Адкрыты чэмпіянат Аўстраліі па снукеры
| Адкрыты чэмпіянат Аўстраліі | |
| Год заснавання: | 1979 |
|---|---|
| Арэна: | Стадыён Бендыга (з 2011 г.) |
| Горад: | Бендыга (з 2011 г.) |
| Краіна: | Аўстралія |
| Фармат: | Рэйтынгавы турнір (1989, з 2011 г.) |
| Прызавы фонд: | А$539,600 (2015) |
| Колькасць удзельнікаў: | 34 |
| Рэкорды | |
| Дзеючы чэмпіён: |  Джон Хігінс (другі тытул) |
| Рэкордная колькасць тытулаў: | 2:  Тоні Меа (1981, 1985) Джон Хігінс (1994, 2015)
|
| Апошні турнір | |
| Адкрыты чэмпіянат Аўстраліі 2015 | |
Адкрыты чэмпіянат Аўстраліі (англ.: Australian Goldfields Open) — прафесійны рэйтынгавы турнір па снукеры. З'явіўся ў календары мэйн-тура ў 1979 годзе як нярэйтынгавае спаборніцтва Аўстраліян Мастэрс. Турнір з перапынкамі праходзіў да 1995 года, пасля чаго толькі ў 2011 годзе вярнуўся ў снукерны каляндар у якасці рэйтынгавага турніру. З 2011 года турнір штогод праходзіць на Стадыёне Бендыга ў горадзе Бендыга. Адкрыты чэмпіянат Аўстраліі 2015 стаў першым рэйтынгавым турнірам у сезоне 2015/2016. Прызавы фонд турніру складае А$539,600.
У 2015 годзе турнір праходзіў на працягу сямі дзён у канцы чэрвеня і пачатку ліпеня, а ў нядзелю быў згуляны фінальны двубой спаборніцтва.
Рэкардсменамі па колькасці тытулаў адкрытага чэмпіяната Аўстраліі з'яўляюцца Тоні Меа, які перамагаў на турніры ў 1981 і 1985 гадах, калі ён яшчэ не быў рэйтынгавым, і Джон Хігінс, які выйграў нярэйтынгавы тытул у 1994 годзе і праз 21 год рэйтынгавы — у 2015 годзе.
