Ігар Матовіч (славацк.: Igor Matovič; нар. 11 мая 1973, Трнава) — славацкі дзяржаўны дзеяч, прэм’ер-міністр Славакіі з 21 сакавіка 2020 да 30 сакавіка 2021. Заснавальнік і лідар права-кансерватыўнай партыі «Звычайныя людзі». Дэпутат Нацыянальнага савета з 12 чэрвеня 2010 года па выніках парламенцкіх выбараў 12 чэрвеня 2010 года, у якіх удзельнічаў у спісе «Свабоды і салідарнасці» (SaS)[4]. Партыя Ігара Матовіча «Звычайныя людзі» перамагла на парламенцкіх выбарах 29 лютага 2020 года[5][6]. На фоне ўрадавага крызісу з-за закупак расійскай вакцыны «Спадарожнік V» 30 сакавіка 2021 года сышоў у адстаўку, Зузана Чапутава даручыла сфармаваць новы ўрад міністру фінансаў Эдуарду Хэгеру.