Yikono
| Yikono | |
|---|---|
| Краіна | |
| Тып арганізацыі | праваабарончая арганізацыя |
| Афіцыйная мова | тыгрынья |
| Кіраўнікі | |
| Сузаснавальнікі | Цэдзіна Абадзі і Меаза Гідэй |
| Заснаванне | |
| Дата заснавання | 2019 |
Yikono, Ікана (з тыгрынья: «досыць»[2][3]) — жаночая праваабарончая арганізацыя, якая выступая супраць гендэрнага гвалту. Базуецца ў рэгіёне Тыграй у Эфіопіі[4].
Стварэнне
[правіць | правіць зыходнік]Стварэнне Yikono была справакавана лістападаўскім сходам ратушы ў Адзі-Даэра ў 2019 годзе, на якім жанчына распавяла прысутным аб згвалтаванні паліцыянтам 14 гадоў таму. Дзве іншыя жанчыны заявілі на той жа сустрэчы, што паліцэйскі займаўся з імі сексам, абяцаючы ажаніцца. У Адзі-Даэра прайшоў марш пратэсту ў падтрымку ахвяр гвалту ў адносінах да жанчын, стымулюючы грамадскія дэбаты ў рэгіёне Тыграй. Моладзевыя групы арганізавалі аналагічны марш у Мэкэле, сталіцы рэгіёну Тыграй, заклікаючы ўрад прыняць меры па прадухіленні гвалту ў адносінах да жанчын. Анлайн-кампанія ў сацыяльных сетках разам з маршам ператварылася ў стварэнне арганізацыі Yikono[2].
Кіраўніцтва
[правіць | правіць зыходнік]Сузаснавальнікамі Yikono з’яўляюцца Цэдзіна Абадзі і Меаза Гідэй[4][5]. Членамі арганізацыі з’яўляюцца як жанчыны, так і мужчыны[2].
Дзейнасць
[правіць | правіць зыходнік]Yikono імкнецца да гендэрнай роўнасці, павялічваючы дасведчанасць аб гвалце ў адносінах да жанчын і дапамагаючы тым, хто знаходзяцца ў небяспецы, каб аднавіць сваё жыццё і стаць фінансава незалежнымі[5].
Арганізацыя ў асноўным вядзе сваю дзейнасць на тыгрынья, асноўнай мове, на якой кажуць у рэгіёне Тыграй, і галоўнай мове Эрытрэі, абмяркоўваючы праблемы сексуальных дамаганняў і сексуальнага гвалту ў кантэксце мясцовай культуры[2].
Падчас пандэміі COVID-19 Yikono дапамагала ствараць надзвычайныя прытулкі для ўразлівых жанчын[5]. Адзін прытулак, разлічаны на 50 жанчын і дзяцей, быў створаны 27 красавіка 2020 года пры падтрымцы Універсітэта Мэкэле, Тыграйскага філіяла арганізацыі сацыяльнага абслугоўвання, Аховы здароўя і развіцця (OSSHD) і цэнтрам дапамогі Midre'genet. Па стане на 9 мая, у прытулку знаходзіліся трынаццаць жанчын і восем дзяцей. Жанчыны былі камерцыйнымі секс-працаўніцамі, прыбіральніцамі і кухарамі, якія працавалі ў барах і гасцініцах, будучы не здольнымі плаціць арэндную плату з-за надзвычайнага становішча ў рэгіёне Тыграй, паколькі падчас пандэміі былі зачынены бары і начныя клубы[4].
У лютым 2021 года на фоне баявых дзеянняў ў Тыграі Вейні Абраха з Yikono дала інтэрв’ю Бі-бі-сі аб сексуальным гвалце ў рэгіёне. Яна заявіла, што ў Мэкэле байцамі эфіопска арміі было згвалтавана шмат жанчын. На думку Вейні, гэта робіцца каб зламаць маральны дух насельніцтва, запалохаць яго і прымусіць мясцовых баевікоў адмовіцца ад барацьбы супраць урада[3].
Зноскі
[правіць | правіць зыходнік]- ↑ https://archive.today/a2YOh
- ↑ а б в г #Yikono Campaign Gives Ethiopian Women The Language to Challenge Violence. African Feminism (5 сакавіка 2020). Архівавана з першакрыніцы 13 лютага 2021. Праверана 21 лютага 2021.
- ↑ а б "Ethiopia's Tigray crisis: 'I lost my hand when a soldier tried to rape me'". BBC News. 2021-02-15. Архівавана з арыгінала 2021-02-15. Праверана 2021-02-15.
{{cite news}}: Неадпаведнасць часу ў|archive-date=/|archive-url=; прапануецца 2021-02-16 (даведка) - ↑ а б в Gebreamlak, Hagos (2020-05-09). "Temporary shelter for homeless opens in Meqelle". Addis Fortune. Архівавана з арыгінала 2021-02-21. Праверана 2021-02-21.
- ↑ а б в A Call For Peace: Helping Ethiopian, Tigray Refugee Women & Girls in Crisis(недаступная спасылка). UN Women USA (2020). Архівавана з першакрыніцы 6 сакавіка 2021. Праверана 23 лютага 2021.