Адрыян Браўэр

У Вікіпедыі ёсць артыкулы пра іншых людзей з прозвішчам Браўэр.

Адрыян Браўэр
Партрэт працы Ван Дэйка
Імя пры нараджэнні	Adriaen Brouwer
Дата нараджэння	1605/1606
Месца нараджэння	Аўдэнардэ^[d], акруга Аўдэнардэ^[d], Усходняя Фландрыя, Бельгія[1][2]^[…]
Дата смерці	1638(1638)
Месца смерці	Антверпен, Герцагства Брабант, Габсбургскія Нідэрланды[1][2]^[…]
Месца пахавання	Антверпен
Грамадзянства	Паўднёвыя Нідэрланды
Род дзейнасці	мастак, графік, архітэктурны чарцёжнік, дзеяч выяўленчага мастацтва
Жанр	жанравы жывапіс[3][4], пейзаж[4] і партрэт[4]
Мастацкі кірунак	барока[5]
Заступнікі	Рубенс
Уплыў на	Тэнірс, Карнеліс Сафтлевен
Член у	Антверпенская гільдыя Святога Лукі^[d][6]
Медыяфайлы на Вікісховішчы

Адрыян Браўэр (1605 ці 1606, г. Аўдэнардэ, Бельгія — 1 лютага 1638) — фламандскі жывапісец. Майстар бытавога жанру і пейзажа. Прадстаўнік дэмакратычнага кірунку ў мастацтве фламандскага барока.

Біяграфічныя звесткі

Вучыўся ў Бруселі. У 1621 пераехаў у Галандыю, з 1631 у Харлеме, у 1631 жыў у Антверпене. Пісаў пераважна сцэны з народнага побыту. У сувязі з нявысветленымі абставінамі дзейнасці мастака большасць яго твораў датуецца адносна.

Творчасць

«Сцэна ў шынку». 1630-ыя г.

Творчасць Адрыяна Браўэра вызначаецца самабытнасцю мастацкай мовы. Ён ствараў невялікія па памерах карціны і звычайна паказваў у іх людзей з нізоў грамадства. Гэта гулякі, п'яніцы, карцёжнікі — вясковы і гарадскі плебс. Аднак у адрозненне ад Пітэра Брэйгеля, які таксама выяўляў прасталюдзінаў, героі твораў Браўэра паказаны ў канкрэтных сітуацыях, яны больш індывідуальныя і характарныя, а выявы пазбаўлены шырыні і панарамнасці трактовак.^[7] У карцінах «Бойка за картамі», «Сцэна ў шынку», «Горкія лекі», «Бойка», «Гулякі» (названыя работы адносяцца да 1630-ых г.) Браўэр паказвае людзей, зломленых нястачай, горам, грубых і нястрыманых у праяўленні сваіх схільнасцей. Карціны вызначаюцца гратэскавасцю вобразаў, сарказмам, тэмпераментам.

Сярод яго пейзажаў «Дзюны», «Пейзаж з усходам месяца». А. Браўэр — адзін з лепшых каларыстаў XVII ст.^[8]

Галерэя

• 
  Бойка. 1630-1640. Музей выяўленчых мастацтваў імя А. С. Пушкіна. Масква
• 
  Горкі напой. 1630-1640. Мастацкі інстытут Штэдэля. Франкфурт-на-Майне
• 
  Бойка сялян пры гульні ў карты. 1630-1640. Карцінная галерэя. Дрэздэн
• 
  Сяляне, гульцы ў карты. 1630-1640. Старая Пінакатэка. Мюнхен

Зноскі

1. http://www.getty.edu/vow/ULANFullDisplay?find=adrien+brower&role=&nation=&prev_page=1&subjectid=500012394
2. Union List of Artist Names
   <a href="https://wikidata.org/wiki/Track:Q110250907"></a><a href="https://wikidata.org/wiki/Track:Q2494649"></a>
3. Метраполітэн-музей — 1870.
   <a href="https://wikidata.org/wiki/Track:Q160236"></a>
4. RKDartists
   <a href="https://wikidata.org/wiki/Track:Q17299517"></a>
5. Adriaen Brouwer // Encyclopædia Britannica
   <a href="https://wikidata.org/wiki/Track:Q5375741"></a>
6. Liggeren
   <a href="https://wikidata.org/wiki/Track:Q6545909"></a>
7. Лазука (2010)
8. Шунейка (1996)

Літаратура

• Лазука Б. Гісторыя сусветнага мастацтва. XVII — XVIII стагоддзі / Б.А.Лазука. — Мн.: Беларусь, 2010. ISBN 978-985-01-0899-9
• Шунейка Я. Браўэр // БЭ ў 18 т. Т. 3. — Мн.: БелЭн, 1996.

Спасылкі

• На Вікісховішчы ёсць медыяфайлы па тэме Адрыян Браўэр