Іван Андрэевіч Ургант

Іван Ургант
руск.: Иван Андреевич Ургант
Імя пры нараджэнні Иван Андреевич Ургант
Дата нараджэння 16 красавіка 1978(1978-04-16) (46 гадоў)
Месца нараджэння
Грамадзянства Сцяг Расіі Расія
Бацька Андрэй Львовіч Ургант[d]
Маці Валерыя Іванаўна Кісялёва[d]
Жонка Наталля Аўтандзілаўна Кікнадзэ[d]
Адукацыя
Месца працы
Прафесія акцёр, тэлевядучы, вядучы, музыкант, радыёвядучы, шоўмен, тэлепрадзюсар, кінапрадзюсар, рэжысёр, сцэнарыст, гумарыст, спявак, мульціінструменталіст, гітарыст
Узнагароды
Knight of the Order of the Star of Italy

ТЭФІ[d] (2007, 2009, 2010, 2011, 2014, 2015, 2016, 2019)

Ніка[d] (2009)
IMDb ID 1679435
ivanurgant.com
ivan-urgant.ru
grishaurgant.ru
Лагатып Вікісховішча Медыяфайлы на Вікісховішчы
У Вікіпедыі ёсць артыкулы пра іншых людзей з прозвішчам Ургант.

Іва́н Андрэ́евіч У́ргант (нар. 16 красавіка 1978, Ленінград, СССР) — расійскі акцёр, тэлевядучы, музыкант, шоўмен.

Біяграфія

[правіць | правіць зыходнік]

Нарадзіўся ў сям’і акцёраў Андрэя Львовіча Урганта і Валерыі Іванаўны Кісялёвай (7 красавіка 1951[1] — 1 лютага 2015). Унук акцёраў Ніны Ургант і Льва Міліндэра. Пасля разводу бацькоў жыў з маці і айчымам — ленінградскім акцёрам Дзмітрыем Ладыгіным (нар. 1955).

Вучыўся ў ленінградскай Дзіцячай музычнай школе № 18, у гімназіі пры Дзяржаўным Рускім музеі. Скончыў Санкт-Пецярбурскую акадэмію тэатральнага мастацтва. Яшчэ падчас вучобы ў акадэміі Ургант разам з Алісай Фрэйндліх у ДАВДТ імя Г. Таўстаногава сыграў у спектаклі «Макбет», у якім ён атрымаў ролю стражніка № 12[2].

Пасля атрымання акцёрскай адукацыі Іван не стаў займацца тэатрам як асноўнай прафесіяй. У першую чаргу маладому чалавеку прыйшлося зарабляць грошы, таму спачатку ён працаваў афіцыянтам, барменам, а затым і вядучым начных шоу ў клубах пад псеўданімам Жан-Мішэль. У 1999 годзе Урганту ўдалося атрымаць працу на пецярбурскіх радыёстанцыях. Акрамя гэтага, ён выступаў і на тэлебачанні, быў вядучым праграмы «Пецярбурскі кур’ер» на Пятым канале. У далейшым яго чакаў пераезд у Маскву і працяг кар’еры на радыё — спачатку на «Рускім радыё», а затым на «Хіт-ФМ». Праз некаторы час Іван з’явіўся і на маскоўскім тэлебачанні — на канале MTV. З гэтага моманту папулярнасць не пакідала Івана Урганта[2].

У розныя гады Іван быў тэлевядучым у праграмах «Смак», «Пражэктарперысхілтан», «Вялікая розніца». У цяперашні час з’яўляецца тэлевядучым «Вячэрні Ургант»[3] на Першым канале[2].

Музыка

[правіць | правіць зыходнік]

У канцы 90-х выступаў пад псеўданімам Внуук. У 1998 годзе выпусціў альбом «Зорка», распрацаваны з Максімам Леанідавым. З 2011 года ўзнавіў пеўчую кар’еру, выступае пад псеўданімам «Grisha Urgant».

Дыскаграфія

[правіць | правіць зыходнік]
  • 1998 — «Зорка», разам з Максімам Леанідавым

Захапленні

[правіць | правіць зыходнік]

Фатограф-аматар. Музыкант-мультыінструменталіст: іграе на гітары, фартэпіане, блок-флейце і ўдарных.

Сям’я

[правіць | правіць зыходнік]
  • Бацька — Андрэй Львовіч Ургант (нар. 1956).
  • Маці — Валерыя Іванаўна Кісялёва (1951—2015).
  • Брат — Рыгор Андрэевіч Ургант (нар. 1978).
  • Дзед — Леў Максімавіч Міліндэр (1930—2005).
  • Бабуля — Ніна Мікалаеўна Ургант (1929—2021).
  • Прадзед — Мікалай Андрэевіч Ургант, эстонец, афіцэр НКУС[4][5].
  • Адзінакроўная сястра Марыя (нар. 1984)[6].
  • Адзінаўтробныя сёстры Валянціна (нар. 1983) і Аляксандра (нар. 1988) Ладыгіны.
  • Першая жонка — Карына Ургант (дзявочае прозвішча: Аўдзеева) (нар. 1974)[7][8].
  • Незарэгістраваны шлюб з Таццянай Геваркян (нар. 1974), тэлевядучай MTV. Пражылі разам амаль 5 гадоў[8][9].
  • Другая жонка — Наталля Аўтандзілаўна Кікнадзэ (нар. 5 сакавіка 1978), з якой Іван вучыўся ў гімназіі пры Рускім музеі ў Санкт-Пецярбургу[8].
    • пасерб Ніко (сын Наталлі ад першага шлюбу; нар. 19 лютага 1997 года).
    • падчарка Эрыка (дачка Наталлі ад першага шлюбу; нар. 18 жніўня 2000 года).
    • дачка Ніна (нар. 15 мая 2008 года). Назвалі ў гонар бабулі Івана, актрысы Ніны Ургант.
    • дачка Валерыя (нар. 21 верасня 2015 года). Назвалі ў памяць пра маці Івана, актрысу Валерыю Кісялёву.

Зноскі

  1. ↑ Валерия Киселева — биография — российские актрисы — Кино-Театр. РУ
  2. ↑ а б в Иван Ургант // cosmo.ru
  3. ↑ О нас — Вечерний Ургант — Первый канал канал
  4. ↑ Нина Ургант, Три кошки и двое мужчин, 2009 — Документальное кино (руск.). 1tv.ru. Первый канал. Архівавана з першакрыніцы 19 красавіка 2013. Праверана 18 красавіка 2013.
  5. ↑ Игорь BIN.. Ургант Нина Николаевна (руск.). rusactors.ru. Архівавана з першакрыніцы 19 красавіка 2013. Праверана 18 красавіка 2013.
  6. ↑ Коробка С.. Отец Ивана Урганта: Родим сыну сестричку (руск.)(недаступная спасылка). blik.ua; archive.org (1 снежня 2010). Архівавана з першакрыніцы 4 снежня 2010. Праверана 18 красавіка 2013.
  7. ↑ Емельянова О.. Амурные тайны семьи Ургантов (руск.). «Экспресс газета» (eg.ru) (6 красавіка 2011). Праверана 18 красавіка 2013.
  8. ↑ а б в Мурашкина Л.. Тайная жена Ивана Урганта (руск.). kp.ru (11 чэрвеня 2009). Архівавана з першакрыніцы 19 красавіка 2013. Праверана 18 красавіка 2013.
  9. ↑ Биографии звёзд на Cosmo.ru: Таня Геворкян (руск.). Архівавана з першакрыніцы 3 ліпеня 2012. Праверана 29 чэрвеня 2017.

Спасылкі

[правіць | правіць зыходнік]