Адам Стэфанаў

Адам Стэфанаў
Снукер
Снукер
польск.: Adam Stefanów
Фота
 
Дата нараджэння: 22 сакавіка 1994(1994-03-22) (30 гадоў)
Месца нараджэння: Польшча
Грамадзянства:  Польшча
Прызавыя грошы: > £2,000
Найвышэйшая серыя: 96 (German Masters 2017 (квал.))
Колькасць соценных серый: 0
Лепшы рэйтынгавы вынік: 1/32 фіналу
(Рыга Мастэрс 2016,
German Masters 2017)

Адам Стэфанаў (польск.: Adam Stefanów, 22 сакавіка 1994) — польскі непрафесійны гулец у снукер. Удзельнік 1/32 фіналу рэйтынгавых Рыга Мастэрс 2016 года і German Masters 2017 года.

У 2008 годзе дайшоў да 1/16 фіналу чэмпіянату Еўропы сярод гульцоў ва ўзросце да 19 гадоў, пасля чаго паўтарыў гэтае дасягненне ў 2009 і 2010 гадах. У 2010 годзе ва ўзросце 16 гадоў дэбютаваў на прафесійным турніры, прыняўшы ўдзел на двух турнірах серыі Players Tour Championship. У 2011 годзе дайшоў да 1/8 фіналу чэмпіянату Еўропы сярод гульцоў да 21 года, паўтарыўшы гэтае дасягненне ў 2013 годзе, а ў 2012 годзе дайшоў да 1/8 фіналу чэмпіянату свету ў той жа ўзроставай катэгорыі. У 2014 годзе у трэці раз прайшоў у асноўную стадыю нізкарэйтынгавага турніру PTC і ўдзельнічаў у Q-School, дайшоўшы да 1/16 фіналу аднаго з турніраў, а ў 2015 годзе стаў чэмпіёнам Польшчы сярод аматараў і дайшоў да чвэрцьфіналу чэмпіянату Еўропы сярод гульцоў да 21 года. У 2016 годзе дайшоў да чвэрцьфіналу чэмпіянату Еўропы сярод аматараў і да асноўнай стадыі нізкарэйтынгавага турніру ў Гдыні, пасля чаго паспяхова выступіў у Q-School, дайшоўшы да 1/8 фіналу на першым турніры і да 1/16 фіналу на другім, што дало яму права выступаць у многіх рэйтынгавых спаборніцтвах наступнага сезона ў якасці аматара. У пачатку сезона 2016/2017 атрымаў сваю першую перамогу ў рэйтынгавых спаборніцтвах, перамогшы гульца топ-32 Бэна Вуластана ў кваліфікацыі да Рыга Мастэрс і прайшоўшы ў 1/32 фіналу спаборніцтва. У кваліфікацыі да German Masters 2017 года перамог у яшчэ адным рэйтынгавым паядынку Мартына О'Донэла і ў другі раз дайшоў да 1/32 фіналу рэйтынгавага пяршынства.

Выступы на прафесійных снукерных турнірах

[правіць | правіць зыходнік]
Турнір 2016/
2017
Рэйтынг —[вт 1]
Рэйтынгавыя турніры П:П[вт 2]
Рыга Мастэрс 1/32 0:1[вт 3]
Адкрыты чэмпіянат Індыі 1/64 0:0
World Open 1/64 0:0
Пол Хантэр Класік ПК 0:0[вт 3]
Шанхай Мастэрс 1/64 0:0
Адкрыты чэмпіянат Англіі 1/64 0:1
Адкрыты чэмпіянат Паўночнай Ірландыі 1/64 0:1
Чэмпіянат Вялікабрытаніі 1/64 0:1
Адкрыты чэмпіянат Шатландыі 0:0
German Masters 1/32 0:0
Статыстыка выступаў на рэйтынгавых турнірах Вынік
Колькасць згуляных турніраў[вт 4] 4 4
Колькасць тытулаў 0 0
Колькасць выхадаў у фінал 0 0
Перамогі – Паразы[вт 2] 0:4 0:4



  1. ↑ Не з'яўляўся ўдзельнікам мэйн-тура.
  2. ↑ а б Лічацца толькі матчы, згуляныя ў асноўных стадыях турніраў (кваліфікацыйныя матчы не ўваходзяць у статыстыку).
  3. ↑ а б Лічацца толькі матчы, згуляныя ў рэйтынгавых розыгрышах турніру.
  4. ↑ Лічыцца колькасць турніраў, дзе гулец выступаў у асноўнай стадыі (турніры, дзе гулец прайграў у кваліфікацыі не ўваходзяць у статыстыку)

Спасылкі

[правіць | правіць зыходнік]