Адыль Рамі

Адыль Рамі
Агульная інфармацыя
Нарадзіўся	27 снежня 1985(1985-12-27)[1][2]^[…] (39 гадоў) Бастыя, дэпартамент Верхняя Корсіка, рэгіён Корсіка, Метраполія Францыі, Францыя
Грамадзянства	Францыя  Марока
Рост	190 см
Вага	88 кг
Пазіцыя	цэнтральны абаронца
Маладзёжныя клубы
1994—2003 Фрэжус
Клубная кар’ера[* 1]
2003—2006 Фрэжус 58 (0) 2006—2011 Ліль 140 (9) 2011—2014 Валенсія 61 (2) 2011 →  Ліль 12 (0) 2014 →  Мілан 18 (3) 2014—2015 Мілан 21 (1) 2015—2017 Севілья 49 (0) 2017—2019 Алімпік Марсель 49 (2) 2019—2020 Фенербахчэ 1 (0) 2020 Сочы 0 (0) 2020—2021 Баавішта 22 (0) 2021—2023 Труа 37 (0)
Нацыянальная зборная[* 2]
2008 Францыя B 1 (0) 2010—2018 Францыя 36 (1)
Узнагароды і медалі
Чэмпіянаты свету Золата Расія 2018 Чэмпіянаты Еўропы Срэбра Францыя 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 чэрвеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 27 жніўня 2019
Медыяфайлы на Вікісховішчы

Адыль Рамі (фр.: Adil Rami; нар. 27 снежня 1985, Бастыя, Корсіка, Францыя) — французскі футбаліст мараканскага паходжання, абаронца. Ігрок нацыянальнай зборнай Францыі (2010—2018).

Клубная кар’ера

Першым клубам Адыля стаў «Этуаль Фрэжус Сен-Рафаэль», у які ён трапіў ў 1994 годзе ва ўзросце 9 гадоў. Нягледзячы на вялікае жаданне Рамі займацца футболам прафесійна, яму прыходзілася гуляць толькі ў свабодны час ад працы ў гарадской ратушы, у якой працавала яго маці^[3]. У сезоне 2003/04 Адыль дэбютаваў на аматарскім узроўні ў матчах за свой клуб у чацвёртым дывізіёне чэмпіянату Францыі^[4].

«Ліль»

Пасля свайго пераезду ў «Ліль» Рамі быў адпраўлены ў рэзервовы склад клуба, якім кіраваў Паскаль Планк, трэнер, які паводле слоў самога Адыля даў яму шанс расці ў прафесійным плане^[5]. За два месяцы да заканчэння сезона 2006/2007 Адыль быў упершыню выкліканы Клодам Пюэлем у асноўны склад клуба. 19 мая 2007 года Рамі дэбютаваў у чэмпіянаце Францыі ў матчы супраць «Асера», выйшаўшы на поле ў стартавым складзе на звыклай пазіцыі цэнтральнага абаронцы. Праз тыдзень Адыль зноў згуляў з першых хвілін у матчы супраць «Рэна». 4 чэрвеня Рамі падпісаў свой першы прафесійны кантракт, заключыўшы трохгадовае пагадненне з клубам да 2010 года^[6].

«Валенсія»

3 студзеня 2011 года Рамі падпісаў кантракт на 4,5 года з іспанскай «Валенсіяй»^[7]. Між клубамі было заключана пагадненне аб тым, што Рамі будзе выступаць за «Ліль» да ліпеня, пасля чаго далучыцца да іспанцаў на сталай аснове. Дэбютаваў у складзе «кажанаў» у гульні супраць «Расінга» ў пераможным з лікам 4:3 матчы. У той жа гульні, Рамі забіў свой першы гол за клуб з падачы з вуглавога ўдару^[8].

«Мілан»

Рамі пагадзіўся да далучэння ў склад «Мілана» ў кастрычніку 2013 года, аднак, яго клуб «Валенсія», не даў яму дазволу на пачатак трэніровак з італьянскім клубам да студзеня 2014 года, пакуль арэнда афіцыйна не была зроблена^[9]. 6 студзеня Адыль дэбютаваў у Серыі А, выйшаўшы ў якасці замены Крысціяну Сапату ў матчы супраць «Аталанты», якая скончылася з лікам 3:0 на карысць міланцаў. 1 лютага 2014 года ён забіў свой першы гол у Серыі А у матчы супраць «Тарына».

12 ліпеня 2014 года Рамі падпісаў з «Міланам» 3-гадовы кантракт. За іграка італьянцы выклалі 4,25 млн еўра^[10].

«Севілья»

У ліпені 2015 года перайшоў у «Севілью», разам з якой у сезоне 2015/16 выйграў Лігу Еўропы.

«Марсель»

У ліпені 2017 года падпісаў чатырохгадовы кантракт з марсельскім «Алімпікам», сума трансферу склала 6 млн еўра.

У жніўні 2019 года «Марсель» разарваў кантракт з абаронцам пасля таго, як ён адправіўся на здымкі шоу «Форт Баяр» без дазволу клуба^[11].

«Фенербахчэ»

У жніўні 2019 года падпісаў кантракт з турэцкім клубам «Фенербахчэ»^[12]. Аднак, звычайна знаходзіўся на лаўцы запасных, выйшаў на поле толькі ў адным матчы.

«Сочы»

У лютым 2020 года далучыўся да расійскага клуба «Сочы»^[13]. Ужо ў маі таго ж года разарваў кантракт, так і не згуляўшы за клуб ніводнага матча^[14].

Апошнія гады

У верасні 2020 года падпісаў двухгадовы кантракт з «Баавіштай»^[15]. У ліпені 2021 года па пагадненні бакоў пакінуў клуб, а ў жніўні 2021 года далучыўся да «Труа», дзе гуляў да канца сезона 2022/23.

Міжнародная кар’ера

Рамі дэбютаваў у складзе зборнай Францыі 11 жніўня 2010 года ў таварыскім матчы супраць зборнай Нарвегіі. Да гэтага ў яго быў выбар паміж французскай і мараканскай зборнай, чый трэнер Анры Мішэль прапаноўваў Адылю месца ў складзе перад Кубкам афрыканскіх нацый 2008. Тым не менш, Рамі адхіліў прапанову Мішэля, заявіўшы пра сваё жаданне выступаць у складзе «трохкаляровых». Адыль заявіў аб тым, што ён аддасць перавагу «прадстаўляць Марока ў французскай зборнай».

Дасягненні

«Ліль»:

• Чэмпіён Францыі: 2011
• Уладальнік Кубка Францыі: 2011

«Севілья»:

• Пераможца Лігі Еўропы: 2016

Францыя:

• Чэмпіён свету: 2018

Крыніцы

1. Adil Rami // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. ADIL RAMI // Argentine Soccer Database
   <a href="https://wikidata.org/wiki/Track:Q19368470"></a>
3. Adil Rami, l’homme qui a dit non aux Lions Архівавана 16 красавіка 2009.. bladi.net
4. Saison Football 2003/2004 Архівавана 6 кастрычніка 2011.. stat2foot.com
5. Adil Rami, le triomphe de l’insouciance. lavoixdessports.com
6. Adil Rami signe son premier contrat «pro» avec Lille Архівавана 16 красавіка 2009.. bladi.net
7. Rami to leave Lille for Valencia. uefa.com
8. Rami netting in his debut for Valencia Архівавана 2 лістапада 2012.. ESPN
9. Official: Rami Joins Milan. Football Italia.
10. Transfer news: Adil Rami joins AC Milan from Valencia on three-year contract. Sky Sports.
11. «Марсель» расторг контракт с Рами. Он ездил на съемки шоу «Форт Боярд» без разрешения. by.tribuna.com.
12. Рами перешел в «Фенербахче». «Марсель» расторг с ним контракт из-за участия в «Форт Боярд». by.tribuna.com.
13. Чемпион мира Рами переходит в "Сочи". football.by.
14. Рами расторг контракт с "Сочи". Ему не платят по контракту. football.by.
15. Рами перешел в «Боавишту». by.tribuna.com.