Іаан IV Поснік

Іаан IV Поснік
грэч. Ιωάννης Δ΄ Νηστευτής
Канстанцінопальскі патрыярх 582 — 595
Папярэднік	Еўтыхій
Пераемнік	Кірыяк
Дзейнасць	святар
Нараджэнне	VI стагоддзе Канстанцінопаль, Візантыя
Смерць	2 верасня 595 Канстанцінопаль, Візантыя
Медыяфайлы на Вікісховішчы

Іаан IV Поснік (памёр у 595) — Канстанцінопальскі патрыярх у 582—595 гг. Шануецца як святы у ліку свяціцеляў, памяць у Праваслаўнай царкве 30 жніўня і 2 верасня (па юліянскім календары), у Каталіцкай царкве 2 верасня.

Сын бедных бацькоў; хацеў займацца якім-небудзь рамяством і не атрымаў школьнай адукацыі, але, пад уплывам аднаго манаха, стаў строгім аскетам-поснікам і быў пасвечаны ў дыяканы. Абраны ў патрыярхі, ён жадаў было выратавацца ад гэтага сану ўцёкамі, але быў утрыманы. Адрозніваўся асаблівай любоўю да бедных і сам заставаўся ўсё жыццё бедняком. Яго называлі умяшчальняй дабрадзейнасцей.

Іаан Поснік першым стаў ужываць у дачыненні да сваёй кафедры назву «Усяленскі Патрыярхат», чым выклікаў рэзкую крытыку з боку Папы Рымскага Св. Рыгора I Вялікага (Рыгора Дваяслова), які ў процівагу яму прыняў тытул «Раб Рабоў Божых» («servus servorum Dei»), які захоўваецца за Папамі дагэтуль.

Сачыненні

• «Пра пакаянне» — павучанне пра распазнанне і адрозніванне грахоў;
• «Пра споведзь» — павучанні пра тое, як паступаць святару з тым, хто каецца (суровыя правілы Васіля Вялікага пра епітым’і тут значна саслаблены);
• «Пасланне да Дзевы, якая прысвяціла сябе Богу»;
• «Пра лжэпрарокаў і настаўнікаў».

Акрамя таго ў рукапісе вядомыя яго сачыненні «Пра выхад душы» і «Пра літургію».

Зноскі

Літаратура

• Барсов Н. И., Болдаков И. М. Иоанн, константинопольские патриархи // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Іаан IV Поснік
• Святы Іаан IV Поснік, Патрыярх Канстанцінопальскі на сайце Праваслаўе.Ru