Іудзіна пакаленне

Пакаленні Ізраіля
Пакаленні Рувім Сімяон Левій Іуда Дан Нефілім Гад Асір Ісахар Зевулон Іосіф Манасія Ефраім Веніямін
Звязаныя тэмы Пакаленні Ізраіля Удзелы пакаленняў Ізраіля Дзесяць згубленых пакаленняў
глядзець размовы правіць

Іудзіна пакаленне — паводле біблейскага падання, сваю радаслоўную вядзе ад Іуды, чацвёртага сына патрыярха Якава ад Ліі. Іуда (Іегуда) у перакладзе азначае «пахвала» або «слава Богу». Імя гэта было надзвычай папулярным у яўрэйскай гісторыі. Першапачатковыя звесткі пра Іуду ў Бібліі надзвычай скупыя. Вядома толькі, што хоць ён і падзяляў з іншымі сваімі братамі нянавісць да Іосіфа, сына сваёй цёткі Рахілі, другой жонкі Якава, аднак быў больш памяркоўны і спагадлівы і параіў братам лепш прадаць Іосіфа праезжым купцам, чым забіць. 3 яго племені ў Бібліі выводзіцца радаслоўная Ісуса Хрыста. Калі пасля смерці цара Саламона адбыўся падзел яго царства, Іудзіна пакаленне стварыла асобнае Іўдзейскае царства, якое займала паўднёвую Палесціну са сталіцай Іерусалімам і праіснавала да заваявання яго Навухаданосарам II у 586 да н.э.^[1]

Зноскі

1. Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — С. 165. — 207 с.: іл. ISBN 5-343-00151-3.

Літаратура

• Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — С. 165. — 207 с.: іл. ISBN 5-343-00151-3.