Amen.

Зноскі

  1. ↑ а б «Urbi et Orbi» // Католическая энциклопедия. Т.5. М.:2013. Ст. 893—894
  2. ↑ Папа Рымскі павіншаваў з Раством на 65 мовах
  3. ↑ «Apostolic Blessing» //Catholic Encyclopedia. 1913
  4. ↑ Enchiridion indulgentiarum. 2002