Адкрыты чэмпіянат ЗША па тэнісе 2012

Адкрыты чэмпіянат ЗША 2012
Тэрміны:	27 жніўня — 9 верасня 2012
Месца:	Нацыянальны тэнісны цэнтр Білі Джын Кінг
Горад:	Нью-Ёрк
Краіна:	ЗША
Пакрыццё:	Хард
Фармат:	Турніры Вялікага шлема
Агульны прызавы фонд:	$ 22,285,008
Пераможцы
Мужчынскі адзіночны разрад
Пераможца:	Эндзі Марэй
Фіналіст:	Новак Джокавіч
Лік:	7:6^(12:10), 7:5, 2:6, 3:6, 6:2
Жаночы адзіночны разрад
Пераможца:	Серэна Уільямс
Фіналістка:	Вікторыя Азаранка
Лік:	6:2, 2:6, 7:5
Мужчынскі парны разрад
Пераможцы:	Боб Браян / Майк Браян
Фіналісты:	Леандэр Паес / Радэк Штэпанек
Лік:	6:3, 6:4
Жаночы парны разрад
Пераможцы:	Раберта Вінчы / Сара Эрані
Фіналісткі:	Андрэа Главачкава / Люцыя Градэцкая
Лік:	6:4, 6:2
←2011 ● Адкрыты чэмпіянат ЗША ● 2013→

Адкрыты чэмпіянат ЗША 2012 (англ.: US Open 2012) — прафесійны тэнісны турнір, які праходзіў з 27 жніўня да 9 верасня 2012 года ў Нацыянальным тэнісным цэнтры Білі Джын Кінг у Нью-Ёрку, ЗША на хардавым пакрыцці. Чацвёртае і заключнае спаборніцтва з серыі Вялікага шлема ў 2012 годзе. Турнір стаў 132-м розыгрышам адкрытага чэмпіянату ЗША, які быў заснаваны ў 1881 годзе як Нацыянальны чэмпіянат ЗША і з таго часу праходзіць штогадова, з'яўляючыся адным з найстарэйшых тэнісных турніраў.

Дзеючымі чэмпіянамі ў адзіночных разрадах былі серб Новак Джокавіч і аўстралійка Саманта Стосур. Стосур саступіла ў чвэрцьфінале беларусцы Вікторыі Азаранка, а Джокавіч дайшоў да фіналу, дзе быў пераможаны Эндзі Марэем з Вялікабрытаніі, які выйграў свой першы турнір Вялікага шлема і стаў першым брытанцам, які дасягнуў гэтага з 1936 года, а таксама першым тэнісістам, які выйграў залаты медаль Алімпійскіх гульняў і адкрыты чэмпіянат ЗША у адным годзе. Чэмпіёнкай у жаночым адзіночным разрадзе ў чацвёрты раз у кар'еры стала амерыканка Серэна Уільямс, якая перамагла Азаранка ў фінальным паядынку і здабыла свой 15-ы тытул Вялікага шлема.

Спасылкі

• На Вікісховішчы ёсць медыяфайлы па тэме Адкрыты чэмпіянат ЗША па тэнісе 2012